Luca 16:15 - Tachi Ak'õre Pedea

¹⁵ Mãɨne Jesupa ãchiá jarasima: «Mãra waapẽarã k'ĩrari ẽpẽra pia jĩra p'anapatama. Maamina Tachi Ak'õrepa k'awa bɨma mãra piarã sãmaasã́ p'anɨt'a. Ẽpẽrarãpa pia unupataɨ, mãɨ Tachi Ak'õrepa pia unuk'ama.

Luca 16:15 Referans Kwoze

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

Hecho 15:8

Tachi Ak'õrepa ẽpẽerã ãarea sõ k'awa bɨma. Mãɨ judiorãwẽpa ĩjãasidaɨde Tachi Ak'õrepa k'awapisima ãchi pia jitasit'a. Ichi Jaore ãchiá teasima, tachiá naena teada jĩra.

1 Pedro 3:4

Mãɨpari mãra sõnepuru mip'it'á bai bɨma; sõpiadepa mãɨnepa ne k'ɨ̃risiawẽa bɨdepa bai bɨma. Mãɨ mip'it'á jõk'ama mãɨnepa Tachi Ak'õrepa pia unu bɨma.

Luca 11:39

Mãɨne Tachi Chiparipa ichiá jarasima: —Mãra p'ariseorãpa pasu mãɨnepa p'arat'u ɨ̃rɨpema pia sɨɨpatama, maamina mãra sõne ne ãarea ara machi pae ata k'ɨ̃riapatama mãɨnepa k'achia k'ɨ̃risiapatama.

Luca 10:29

Maamina ichia unupiyá basima ichi jĩp'a bapari jĩra. Mãɨpa Jesua idisima: —Maamina “ẽpẽra abaɨ” ¿k'aima?

Apocalipsi 2:23

Ichi warrarã mɨa ãarea piupiipɨ. Mãɨya ũpẽarã ãareaɨrãpa k'awadaipɨ mɨa jõmãɨrã k'ɨ̃risia k'awa bɨt'a. Ichiaba k'awadaipɨ jõmãɨrãpa ãchi sõnepa oo k'ɨ̃ria p'anɨt'a, mɨa mãɨ k'awa bɨt'a. Ara machicha oodada jĩra mɨa ɨtɨaipɨ.

1 Pedro 5:5

K'ũtãarã, chõarãpa jarauta oot'ɨ. Jõmãɨrã chi k'aripa p'ananai p'anɨma waapẽarã k'aepẽra chi atepe bɨ k'ɨ̃risiadawẽa. Tachi Ak'õre pedeade nãɨya bɨ bɨma: «Chi waapẽarã k'aepẽra chi ãchi k'ak'ua atepe k'ɨ̃riapataɨrã Tachi Ak'õrepa itu pia p'anapik'ama. Maamina chi atepe k'ɨ̃risiawẽa be Tachi Ak'õrepa ichi sõpiadepa k'aripaparima».

Romano 3:20

Piarã Moisepa bɨda oo bɨdepa mi ãpia pida Tachi Ak'õrepa chi ichidirã jĩp'a berã paara bɨiwẽma. Mãɨ Moisepa bɨdadepa k'awapi bɨma tachia nemietá oopataɨ.

Juan 2:25

Ãareaɨrã sõ k'awa bɨ pẽra mi ãpia pida ichiá ẽpẽerã sãmaasã́ be jaradaiwẽa p'anasidama.

Mateo 23:5

»Ãchia ne ãarea oopatama waapẽarãpa pia ununamẽrá. Tachi Ak'õre pedea k'art'ade bɨda ne yaaparí chak'ede eda bɨdak'ari ãchi tau bɨɨrɨde mãɨnepa juap'ot'ode jɨ̃patama. Maamina chi ne yaaparí jobɨa oopatama waapẽarãpa pia ununamẽrá. Ichiaba mãɨ k'orea ãchia neet'á i jijichoa teesoa be k'osadak'ari jɨ̃patama.

Luca 18:21

Chi ẽpẽrapa p'anoosima: —K'ũtãenapema mɨa mãɨ ãarea oo bɨma.

Luca 18:11

P'ariseo bai nɨbɨpa ara ichia nãɨya ɨt'aa chiidisima: “Tachi Ak'õre, mɨ sõpia bɨade pɨá aipɨ mɨ waapẽarã jĩra bak'a pẽra. Ãchi nechɨapatama, nemietá oopatama, wẽra awaraɨ ome k'ãipatama. Ichiaba mɨ jãɨ Romanepema pae erreara jɨrɨp'eparí jĩra bɨwẽma.

Hecho 1:18

(Judapa Jesú jitapida k'orea, chi mãɨ erreara ichia jitadapa ĩjũa atasima. Mãma poroari baek'ari chi bi t'erawãk'ari, maapae chi jɨ̃si ãarea awara wãsima.

Luca 20:47

P'ẽtãarã neet'á ẽemaripatama mãɨnepa minachia tãaraa ɨt'aa chiidipatama ẽpẽrarãpa mãra pia ununamẽrá. Mãɨ k'orea Tachi Ak'õrepa ãchi atepe ɨtɨaipɨ».

Luca 20:20

Maapae p'aarerã chi mãɨrã chaarearãpa ẽpẽra jĩp'a be jĩra peesidama Jesú pia ak'ɨdamẽrá. Mãɨrãpa Jesú piawẽa pedearu ũrisidara ara mãɨ jitadak'ari ãchi tuadepema poro chaarea juade teadai k'ɨ̃risia p'anasidama.

Mateo 6:16

»Mãrapa Tachi Ak'õrene k'ɨ̃risiadayá nek'odak'apɨ́ ewaride ooutade k'ĩra piawẽa p'aneerãt'ɨ Tachi Ak'õrene ĩjãapataade apataɨrãpa oopataɨ jĩra. Ãchi mãɨya p'anapatama jõmãɨrãpa k'awadamẽrá Tachi Ak'õrene k'ɨ̃risiadayá nek'odak'apɨ́ ewaride oo p'anɨ. Mɨa piarã jararuma: ẽpẽrarãpa ãchi pia jaradai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:5

»Pɨa Tachi Ak'õrea ɨt'aa chiidirude Tachi Ak'õrene ĩjãapataade apataɨrãpa oopataɨ jĩra oorãse. Ãchia judiorã ará pedeapataɨ tede mãɨnepa p'uurude bai nɨp'aneenak'ari Tachi Ak'õrea ɨt'aa chiidipatama ẽpẽrarãpa pia ununamẽrá. Mɨa piarã jararuma: ẽpẽrarãpa ãchi pia ununai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:2

Pɨa nenea k'edea ne tearude seat'a Tachi Ak'õrene ĩjãapataade apataɨrãpa oopata jĩra oorãse. Ãchia ne teautade, mãɨ k'orea jarapatama judiorã ará pedeapataɨ tede mãɨnepa p'uurude pida jõmãɨrãpa ãchi k'orea pia pedeadamẽrá. Mɨa piarã jararuma: ẽpẽrarãpa ãchi k'orea pia pedeadait'a k'ɨ̃ria p'anɨ pẽra, mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Juan 21:17

Jesupa mãicha idisima: —Simón, Joná warra, ¿mɨ k'ɨ̃ria bɨk'ãra? Mãɨpa bari k'ak'o ũpea idi basima. Pedro k'ĩra piawẽa nɨbeesima, Jesupa bari k'ak'o ũpea abarik'a idida pẽra. Maapae ichia jarasima: —Mɨ Chipari, pɨa ne ãarea k'awa bɨma. Pɨa k'awa bɨma mɨa pɨ k'ɨ̃ria bɨt'a. Jesupa jarasima: —Chi mɨne ĩjãa berã minachia ak'ɨ base oveja chak'erã ak'ɨpari jĩra.

Luca 18:9

Waapẽarãpa ara ãchit'a jĩp'a be k'ɨ̃risia p'anasidama. Mãɨpuru ununaemaa uru p'anapachidama. Jesupa ãchiá nepɨrɨdepa nãɨya jarasima:

Luca 18:14

»Mɨa mãrá jararuma: mãɨ p'ariseo k'aepẽra mãɨ ẽpẽra tedea wãside Tachi Ak'õre k'ĩrari jĩp'a basima. Chi atepe bai k'ɨ̃ria bɨ, Tachi Ak'õrepa mãɨ wariwẽa bɨipɨ. Abaɨ pida ara ichi ãpia bɨ jĩra k'ɨ̃risiasira Tachi Ak'õrepa mãɨ chi atepe bɨ jĩra bɨipɨ».

Hecho 1:24

Maapae ãareaɨrãpa Tachi Ak'õrea nãɨya ɨt'aa chiidisidama: —Tai Chipari, ãareaɨrãpa sõne k'ɨ̃risia p'anɨt'a pɨa mãɨ k'awa bɨma. Taiyá unupise nãɨ ẽpẽra umepemarã chi sãɨ pɨa jɨrɨ atait'a,

Romano 8:27

Mãɨne Tachi Ak'õre tachi sõ ak'ɨparipa ichi Jaorepa ɨt'aa chiidi bɨt'a k'awa bɨma, ichia k'ɨ̃ria bɨ jĩra ichidirã k'orea ɨt'aa chiidipari pẽra.