Luca 23:5 - Tachi Ak'õre Pedea

⁵ Maamina mãicha jarasidama: —Ichia jaratea bɨdepa tai judiorã k'ĩruupik'apiparima. Naa Galilea tuade mãɨya oosima mãɨnepa nãɨ p'uurude pida mãɨya oo bɨma.

Luca 23:5 Referans Kwoze

Juan 2:11

Mãɨ ẽpẽerãpa ne p'ue oodak'apɨ́ naa ooda Jesupa Caná p'uurude Galilea ĩjũane oosima. Mãɨnepa chi ichi minachia atepe bɨt'a unupisima. Mãɨya ichi ome p'ɨrrɨapataɨrãpa ichide piarã ĩjãasidama.

Juan 1:43

Norema Jesú Galilea tuadea wãi k'ɨ̃risiasima. Mãɨpuru P'elipe unusima. Unuk'ari jarasima: —Mɨa k'ɨ̃ria bɨma pɨ mɨ ome p'ɨrrɨait'a.

Marco 1:14

Juan chi Porochoaparí eda jɨ̃a nɨbɨdak'ari Jesú Galilea tuadea wãk'ari chi pedea pia Tachi Ak'õre k'orea jarateapachima.

Mateo 4:23

Jesú Galilea tuade ãarea p'ɨrrɨasima. Judiorã ará pedeapataɨ techa jarateapachima Tachi Ak'õrepa ichidirã ichi juade ua bai k'orea. Mãɨ pedea pia jarateade wãrucha ãarea ẽpẽrarã k'ak'ua piawẽa be jɨpa beepik'oapachima.

Hecho 23:10

Ãchi mãicha atepe k'ĩruu pedea p'anɨ pẽra papaká berã chi atepe chaarea bɨpa wap'ea basima Pablo wawaria p'edait'a. Mãɨpuru papaká berã wãpisima Pablo ãchi t'ãenapema ẽemarinak'ari chi papaká berã tuanapataɨ tede eda ateewãnamẽrá.

Hecho 10:37

Mãrapa k'awa p'anɨma ãarea Judea tuade Jesú k'orea nepɨrɨpataɨ. Naa Galileade Juanpa jaratea basima ẽpẽerã porochoadamẽrá.

Hecho 7:57

Mãɨ ũrisidaɨde ãchi minachia bia tuaneenak'ari ãchi k'ɨɨrɨ juapa jɨ̃anak'ari mãɨne ãarea ichi ɨ̃rɨ cheepɨrɨsidama.

Hecho 7:54

»Mãɨ pedea ũrisidaɨde chi judiorã minachia k'awa p'anɨrã Esteban ome minachia k'ĩruutapa ãchi k'ida k'osterrea p'aneesidama.

Hecho 5:33

Mãɨ ũrisidaɨde chi chõarã minachia k'ĩruunak'ari, chi Jesupa peedaɨrã pea k'ɨ̃ria p'aneesidama.

Juan 19:15

Maamina ãchia jĩk'ua jarasidama: —¡Ateewãpik'ari, peapise! ¡Ateewãpik'ari, peapise! ¡K'urusude barijira bɨk'ari, peapise! Mãɨ k'orea Pilatopa jarasima: —¿Mãɨyara mɨa mãra poro jũra jɨ̃parí jɨ̃ bɨ k'urusude barijira bɨk'ari, peapiik'ãra? Mãɨne p'aarerã chi mãɨrã chaarearãpa p'anoosidama: —¡Taipa poro jũra jɨ̃parí jɨ̃ bɨ awara newẽma! ¡Abapuru uru p'anɨma tachi romanepema chi atepe poro chaarea bɨt'a!

Juan 7:52

Ãchia p'anoosidama: —¿Mãɨyara pɨ Galileadepemak'ãra? Tachi Ak'õre pedea minachia eda jara base. Mãɨne pɨa k'awaipɨ abaɨ pida Tachi Ak'õre pari pedeaparí Galileadepa chewẽt'a.

Juan 7:41

Mãɨnepa waapẽarãpa jarasidama: «Ichi Tachi Ak'õrepa Tachi K'aripaparí teai jaradapɨ». Maamina waapẽarãpa jarasidama: «Mãɨyawẽma. ¿Tachi Ak'õrepa Tachi K'aripaparí teai jarada Galileadepa cheik'ãra?

Luca 23:23

Maamina ãchi wapida jĩk'ua bia p'aneesidama Jesú k'urusude barijira bɨk'ari peapimẽrá. Mãɨ awara p'aarerã chi mãɨrã chaarearãpa ara mãɨ jĩra jĩk'ua jara p'aneesidama Pilatopa ãchia k'ɨ̃ria p'anana jĩra oomẽrá.

Luca 11:53

Jesú wãk'ari p'ariseorãpa mãɨnepa Moisepa bɨda jarateapataɨrãpa Jesua atepe ne chaarea be k'ĩruu idi p'aneesidama.

Mateo 27:24

Mãɨya p'anɨne Pilatopa k'awasima ẽpẽrarãpa ichi pedea ĩjãanawẽa p'anasit'a. Mãɨ awara unusima ẽpẽrarã minachia piuk'a nɨbɨt'a. Maapae jõmãɨrã k'ĩrari paniapa ichi jua sɨɨk'ari jarasima: —Nãɨ ẽpẽra jĩp'a bɨ peauta k'orea mɨ nepɨra pará beeiwẽma. ¡Mãɨt'u machi nepɨrapɨ!

Mateo 2:1

Jesú Belén p'uurude Judea tuade t'õside Herode chi Minachia K'awa bɨ apataɨ chi poro jũra jɨ̃parí jɨ̃ bɨ pasima. Mãɨ ewaride minachia k'awa berã ɨmata ochiaparidepa chesidama Jerusalén p'uurudea. Mãɨrãpa k'ãk'ãi ak'ɨ p'anɨnepa ne k'awapachidama.

Mateo 11:1

Jesupa ichi ome p'ɨrrɨapataɨrã doce p'anɨa mãɨya jarak'ari mãmãɨpa p'uurucha jarateade wãsima.

Luca 23:6

Mãɨ ũriside Pilatopa ãchiá idisima Jesú Galileadepema k'awai k'orea.