Luca 11:42 - Tachi Ak'õre Pedea

⁴² »¡Mãra p'ariseorã chupuri p'anɨma Tachi Ak'õrepa ɨtɨai pẽra! Mãrapa menta k'irú, ruda k'irú mãɨnepa ne uu ĩjũanepema ome Tachi Ak'õrea teapatama, mãɨ diezedepemacha, aba. Maamina chĩara ome jĩp'a oodak'ama mãɨnepa Tachi Ak'õre k'ɨ̃rianak'ama. Mãɨya oodai pia bɨma, machi ne teapata jĩra Tachi Ak'õrea.

Luca 11:42 Referans Kwoze

Mateo 23:23

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Menta k'irú, anís net'a tau, comino ome Tachi Ak'õre pae awara bɨpatama, mãɨ diezedepemacha, aba. Maamina Moisepa bɨdade chi atepe bɨ oodak'ama; chĩara ome jĩp'a oodak'ama, k'ĩra chupuriadak'ama mãɨnepa Tachi Ak'õrene ĩjãanak'ama. Oodai pia bɨma ichi pedea bɨda jara bɨ jĩra, machi k'irú awara bɨpata jĩra Tachi Ak'õre pae.

Luca 18:12

Tomiocha bari k'ak'o ume Tachi Ak'õrene k'ɨ̃risiadayá nek'odak'apɨ́ ewari ooparima mãɨnepa ne diez jitarudepema mɨa pɨá aba teaparima”.

1 Juan 4:20

Abaɨpa Tachi Ak'õre k'ɨ̃ria bɨade a bɨpɨra, mãɨne ichi ũpẽa unuemaa bɨpɨra, ichia sea jara bɨma. Ichi ũpẽa unu bɨt'a k'ɨ̃riawẽa bɨpɨra, ¿sãmaasã́ Tachi Ak'õre unuwẽa bɨt'a k'ɨ̃ria baima?

Mateo 23:27

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa jãɨrã te mawara ɨ̃rɨpema t'ot'oa p'ɨrɨpatama, pia ununamẽrá. Maamina mãɨ jãɨrã tiida k'ak'ua minachia beraadada chi mik'ia nɨbɨma, chi bɨɨrɨ paara.

Juan 5:42

Mãɨ awara mɨa mãra k'awa bɨma. K'awa bɨma mãrapa Tachi Ak'õre k'ɨ̃rianak'at'a.

Mateo 23:13

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Pajãne Bɨpa ichidirã ichi juade ua bɨ k'orea itu k'awapidak'ama. Machia k'ɨ̃riawẽa p'anɨma ichia mãra p'e uru bait'a mãɨnepa waapẽarãpa mãɨya k'ɨ̃ria p'anɨrã mãrapa itu oopidak'ama.