Luca 18:12 - Tachi Ak'õre Pedea

¹² Tomiocha bari k'ak'o ume Tachi Ak'õrene k'ɨ̃risiadayá nek'odak'apɨ́ ewari ooparima mãɨnepa ne diez jitarudepema mɨa pɨá aba teaparima”.

Luca 18:12 Referans Kwoze

Luca 11:42

»¡Mãra p'ariseorã chupuri p'anɨma Tachi Ak'õrepa ɨtɨai pẽra! Mãrapa menta k'irú, ruda k'irú mãɨnepa ne uu ĩjũanepema ome Tachi Ak'õrea teapatama, mãɨ diezedepemacha, aba. Maamina chĩara ome jĩp'a oodak'ama mãɨnepa Tachi Ak'õre k'ɨ̃rianak'ama. Mãɨya oodai pia bɨma, machi ne teapata jĩra Tachi Ak'õrea.

Mateo 9:14

Mãɨya bak'ari Juan chi Porochoaparí ome p'ɨrrɨapataɨrã Jesumá chedak'ari idisidama: —Taipa mãɨnepa chi p'ariseorãpa Tachi Ak'õrene k'ɨ̃risiadayá nek'odak'apɨ́ ewari oopatama, maamina chi pɨ ome p'ɨrrɨapataɨrãpa ¿k'ãre k'orea mãɨya oodak'ama?

Luca 17:10

Ara mãɨ jĩra mãrapa oodai p'anɨ jõma oosidara nãɨya jaradai p'anɨma: “Tai pɨ pae pari mimiapataɨrã k'aepe k'edema; abapuru taipa oodai p'anɨt'a oosidama”.

1 Timoteo 4:8

Piarã tachi k'ak'ua chaareapidayá oo p'ananaipɨra, ara tachi k'ak'ua puru k'aripadaipɨ. Maamina Tachi Ak'õrepa oo k'ɨ̃ria bɨ oodaipɨra, mãɨpa tachi ne ãareaɨne k'aripaipɨ. Idiapae mãɨnepa k'aadeapema ewaride k'aripaipɨ.

Mateo 6:1

»Jĩrak'aua p'anat'ɨ awaraɨrã taade nepia oodai Tachi Ak'õre pae, ãchia ak'ɨdamẽrá. Mãɨya oosidara, mãra Ak'õre pajãne bɨpa mãrá nepia teaiwẽma.

Ep'esio 2:9

Mãrapa pia oo p'anɨ k'orea Tachi Ak'õrepa k'aripaé pasima. Mãɨya mi ãpia pida ara tachi k'orea p'ue pia pedeadaiwẽma.

Gálata 1:14

Judiorãpa jarateapataɨ mɨa atepe k'awaru pasima mɨ aɨk'aɨrã k'aepẽra, tai chõarãenapemarãpa oopataɨ minachia oopachideepuru.

1 Corintio 1:29

Mãɨpuru abaɨ pida ara ichi k'orea Tachi Ak'õre k'ĩrari p'ue pia pedeawẽma.

Romano 3:27

Mãɨpuru ¿k'ãre ara tachi k'orea pia pedeadaima? P'ue pia pedeadaiwẽma. ¿K'ãre k'orea? P'ue pia pedeadaiwẽma, Moisepa bɨda oo p'anɨnepa Tachi Ak'õrepa tachi chi ichidirã jĩp'a berã paara bɨiwẽ pẽra, mãɨpari Jesude ĩjãa p'anɨnepa mãɨya bɨipɨ.

Mateo 6:16

»Mãrapa Tachi Ak'õrene k'ɨ̃risiadayá nek'odak'apɨ́ ewaride ooutade k'ĩra piawẽa p'aneerãt'ɨ Tachi Ak'õrene ĩjãapataade apataɨrãpa oopataɨ jĩra. Ãchi mãɨya p'anapatama jõmãɨrãpa k'awadamẽrá Tachi Ak'õrene k'ɨ̃risiadayá nek'odak'apɨ́ ewaride oo p'anɨ. Mɨa piarã jararuma: ẽpẽrarãpa ãchi pia jaradai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:5

»Pɨa Tachi Ak'õrea ɨt'aa chiidirude Tachi Ak'õrene ĩjãapataade apataɨrãpa oopataɨ jĩra oorãse. Ãchia judiorã ará pedeapataɨ tede mãɨnepa p'uurude bai nɨp'aneenak'ari Tachi Ak'õrea ɨt'aa chiidipatama ẽpẽrarãpa pia ununamẽrá. Mɨa piarã jararuma: ẽpẽrarãpa ãchi pia ununai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 5:20

Mɨa piarã jararuma: Moisepa bɨda jarateapataɨrãpa oo p'anɨ k'aepẽra mãɨnepa p'ariseorãpa oo p'anɨ k'aepẽra mãrapa jĩp'a oodaepɨra, Pajãne Bɨpa mãra ichi juade ua baiwẽma.