Luca 15:22 - Tachi Ak'õre Pedea

²² Maamina chi ak'õrepa chi ichi pae pari mimiapataɨrã́ jarasima: “Anamari jɨ̃parí chi piipará bɨ atadak'ari jɨ̃pit'ɨ. Ichi juade sortia jɨ̃pit'ɨ. Mãɨ awara jĩrune jɨ̃pataɨ sida jɨ̃pit'ɨ.

Luca 15:22 Referans Kwoze

Apocalipsi 6:11

Mãɨrã́ neet'á t'orroa bɨt'a teasima mãɨ jɨ̃namẽrá. Maapae nãɨya jarasima: «Pik'ã́ nɨ p'ananot'ɨ jõma chi mãra ũpẽarã Cristo pae pari mimiapataɨrã peautadea, ẽpẽerãpa ara mãra peadada jĩra».

Apocalipsi 19:8

Tachi Ak'õrepa lino p'aru t'ot'oa ũucho ũuchoa bɨdepa ichi k'ak'apiapisima». (Mãɨ lino p'arupa jara k'ɨ̃ria bɨma chi ẽpẽerã Tachi Ak'õrenerãpa ne jĩp'a oopataɨ).

Apocalipsi 7:9

Mãɨya nak'ari mãicha k'ãmok'araa jĩra mɨa ẽpẽerã minachia nɨbɨt'a unusima. Abaɨ pida ãchi p'ue joisiadaé pasima. Ĩjũachapema, p'uuruchapema, ẽpẽerã awaraɨrãchapema mãɨnepa pedeachapema mãma tuanasidama. Ãarea neet'á t'ot'oa jɨ̃ beasima, mãɨnepa ãchi sõpia p'anɨnepa ãchi juade meme k'irú uru p'anasima. Ãchi bai nɨp'anasima chi suak'a beeparí auk'ará bɨ naa mãɨnepa chi Oveja Chak'e k'ede naa.

Romano 8:15

Mãrapa Tachi Ak'õre Jaore jitasidaɨde, mãrá wap'eapié pasima, chi chipari pae pari mimiaparí jĩra. Mãɨpari mãra bɨsima Tachi Ak'õre warrarã padamẽrá mãɨnepa ichiá «¡Mɨ ak'õre!» adamẽrá.

Apocalipsi 2:17

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedaadarã́ mɨa maná mẽra bada k'opiipɨ mãɨnepa mawara chak'e t'ot'oa bɨt'a teaipɨ. Mãɨ mawara chak'e bɨde t'ɨ̃ chiwidi bɨ bɨma. Abaɨ pida mãɨ t'ɨ̃ atuama. Maamina chi jitarupuru k'awaipɨ.

Gálata 3:27

Mãra porochoasidaɨde unupisidama Cristo jĩra p'aneesidaɨt'a.

Romano 13:14

Mãɨpari Tachi Chipari Jesucristo nipada jĩra nipat'ɨ. Nãɨ k'ak'uapa nemietá oo k'ɨ̃ria bɨt'a oodai k'ɨ̃risiarãt'ɨ.

Apocalipsi 3:18

Mãɨpuru mɨa mãrá nãɨya ũraaruma: nee chi ichiera t'ɨpɨde torbarida, mãɨ mɨnepa atat'ɨ. Mãɨya mãra piarã ɨbɨa padaipɨ. Mãɨnepa p'aru t'ot'oa be mɨnepa atat'ɨ jɨ̃nai k'orea. Mãɨya mãra ãk'adá p'anana k'orea k'ĩra p'eradaiwẽma. Mãɨnepa mɨnepa nẽará atat'ɨ mãra taude t'aadak'ari pia ununamẽrá.

Ep'esio 6:15

Chi pedea pia Tachi Ak'õre ome pia baidepema jarade wãnai k'orea p'anat'ɨ, papaká bɨpa chõone wãi k'orea ichi jĩrune ne jɨ̃pari jĩra.

Romano 3:22

Mãɨya Tachi Ak'õrepa ara ichia jararut'a ooparima, mãɨ Jesucristo ichi piuside ichi Ak'õre pedea ũri basi pẽra. Mãɨya ichia chi ãarea Jesude ĩjãautat'a chi ichidirã jĩp'a berã paara bɨparima. Aba pida k'ĩra awara unuk'ama.

Luca 15:21

Mãɨne chi warrapa jarasima: “Ak'õre, piarã mɨa Tachi Ak'õre k'ĩrari, pɨ k'ĩrari pida nemietá oosima. Mãɨpuru pia bɨwẽma mɨ waa pɨ warraade ait'a”.

Luca 15:23

Maapae p'ak'a chak'e chi atepe porek'ea bɨ peat'ɨ nek'odai k'orea. ¡Arapaapataɨ ewari oodaipɨ! Mɨ warra piu bada chok'ae p'irabarisima; chi atua bada tachia mãicha unusidama”. Maapae minachia arapá tuaneesidama.