Luca 10:26 - Tachi Ak'õre Pedea

²⁶ Jesupa p'anoosima: —Moisepa bɨdade ¿k'ãre bɨ bɨma? ¿Pɨmá k'ãret'a jara bɨma?

Luca 10:26 Referans Kwoze

Romano 3:19

Mãɨ pedea Tachi Ak'õre pedeade bɨt'a chi mãɨ bɨda ũri berã́ jara bɨma. Mãɨya mi ãpia pida p'ue nemietaawẽa bɨade a jarawẽma. Mãɨ Moisepa bɨdadepa k'awa p'anɨma jõma nãɨ ĩjũanepemarã Tachi Ak'õre k'ĩrari nepɨra pará p'anɨt'a.

Romano 10:5

Moisepa bɨsima sãmaasã́ ẽpẽrarã p'ue jĩp'a p'ananait'a, chi Tachi Ak'õrepa ichiá bɨpidadepa. Nãɨya bɨsima: «Ẽpẽrapa nãɨ Moisepa bɨdade jara bɨt'a oo baipɨra, mãɨ chok'ae baipɨ».

Luca 10:25

Ewariaba Moisepa bɨda jarateaparí bai nɨbeek'ari Jesú piawẽa pedeapii k'orea nãɨya idisima: —Jarateaparí, ¿mɨa k'ãre ooi pia bɨma Tachi Ak'õre ome ewaricha chok'ae bai k'orea?

Luca 10:27

Moisepa bɨda jarateaparipa p'anoosima: —Ãarea pɨ sõnepa, ãarea pɨ jaoredepa, ãarea pɨ jua chaareadepa mãɨnepa ãarea pɨ k'ɨ̃risiadepa pɨa pɨchi Chipari, Tachi Ak'õre k'ɨ̃riase. Ichiaba ẽpẽra abaɨ k'ɨ̃riase pɨchi k'ɨ̃ria bɨ jĩra.