Juan 9:35 - Tachi Ak'õre Pedea

³⁵ Jesupa ũrisima tau p'ãrio bada ãyá jeret'aasidat'a. Mãɨ k'orea ichi jɨrɨde wãsima. Unuk'ari idisima: —¿Pɨa chi Ẽpẽra Warrade piarã ĩjãa bɨk'ãra?

Juan 9:35 Referans Kwoze

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

1 Juan 5:13

Mɨa nãɨ k'art'a mãra chi Tachi Ak'õre Warrade ĩjãa be pae bɨruma k'awadamẽrá ewaricha Tachi Ak'õre ome chok'ae p'ananait'a.

Juan 10:36

¿k'ãre k'orea jara p'anɨma mɨa ichidepema k'achia jarasiade a p'anɨma, mɨa abapuru ichi Warraade a bɨẽra? Tachi Ak'õrepa mɨ ara ichi pae bɨsima mãɨnepa nãɨ ĩjũanea peesima.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

1 Juan 5:10

Chi Tachi Ak'õre Warrade ĩjãa bɨpa ichi sõne k'awa bɨma Tachi Ak'õrepa jara bɨ piarãt'a. Maamina chi Tachi Ak'õrepa jara bɨt'a ĩjãawẽa bɨpa Tachi Ak'õrepa sea jara bɨade a k'ɨ̃risia bɨma, ichi Warra k'orea jara bɨt'a ĩjãawẽa bɨ pẽra.

1 Juan 5:5

¿K'aipa nãɨ ĩjũanepema nemietá p'ue itu bɨima? Abaɨpa Jesú piarã Tachi Ak'õre Warrat'a ĩjãa bɨpɨra, mãɨ ẽpẽrapa mãɨ p'ue itu bɨipɨ.

1 Juan 4:15

Abaɨpa Jesú piarã Tachi Ak'õre Warraade aipɨra, Tachi Ak'õre ichi ome bɨma mãɨnepa ichi Tachi Ak'õre ome bɨma.

Romano 10:20

Mãɨnepa Isaíapa Tachi Ak'õrenepa ne wap'eawẽa nãɨya jarasima: «Chi mɨ jɨrɨdawẽa p'anarãpa mɨ unusidama. Chi mɨ k'orea ididawẽa p'ananarã́ ara mɨchi k'orea k'awapisima».

Hecho 9:20

Mãɨne judiorã ará pedeapataɨ te p'anɨrãmá wãrune ichia jaratea beesima Jesú piarã Tachi Ak'õre Warra k'orea.

Hecho 8:36

Mãɨya wãutade pania bɨmá pasidama. Mãɨne chi Etiopiadepema mimiaparí minachia k'awa bɨpa jarasima: —Ak'ɨse. Nãma pania bɨma. ¿K'ãarepa mɨ p'ue porochoaiwẽa bɨma?

Juan 20:28

Mãɨne Tomapa jarasima: —¡Mɨ Chipari! ¡Mɨ Tachi Ak'õre!

Juan 11:27

Mãɨne Martapa p'anoosima: —Ãjã mɨ Chipari, mɨa ĩjãa bɨma pɨ Tachi Ak'õre Warra, Tachi Ak'õrepa Tachi K'aripaparí teai jarada, chi nãɨ ĩjũane chei bada padat'a.

Juan 6:69

Taipa pɨ pedea piarã ĩjãa p'anɨma mãɨnepa taipa piarã k'awa p'anɨma pɨ Tachi Ak'õrepa peeda jĩp'a bɨt'a.

Juan 5:14

Mãɨya nak'ari Jesupa ichi Tachi Ak'õre te eda unuside jarasima: —Ũrise: pɨ jɨpa beeda pẽra waa nemietá oorãse pɨ piawẽa bada k'aepẽra atepe wariara piawẽa beepiemaapa.

Juan 3:36

Chi ichi Warrade ĩjãa bɨ Tachi Ak'õre ome ewaricha chok'ae baipɨ, maamina chi ichi Warra itu bɨru, mãɨ Tachi Ak'õre ome ewaricha chok'ae baiwẽma. Ara nãɨena Tachi Ak'õrepa ichi ɨtɨa uru bɨma.

Juan 1:34

Mɨa mãɨ unusima. Mãɨ k'orea mɨa jara bɨma ichi piarã Tachi Ak'õre Warrapɨ».

Juan 1:18

Abaɨ pida Tachi Ak'õre ununak'ama. Maamina chi Warra aba bɨt'a Tachi Ak'õre pẽra mãɨnepa chi Ak'õre ome abarik'a bɨ pẽra, tachiá k'awapisima Tachi Ak'õre piarã sãmaasã́ bɨt'a.

Marco 1:1

Nãɨ chi pedea pia Tachi Ak'õre Warra Jesucristo k'orea bɨdapɨ. Naena chi Tachi Ak'õre pari pedeaparí Isaíapa nãɨya bɨsima: «Chi mɨ pari pedeaparí pɨ naa peeipɨ, pɨ pae o jarimẽrá.

Mateo 16:16

Simón Pedropa p'anoosima: —Pɨ Tachi Ak'õrepa Tachi K'aripaparí teai jarada, Tachi Ak'õre chok'ae bɨ Warrapɨ.

Mateo 14:33

Maapae ãarea p'ãp'orrode p'anɨ Jesú k'ĩrari sĩraporode k'op'aneenak'ari ichiá pia pedeasidama: —¡Pɨ piarã Tachi Ak'õre Warrapɨ!

Mateo 4:3

Mãɨya bɨde mĩesa jaraparí chesima. Ichia jarasima: —Pɨ piarã Tachi Ak'õre Warrapɨra, jarase nãɨrã mawará p'ana pamẽrá.

Juan 9:22

Chi ak'õrepa mãɨnepa chi naepa mãɨya jarasidama judiorã chaarearã wap'ea p'anɨ pẽra. Piarã mãɨ judiorãpa jarasidama parituapa Jesú Tachi Ak'õrepa Tachi K'aripaparí teai jaradaade aipɨra, mãɨ chi judiorã ará pedeapataɨ tedepema ãyá jeret'aadayade asidama.

Juan 9:34

Mãɨne judiorã chi chaarearãpa ichi ɨtɨasidama: —Pɨ t'õnanepa nemietá ooparima. ¿Sãmaasã́ taiyá ne jarateaima? Mãɨ k'orea ichi chi judiorã ará pedeapataɨ tedepema ãyá jeret'aasidama.

3 Juan 1:10

Mãɨ k'orea jãmá wãrune mɨa jõmãɨrã́ k'awapiipɨ ichia piawẽa oo bɨt'a. Ichia seadepa tai k'orea k'achia pedeaparima. Mãɨ awara chi ũpẽarã jarateapataɨrã jãmá wãutá ichia pia pedeak'ama mãɨnepa ũpẽarãpa ãchi tede mãɨrã k'ãipidayá ooutade itu k'ãipik'ama. Mãɨrã́ pia pedeasidara mãɨ ũpẽarã ãyá jeret'aaparima.

Hecho 8:37

P'elipepa jarasima: —Pɨa Jesú Tachi Ak'õre Warra piarã sõnepa ĩjãa bɨpɨra, porochoai bɨma. Mãɨne chi Etiopiadepema mimiaparí minachia k'awa bɨpa p'anoosima: —Mɨa piarã ĩjãa bɨma Jesucristo Tachi Ak'õre Warrapɨ.