Luca 10:41 - Tachi Ak'õre Pedea

⁴¹ Jesupa jarasima: —Marta, Marta, pɨa ne minachia oo bɨ k'orea minachia k'ɨ̃risia pará bɨma.

Luca 10:41 Referans Kwoze

P'ilipense 4:6

Ne paritua k'orea minachia k'ɨ̃risiarãt'ɨ, mãɨpari Tachi Ak'õrea ɨt'aa chiidit'ɨ, ichiá chichupuria idit'ɨ, mãɨnepa nejõma k'orea pia bɨade at'ɨ.

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

Marco 4:19

Maamina nãɨ ĩjũane sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ichiaba ne wawaria minachia k'ɨ̃riapatama. Mãɨpa ãarea Tachi Ak'õre pedea waa ũripik'ama, ne uu warida chauk'á bapari jĩra.

Luca 12:22

Mãɨpuru Jesupa ichi ome p'ɨrrɨapataɨrã́ jarasima: «Mãra sãmaasã́ p'ananait'a minachia k'ɨ̃risiarãt'ɨ, nek'odai k'orea mãɨnepa neet'á jɨ̃nai k'orea.

Luca 8:14

Net'a tau ĩjũa ɨɨrɨ idá bɨde baedapa nãɨ jara bɨma: chi eda waapẽarã ẽpẽrarãpa Tachi Ak'õre pedea ũrinak'ari nãɨ ĩjũane sãmaasã́ pia beadai k'orea minachia k'ɨ̃risiapatama, ne ãarea uru p'anapatama, mãɨnepa arapá p'ananai k'ɨ̃risiapatama. Mãɨpuru ãchia ũrinana itu bɨdak'ari waridak'ama.

Luca 10:38

Mãɨ ode wãutade Jesú, chi ichi ome p'ɨrrɨapataɨrã paara, p'uuru chaedea chesidama. Mãma wẽra Marta apataɨ bapachima. Mãɨ Martapa Jesua ichi tede pia pedeasima.

Luca 10:40

Mãɨya bɨde Marta ne minachia oomaa bɨẽra sõpiawẽa beesima. Jesú orrobarik'ari jarasima: —Jarateaparí ¿pɨmá pia bɨk'ãra mɨ ũpẽawẽrapa mɨ k'aripawẽa bɨt'a? Ichiá jarase mɨ k'aripamẽrá.

Juan 11:1

Mãɨ ewaride ẽpẽra Lázaro apataɨ k'ɨdade basima. Mãɨ Lázaro Betania p'uurudepema pasima. Ara mãɨ p'uurude ichi ũpẽawẽrarã María mãɨnepa Marta sida p'anasidama. Mãɨ Mariapa Tachi Chipari jĩrune k'era weak'ari ichi pudapa p'oapi bada pasima.

Juan 11:5

Jesupa Lázaro mãɨnepa chi ũpẽawẽrarã minachia k'ɨ̃ria basimina,

Juan 12:2

Mãma chik'o pia oodak'ari, Jesua nek'opisidama. Martapa jeda basima mãɨnepa Lázaro waapẽarã paara Jesú ome nek'omaa basima.