Luca 2:26 - Tachi Ak'õre Pedea

²⁶ Naena Tachi Ak'õre Jaorepa ichiá k'awapisima ichi k'ĩrawẽai naena Tachi Chiparipa Tachi K'aripaparí teai jarada unuit'a.

Luca 2:26 Referans Kwoze

Juan 8:51

Mɨa piarã jararuma, chi mɨ pedea ĩjãak'ari oo bɨt'a mãɨ piuk'á paipɨ.

Hebreo 11:5

Enopa Tachi Ak'õrene ĩjãa bada pẽra, Tachi Ak'õrepa chok'ae ateewãsima mãɨ piupiemaapa. Mãɨ ateewãna pẽra waa ununaé pasima. Tachi Ak'õre pedeade bɨ bɨma Enó ateewãi naena Tachi Ak'õrepa ichi pia unusit'a.

Luca 9:27

Mɨa piarã jararuma: chi eda waapẽarã nãma p'anɨ piudai naena ununaipɨ Tachi Ak'õrepa ichidirã ichi juade ua bait'a.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Hecho 2:36

»Mãɨ k'orea ãarea israel ĩjũanepemarã, piarã k'awat'ɨ: Jesú, chi mãrapa k'urusude barijira bɨpidada, Tachi Ak'õrepa mãɨ chi ãareaɨrã Chipari mãɨnepa Tachi K'aripaparí teai jarada bɨsima».

Hecho 17:3

Ichia pia jarateapachima Tachi Ak'õrepa Tachi K'aripaparí teai jarada mĩa bai basit'a mãɨnepa piuk'ari chok'ae p'irabarii basit'a. Mãɨ awara nãɨya jarapachima: «Mɨa mãrá jara bɨma Jesú piarã Tachi Ak'õrepa Tachi K'aripaparí teai jaradapɨ».

Hecho 9:20

Mãɨne judiorã ará pedeapataɨ te p'anɨrãmá wãrune ichia jaratea beesima Jesú piarã Tachi Ak'õre Warra k'orea.

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Juan 4:29

—¡Ak'ɨde wãt'ɨ, chi mɨa ununa ẽpẽra! Ichia mɨá jarasima mɨa ne ãarea naena oodat'a. ¿Mãɨ Tachi Ak'õrepa Tachi K'aripaparí teai jaradawẽk'ãra?

Juan 1:41

André Jesumá bak'ari naa ichi ũpẽa Simón jɨrɨde wãsima. Unuk'ari jarasima: —Taipa unusidama Tachi Ak'õrepa Tachi K'aripaparí teai jarada.

Mateo 2:12

Mãɨya bak'ari k'ãmok'araade Tachi Ak'õrepa jarasima waa wãpidaemaapa Herodemá. Mãɨneepuru o awaraɨde wãsidama ãchi tuadea.

Luca 2:29

«Mɨ Chipari, jãɨyapuru pɨ pae pari mimiaparí ne k'ɨ̃risiawẽa piupise, pɨa jarada jĩra ooda pẽra.