Luca 23:38 - Tachi Ak'õre Pedea

³⁸ Pak'uru p'ep'edeade nãɨ pedea bɨdak'ari, mãɨ barijira bɨsidama Jesú poro ɨ̃rɨ k'urusude, k'awapidai k'orea ichi k'ãre k'orea peautat'a: «Nãɨ judiorã poro jũra jɨ̃parí jɨ̃ bɨpɨ».

Luca 23:38 Referans Kwoze

Marco 15:26

Chi pak'uru p'ep'edeade ichi k'ãre k'orea piui bɨ k'orea nãɨya bɨ basima: «Judiorã Poro Jũra Jɨ̃parí Jɨ̃ bɨ».

Mateo 27:37

Pak'uru p'ep'edeade nãɨ pedea bɨdak'ari, mãɨ barijira bɨsidama Jesú poro ɨ̃rɨ k'urusude, k'awapidai k'orea ichi k'ãre k'orea peautat'a: «Nãɨ Jesú, chi judiorã poro jũra jɨ̃parí jɨ̃ bɨpɨ».

Luca 23:3

Mãɨpuru Pilatopa Jesua idisima: —¿Pɨ piarã judiorã poro jũra jɨ̃parí jɨ̃ bɨk'ãra? Jesupa p'anoosima: —Ãjã, pɨa mãɨya jara bɨma.

Marco 15:32

Mãɨyara ¿ichi Tachi Ak'õrepa Tachi K'aripaparí teai jaradak'ãra? Ichi Israeldepema poro jũra jɨ̃parí jɨ̃ bɨpɨra, nãɨena jãɨ k'urusudepa edá chese. Mãɨyara taipa k'awadak'ari, ĩjãanaipɨ. Mãɨne chi Jesuk'á k'urusude barijira bɨdada pida abarik'a k'achia pedeapachidama.

Juan 19:3

Maapae Jesumá orrobaridak'ari nãɨya jarasidama: —¡Minachia pia bɨma, chi judiorã poro jũra jɨ̃parí jɨ̃ bɨt'a! Mãɨya jaradak'ari ichi k'ĩtarramá p'epachidama.

Marco 15:18

Maapae jĩk'ua jara p'aneesidama: —¡Minachia pia bɨma, chi judiorã poro jũra jɨ̃parí jɨ̃ bɨt'a!

Mateo 27:11

Mãɨne Jesú Pilato k'ĩrari basima. Pilatopa ichiá idisima: —¿Pɨ piarã judiorã poro jũra jɨ̃parí jɨ̃ bɨk'ãra? Jesupa p'anoosima: —Ãjã, pɨa mãɨya jara bɨma.

Mateo 2:2

Mãɨne ãchia idisidama: —Nãɨ tuade warra t'õsima judiorã poro jũra jɨ̃parí jɨ̃ bɨ pai k'orea. Ichi ¿sãma bɨma? Taipa ɨmata ochiaparieri ichi k'ãk'ãi unusidama. Nãmá che p'anɨma ichiá pia pedeadai k'orea.