Luca 22:29 - Tachi Ak'õre Pedea

²⁹ Mãɨpuru mɨ Ak'õrepa mɨ chi minachia k'awa bɨ bɨsima. Ara mãɨ jĩra mɨa mãra minachia k'awa p'anɨrã jĩra bɨ bɨma.

Luca 22:29 Referans Kwoze

2 Timoteo 2:12

Tachi minachia mĩa p'anɨ choadaipɨra, ichi ome chi minachia k'awa p'anɨrã jĩra p'ananaipɨ. Tachia Cristo atua p'anɨane adaipɨra, ichia pida tachi atua bɨade aipɨ.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

Mateo 28:18

Mãɨne Jesú ãchi k'ait'a chek'ari jarasima: —Tachi Ak'õrepa mɨá jua chaarea teasima pajãne mãɨnepa nãɨ ĩjũane ne ãarea mɨ juade uru bamẽrá.

Mateo 24:47

Mɨa piarã jararuma: chi chiparipa ãarea ichia uru bɨt'a mãɨ ichi pae pari mimiaparí juade bɨipɨ.

Luca 12:32

»Mãra chi chok'ará p'anɨwẽmina ne wap'ea p'anarãt'ɨ. Tachi Ak'õrepa mãra ichi juade ua bai k'ɨ̃ria bɨma, ichidirã ome.

Luca 19:17

Mãɨ k'orea chi minachia k'awa bɨpa jarasima: “Mɨ pae pari mimiaparí, piapɨ. Mɨa ãpia teadadepa pɨa arí ooda pẽra mɨa pɨ juade p'uuru k'ak'o diez bɨipɨ”.

1 Pedro 5:4

Maapae Cristo tachi Ak'ɨparí chi Atepe bɨ cherude mãra chi atepe k'awa p'anɨrã bɨipɨ poro jũra jɨ̃parí jõk'apɨ́ tearu jĩra.

1 Corintio 9:25

P'irapataɨrãpa ãchi k'ak'ua pia ak'ɨpatama chaarea p'ananai k'orea. Mãɨya oopatama waapẽarã k'aepẽra pia p'iradak'ari poro jũra jɨ̃parí jitadai k'orea. Mãɨ poro jũra jɨ̃parí isapea pɨɨparima. Maamina tachia nejõma pia oopatama Tachi Ak'õrepa teai jarada pɨɨk'apɨ́ atadai k'orea.

2 Corintio 1:7

Taipa k'awa p'anɨma mãrapa Tachi Ak'õrene piarã minachia ĩjãa p'anɨ. K'awa p'anɨma mãra tai jĩra minachia mĩapatamina Tachi Ak'õrepa mãra tai jĩra sõpiapiparit'a.

Apocalipsi 21:14

Mãɨ p'uuru audu jũk'a bɨ doce mawara ɨ̃rɨ basima. Mawaracha chi Oveja Chak'epa doce peedaɨrã t'ɨ̃ aba bɨ basima.

Mateo 5:3

«Pia p'anɨma mãra chi chichupuria berã k'awa p'anɨrã, mãɨ Tachi Ak'õrepa mãra ichi juade ua bɨẽra.

Mateo 5:10

Pia p'anɨma chi jĩp'a be k'orea waapẽarãpa mĩapi p'anɨrã, Pajãne Bɨpa ichi juade ua bɨẽra.

Mateo 25:21

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa arí ooda pẽra, mɨa ne minachia pɨ juade bɨipɨ. Eda chese mɨ ome sõ arapaade”.