Luca 13:17 - Tachi Ak'õre Pedea

¹⁷ Jesupa mãɨ jaraside chi ichi k'orea k'achia pedea p'anana minachia p'erasidama, maamina ichia nepia oo bɨ k'orea chi p'uurudepemarã minachia arapá p'anasidama.

Luca 13:17 Referans Kwoze

1 Pedro 3:16

Ara machi tuaba k'awa p'anat'ɨ nemietá oodawẽa p'anɨt'a. Mãɨya mãra Cristodepa pia nipada k'orea chi piawẽa pedeapataɨrã p'eradaipɨ.

2 Timoteo 3:9

Maamina ãchia oo p'anɨ pia baiwẽma. Jõmãɨrãpa ãchi k'ɨ̃risiawẽa be ãarea k'awadaipɨ Moisé ewaride Jane mãɨnepa Jambre mãɨyanana jĩra.

Hecho 4:21

Maapae mãicha Pedroa mãɨnepa Juaná nemietá oodayade adak'ari, ãchi itu wãpisidama. Chi p'uurudepemarã wap'ea p'anɨ pẽra k'awadaé pasima ãchi sãmaasã́ ɨtɨadait'a. Chi ẽpẽra jɨpa beeda k'orea ãareaɨrãpa Tachi Ak'õrea pia pedea tuanasidama,

Luca 20:40

Jesupa ãarea pia p'anoona pẽra abaɨ pida Jesua waa ne ididai k'ɨ̃rianaé pasima.

Luca 19:48

Maamina p'ue peadaé pasima jõmãɨrãpa ichi pedea ewaricha ũri p'anɨ pẽra.

Luca 18:43

Ara mãɨne unu beek'ari Jesú k'aade wãsima. Ichia Tachi Ak'õrea minachia pia jara nipasima. Mãɨ ununaanarã pida Tachi Ak'õrea pia jara p'aneesidama.

Luca 14:6

Maamina ãchia mi ãpia pida p'anoonaé pasima.

Tito 2:8

Piarã pedea jaratea base mi ãpia pida pɨ k'orea k'achia pedeapidaemaapa. Mãɨya jaratea baipɨra, pɨchi nek'ĩramaarã k'ĩranejasiadaipɨ. Ãchia mi ãpia pida tachi k'orea p'ue k'achia pedeadaiwẽma.