Luca 13:33 - Tachi Ak'õre Pedea

³³ Maamina idi, nũ mãɨnepa nõnorema ode wãipɨ Jerusalenea chei k'orea. Tachi Ak'õre pari pedeapataɨrã Jerusalene peapata pẽra mãmá wãi pará bɨma.

Luca 13:33 Referans Kwoze

Luca 9:53

Maamina mãɨ p'uurudepemarãpa k'awasidama Jesú Jerusalenea wãru. Mãɨ k'orea ichiá pia pedeadaé pasima.

Mateo 21:11

Idiutacha Jesú ome chedaadarãpa p'anoopachidama: —Jãɨ Jesupɨ, Tachi Ak'õre pari pedeaparipɨ. Ichi Nazaré p'uurudepemama, mãɨnepa Galilea tuadepemama.

Hecho 13:27

Jerusalenepemarãpa mãɨnepa ãchi chaarearãpa Jesú Tachi K'aripaparí k'awadaé pasima. Tachi Ak'õre pari pedeapataɨrãpa bɨdada mimianak'apɨ́ ewaricha jĩk'ua eda jarapatamina chi ichi k'orea bɨdada k'awadaé pasima. Mãɨpari Jesú peapisidaɨde mãɨ pedea jara bɨt'a piarã oosidama.

Mateo 20:18

“Ũrit'ɨ, tachi Jerusalenea wãutama. Jãma abaɨpa mɨ, chi Ẽpẽra Warra jitapik'ari, p'aarerã chi mãɨrã chaarearã juade mãɨnepa Moisepa bɨda jarateapataɨrã juade bɨipɨ. Ãchia mɨ piui bɨade a jaradaipɨ.

Juan 11:54

Mãɨpuru Jesú judiorã t'ãena nipak'a pasima, mãɨpari Judeadepema ãyá wãsima. Ep'raín p'uurude ichi ome p'ɨrrɨapataɨrã ome bade wãsima. Mãɨ p'uuru ĩjũa pania newẽa bɨ k'ait'a bɨma.

Juan 9:4

Mãɨpuru ara ãst'á bɨeda, chi mɨ Peedapa oopi bɨt'a mɨa ãarea ooi bɨma. Mãɨ k'iuk'ari abaɨ pida p'ue mimiak'ama.

Juan 4:34

Mãɨpuru Jesupa ãchiá jarasima: —Mɨmá, chi mɨ Peedapa oopi bɨ ãarea oo bɨt'a, mãɨt'u mɨ chik'o jĩra bɨma.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Juan 12:35

Jesupa p'anoosima: —Nãɨ ɨnaa bɨ mãra ome tãaraa baiwẽma. Mãɨpuru ɨnaa bɨde nipat'ɨ ichi mãra ome bɨmisa mãɨ paritua p'ãrione baedaemaapa. Chi p'ãrione ni, mãɨpa sãmá wãrut'a k'awawẽma.

Juan 11:9

Jesupa jarasima: —¿Ewaripa doce hora uru bɨwẽk'ãra? Chi ãst'á nit'a t'enabarik'ama, ichia chi ewari ɨnaa nãɨ ĩjũanepema uru bɨ pẽra.