Luca 13:34 - Tachi Ak'õre Pedea

³⁴ »¡Jerusalén, Jerusalén, mãrapa Tachi Ak'õre pari pedeapataɨrã peapatama! ¡Tachi Ak'õrepa peedarã sida mawarapa bat'a peapatama! Mɨa bari k'ak'o minachia mãra ará jerep'e k'ɨ̃ria basima et'erre wẽrapa ichi warrarã ĩk'arra ek'ari jerep'epari jĩra. Maamina mãrapa k'ɨ̃rianaé pasima.

Luca 13:34 Referans Kwoze

Hecho 7:52

Ãchia Tachi Ak'õre pari pedeapataɨrã ãarea mĩapisidama. Chi Ẽpẽra Jĩp'a Bɨ chei k'orea jaradada sida peapachidama. Ara mãɨ jĩra mãrapa mãɨ Ẽpẽra Jĩp'a Bɨ jitadak'ari peasidama.

Luca 23:28

Jesupa ãchimá ak'ɨk'ari jarasima: —Jerusalenepema wẽrarã, mɨ k'orea jẽarãt'ɨ; mãɨpari ara machi k'orea, mãra warrarã k'orea pida jẽat'ɨ.

Luca 19:44

Pɨ te oodada t'erap'et'autade pɨ ẽpẽrarã sida ãarea k'enanaipɨ. Ãchia aba pida mawara abaɨ ɨ̃rɨ ameenaiwẽma. Mãɨya oodaipɨ Tachi Ak'õrepa peeda k'aripaparí pɨa k'awaé pasi pẽra».

Mateo 22:6

Waapẽarãpa chi minachia k'awa bɨ mimiapataɨrã jitadak'ari jok'aedak'ari peasidama.

Mateo 22:3

Chi ichi pae pari mimiapataɨrã peesima ichia ẽpẽrarã t'ɨ̃ pee bada atade wãnamẽrá. Maamina chedai k'ɨ̃rianaé pasima.

Apocalipsi 11:8

Chi piudada chi Jerusalén p'uuru waibɨa bɨde bari beaipɨ. Mãɨ p'uuru «Sodomaane» wa «Egitoade» apatama, mãma ãchi Chipari Jesú k'urusude barijira bɨdada pẽra.

Hecho 8:1

Saulopa chi Esteban peadada k'orea pia unusima. Mãɨne waapẽarã Tachi Ak'õre wap'ea berãpa Esteban t'ɨbaridak'ari, ichi k'orea minachia jẽa p'aneesidama. Mãɨ ewaride ẽpẽerãpa Jerusalene Jesude ĩjãapataɨrã minachia mĩapi p'aneesidama. Mãɨpuru chi Jesude ĩjãapataɨrã ãarea Judea tuadea mãɨnepa Samaria tuadea mĩruwãsidama. Chi Jesupa peedaɨrã Jerusalene p'aneesidama.

Hecho 7:59

Mawarapa bat'a p'anɨne Estebanpa Tachi Ak'õrea nãɨya ɨt'aa chiidisima: «Mɨ Chipari Jesú, mɨ jaore ateewãse».

Luca 15:28

»Mãɨ ũriside k'ĩruuk'ari chi tede eda wã k'ɨ̃riaé pasima. Mãɨya bɨde chi ak'õre ichimá wãk'ari chichupuria idisima eda wãmẽrá.