Luca 16:14 - Tachi Ak'õre Pedea

¹⁴ Jesupa jarada p'ariseorãpa ãarea ũri tuanasidama. Ãchia erreara k'ɨ̃riapata pẽra Jesú oo uru p'aneesidama.

Luca 16:14 Referans Kwoze

Luca 23:35

Jõma mãɨ ẽpẽrarãpa ak'ɨ tuanasidama. Mãɨne chi minachia k'awa berãpa ichi nãɨya oo uru p'anasidama: —Waapẽarã k'aripasima. Ichi chi Tachi Ak'õrepa Jɨrɨ Atadapɨra mãɨnepa Tachi K'aripaparí teai jaradapɨra, ¿ara ichi tuaba p'ue k'aripawẽk'ãra?

Luca 20:47

P'ẽtãarã neet'á ẽemaripatama mãɨnepa minachia tãaraa ɨt'aa chiidipatama ẽpẽrarãpa mãra pia ununamẽrá. Mãɨ k'orea Tachi Ak'õrepa ãchi atepe ɨtɨaipɨ».

Luca 12:15

Mãɨne ichia jõmãɨrã́ jarasima: —¡Jĩrak'aua p'anat'ɨ! Erreara chi awaa p'anarãt'ɨ. Neet'á minachia uru bɨdepa tachi chok'ae bak'ama.

Hebreo 11:36

Chi eda waapẽarã Tachi Ak'õrene ĩjãa p'anɨ k'orea ẽpẽerãpa oo uru p'anɨpa k'achia pedeasidama, soapa p'esidama mãɨnepa k'ãnenapa jɨ̃nak'ari eda jɨ̃a nɨbɨpataɨ tede jɨ̃a nɨbɨpisidama.

2 Timoteo 3:2

Ẽpẽrarãpa ne ãarea ara ãchi pae k'ɨ̃rianaipɨ, erreara awaa p'ananaipɨ, ãchi pia beade adaipɨ, chi atepe bɨ jĩra k'ɨ̃risiadaipɨ, chĩara k'orea k'achia pedeadaipɨ, ãchi ak'õre mãɨnepa nae pedea ĩjãanak'á p'ananaipɨ, ãchi k'ariparu ẽpẽrá sõpia bɨade adak'á p'ananaipɨ, mãɨnepa Tachi Ak'õre wap'eadak'á p'ananaipɨ.

Luca 8:53

Mãɨ k'orea ẽpẽrarãpa Jesumá ak'ɨdak'ari eesidama, wẽrak'au piarã piusi k'awa p'anana pẽra.

Mateo 23:13

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Pajãne Bɨpa ichidirã ichi juade ua bɨ k'orea itu k'awapidak'ama. Machia k'ɨ̃riawẽa p'anɨma ichia mãra p'e uru bait'a mãɨnepa waapẽarãpa mãɨya k'ɨ̃ria p'anɨrã mãrapa itu oopidak'ama.

Mateo 9:24

Jesupa ãchiá jarasima: —Ãyá wãt'ɨ. Wẽrak'au piuwẽa bɨma, mãɨpari k'ãi bɨma. Mãɨ k'orea ẽpẽrarãpa ichimá ak'ɨdak'ari eesidama.