Luca 11:20 - Tachi Ak'õre Pedea

²⁰ Maamina Tachi Ak'õre jua chaareadepa mɨa jaore mietaarã ãyá jeret'aa bɨpɨra, Tachi Ak'õrepa mãrá unupi bɨma ichi chesit'a mãra ichi juade ua bai k'orea.

Luca 11:20 Referans Kwoze

Mateo 12:28

Maamina mɨa Tachi Ak'õre Jaoredepa jaore mietaarã ãyá jeret'aa bɨpɨra, Tachi Ak'õrepa unupi bɨma ichi chesit'a mãra ichi juade ua bai k'orea.

Luca 10:9

Mãɨ awara chi k'ak'ua piawẽa berã jɨpa beepik'oat'ɨ. Ãchiá nãɨya jarat'ɨ: “Tãaraawẽa bɨde, Tachi Ak'õrepa mãra ichi juade ua beeipɨ, ichidirã paara”.

Mateo 3:2

Nãɨya jarapachima: «Pajãne Bɨ cheruma ichidirã ichi juade ua bai k'orea. Mãɨ k'orea mãrapa nemietá oopataɨ itu bɨdak'ari ichimá chet'ɨ».

Luca 10:11

“Nãɨ p'uurudepema yooro jora tai jĩrunepema mãra k'ĩrari jãrap'et'apatama Tachi Ak'õrepa mãɨ k'ɨ̃riawẽa bɨt'a ãchiá k'awapii k'orea. Pia k'awat'ɨ tãaraawẽa bɨde Tachi Ak'õrepa ichidirã ichi juade ua beeipɨ”.

2 Tesalonicense 1:5

Mãɨpa k'awapi bɨma Tachi Ak'õrepa ichi jĩp'a bɨdepa ẽpẽerã ɨtɨaparit'a. Mãɨya ichia mãra pia unu bɨma ichi juade ua bai k'orea. Mãɨ k'orea idiapae ãarea mĩa p'anɨma.

Hecho 20:25

»Tachi Ak'õrepa ichidirã ichi juade ua p'anɨ k'orea mɨa mãɨ mãrá jara bapachima. Maamina naapae k'awa bɨma mãrapa mɨ waa ununaiwẽt'a.

Mateo 4:24

Mãɨpuru Siria tuade ichi ãarea t'ɨ̃ p'oa beesima. Mãɨ k'orea ẽpẽrarãpa jõma wawariadepa k'ak'ua piawẽa be, k'ak'ua p'ua paara be, jaore mietá pará be, wawa be mãɨnepa sorek'ea be ichimá enemeepachidama. Jesupa ãchi ãarea jɨpa beepipachima.

Luca 11:21

»Ẽpẽra jua chaarea bɨpa k'ĩruuparí nek'opa ichi te pia ak'ɨ bɨpɨra, ichia uru bɨ abaɨ pida p'ue chɨadaiwẽma.