Luca 14:23 - Tachi Ak'õre Pedea

²³ Mãɨpuru te chiparipa chi ichi pae pari mimiaparia mãicha jarasima: “P'uuru awara o becha wãpade asima. Ẽpẽrarã unusira isapea chepipadaade asima, mɨ te minachia bɨ ipiru k'obeemẽrá.

Luca 14:23 Referans Kwoze

Colosense 1:28

Jõma k'ɨ̃risia k'awaadepa taipa Cristo k'orea jõmãɨrã́ jaratea p'anɨma jĩp'a nipadamẽrá. Mãɨya taipa ẽpẽrarã ãarea Cristo k'orea ne ãareaɨne jĩp'a p'anɨt'a Tachi Ak'õrea unupidaipɨ.

2 Corintio 5:11

Tachi Chipari wap'ea p'anɨ pẽra taipa ẽpẽrarã́ jara p'anɨma ichide ĩjãanamẽrá. Tachi Ak'õrepa k'awa bɨma taipa k'ɨ̃risia piadepa jaratea nipadada. Mɨa k'ɨ̃risia bɨma mãra pida mãɨ k'awa p'anɨt'a.

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.

2 Corintio 5:20

Mãɨpuru Cristopa tai peesima ichi pari pedeadamẽrá. Taidepa Tachi Ak'õrepa mãrá t'ɨ̃ bɨma ichi ome pia p'ananamẽrá. Taipa Cristo t'ɨ̃nepa chichupuria idiutama: Tachi Ak'õre ome pia p'anat'ɨ.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

Romano 10:18

Maamina mɨa idiruma: ¿Judiorãpa mãɨ pedea ũrinaé pasik'ãra? Piarã ũrisidama. Tachi Ak'õre pedeade nãɨya bɨ bɨma: «Ichi k'orea jõma nãɨ ĩjũane jarasidama. Mãɨ pedea t'ɨmɨa jarade wãsidama».

Hecho 28:28

»Nãɨ k'awat'ɨ: Tachi Ak'õrepa tachi k'aripai jara bɨt'a judiorãwẽmá peesima. Ãchia mãɨ pia ũrinaipɨ.

Hecho 18:6

Maamina ichia jara bɨt'a ãchia itu bɨsidama. Mãɨnepa ichi k'orea k'achia pedeapachidama. Mãɨpuru Pablopa chi neet'á ɨ̃rɨ jɨ̃ bɨ jĩnap'et'asima, chi ãchia oodada ichia mãɨ k'ɨ̃riawẽa bɨt'a k'awapii k'orea. Nãɨya jarasima: —Mãrapa mãɨ pedea ĩjãanaepɨra, mãɨ mɨ nepɨra newẽma. Chi mɨa mãra pae ooi badat'a, mãɨ ãarea oosima. Idiidepa mɨ judiorãwẽmá wãipɨ.

2 Corintio 6:1

Taipa Tachi Ak'õre ome ichia oo bɨt'a oo p'anɨẽra, mãrá chichupuria idiutama Tachi Ak'õrepa ichi sõpiadepa k'aripa bɨt'a itu bɨpidaemaapa.

Hecho 9:15

Maamina Tachi Chiparipa jarasima: —Wãse. Mɨa ichi jɨrɨ atasima mɨ k'orea pedeamẽrá judiorãwẽmá, ãchi poro jũra jɨ̃parí jɨ̃pataɨrã́ mãɨnepa israel ĩjũanepemarã́.

Hecho 16:15

Lidia mãɨnepa ãarea chi ichi tedepemarã porochoasidaɨde taiyá chichupuria idisima ichi tede p'aneenamẽrá. Nãɨya jarasima: —Mãramá mɨa piarã Tachi Chiparide ĩjãasira mɨ tede p'aneene chet'ɨ. Mãɨya tai ichi tede p'aneepisima.

Luca 24:29

Maamina ãchi ome beemẽrá nãɨya minachia chichupuria idisidama: —Ewari k'iupodo pẽra wãrãse. Tai ome beese. Mãɨpuru ãchi ome beesima.

Mateo 5:41

Ichiaba ẽpẽra chaarea bɨpa ne chɨk'ɨa uapisira kilómetro aba, sõpia ua ateewãse kilómetro ume.

Luca 14:22

Chi ichi pae pari mimiaparipa mãɨya ook'ari jarasima: “Pɨa jarada jĩra mɨa oosima, maamina ãk'au wapida pari nɨbɨade asima”.

Luca 14:24

Mɨa jararuma: mɨa naa t'ɨ̃ peedaɨrãpa mɨ k'opataɨ waibɨa bɨde mi ãpia pida k'odaiwẽma”.