Luca 21:25 - Tachi Ak'õre Pedea

²⁵ »Mãrapa ɨmata, jedek'o, k'ãk'ãi sida k'ĩra awara ununaipɨ. Mãɨpa unupiipɨ ewari k'achia cherut'a. Mãɨ k'orea nãɨ ĩjũane ẽpẽrarã minachia p'eradaipɨ. Ãchia k'awa k'ɨ̃risiadaiwẽma p'usa k'ĩruu nɨbɨpa chi minachia jĩk'ua nɨbɨ pẽra.

Luca 21:25 Referans Kwoze

Apocalipsi 20:11

Mãɨya nak'ari mɨa chi suak'a beeparí waibɨa t'ot'oa bɨt'a unusima. Ichiaba chi mãɨne suak'abari bɨt'a unusima. Ichi k'ĩrari nãɨ ĩjũa ãarea mãɨnepa pajã sida wẽpasima. Abaɨ pida waa ununaé pasima.

Hecho 2:19

Mãɨ ewaride ẽpẽerãpa ne p'ue oodak'apɨ́ pajãne mãɨnepa ĩjũane unupik'oaipɨ. Oa, t'ɨpɨ mãɨnepa nãri unupik'oaipɨ.

Marco 13:26

»Mãɨ ewaride mɨ, chi Ẽpẽra Warra, mɨ jua chaareadepa jɨ̃ararãne cheit'a mãɨnepa k'ĩrawãrea bɨt'a ununaipɨ.

Marco 13:24

»Mãɨ ewaride ẽpẽerã minachia mĩa p'ananak'ari ɨmata p'ãrioipɨ. Jedek'o sida waa jẽrat'ĩuiwẽma.

Mateo 24:29

»Ẽpẽrarã minachia mĩa p'ananak'ari ara mãɨya ɨmata p'ãrioipɨ. Jedek'o sida waa jẽrat'ĩuiwẽma. K'ãk'ãi pajãnepa baek'oadaipɨ. Ãarea pajãne be orek'oadaipɨ.

Marco 15:33

Ɨmat'iip'aɨdepa waa ɨmata baarea ĩjũa ãarea p'ãrio nɨbeesima.

Mateo 27:45

Ɨmat'iip'aɨdepa waa ɨmata baarea ĩjũa ãarea p'ãrio nɨbeesima.

Luca 21:24

Waapẽarã k'ĩruuparí nek'opa k'enanaipɨ mãɨnepa waapẽarã tua becha jita ateek'oadaipɨ. Mãɨne judiorãwẽpa Jerusalén ãchi juade uru p'ananaipɨ aba Tachi Ak'õrepa bɨda ewaridea.

Luca 21:26

Pajãne be k'ĩra awara beerude ẽpẽrarã minachia p'eradaipɨ. Nãɨ ĩjũa k'achia nɨbɨ unu p'anɨ pẽra p'erapa piubari p'aneenaipɨ.