Luca 22:52 - Tachi Ak'õre Pedea

⁵² Maapae Jesupa ichi jitade chedada p'aarerã chi mãɨrã chaarearã́, Tachi Ak'õre te minachia bɨ ot'eapataɨrã chaarearã́ mãɨnepa judiorã chõarã minachia k'awa p'anɨrã́ nãɨya jarasima: —Mãrapa ¿k'ãre k'orea k'ĩruuparí nek'o pará, pak'uru pará mɨ jãɨya jitade che p'anɨma? ¿Mãɨya mɨ ẽpẽra nechɨaparik'ãra?

Luca 22:52 Referans Kwoze

Luca 22:4

Juda p'aarerã chi mãɨrã chaarearãmá mãɨnepa chi Tachi Ak'õre te ot'eapataɨrã chaarearãmá wãsima. Ãchiá jarasima sãmaasã́ Jesú jitapii k'orea.

Hecho 5:26

Mãɨ ũrisidaɨde chi Tachi Ak'õre te minachia bɨdepema ot'eapataɨrã chi atepe bɨ mãɨnepa chi waapẽarã ot'eapataɨrã paara ãchi jitade wãnak'ari, wap'eapa ãchi k'ĩruupidawẽa enemeesidama, p'uurudepemarãpa ãchi mawarapa bat'adayade a k'ɨ̃risiasidada pẽra.

Juan 17:12

Mɨ nãma basi ewarimisa pɨ jua chaareadepa mɨa ãarea pɨa teadaɨrã ak'ɨ basima. Ãchidepemarã mi ãpia pida atuaé pasima. Abapuru chi atuai badat'a atuasima Tachi Ak'õre pedea jara bɨ jĩra piarã mãɨyamẽrá.

Mateo 26:55

Maapae Jesupa ãchiá jarasima: —Mãrapa ¿k'ãre k'orea k'ĩruuparí nek'o mãɨnepa pak'uru paara mɨ jãɨya jitade chesidama? ¿Mãramá, mɨ chi nechɨaparí mietá bɨk'ãra? Mɨa ewaricha Tachi Ak'õre te eda mãrá jaratea suak'abari bapachima. ¿K'ãre k'orea mɨ mãma jõmãɨrã taade jitadaé pasima?

Mateo 26:47

Jesú wapida pedeamaa bɨde Juda chesima. Mãɨ Juda Jesupa doce peedaɨrãnepema pasima. Ẽpẽrarã chok'ará k'ĩruupataɨ nek'o paara, pak'uru paara ichi ome chesidama. Ãchi p'aarerã chi mãɨrã chaarearãpa mãɨnepa judiorã chaarearãpa peedaadarã pasima.

Luca 22:37

Mɨa jararuma: Tachi Ak'õre pari pedeaparipa mɨ k'orea bɨda piarã mãɨyai pia bɨma. Nãɨya bɨsima: “Ara ichi ẽpẽra k'achia bɨ jĩra k'ɨ̃risia p'anasidama”. Chi mɨ k'orea bɨdada piarã ãarea mãɨyaipɨ.

Luca 22:51

Mãɨpuru Jesupa jarasima: —¡K'ĩruurãt'ɨ! ¡Itu bɨt'ɨ! Ara mãɨne chi ẽpẽra k'ɨɨrɨ t'õmarik'ari ará anipisima.

Luca 22:53

Ewaricha mɨ Tachi Ak'õre te eda mãra t'ãena badamina jitadak'a pasima. Maamina piarã nãɨena Tachi Ak'õrepa tiorea itu p'uepi bɨma. Mãɨya mãrapa oo k'ɨ̃ria p'anɨt'a oo p'anɨma.