Juan 8:6 - Tachi Ak'õre Pedea

⁶ Ãchia mãɨya jarasidama Jesupa sãmaasã́ p'anooi k'awadayá. Ichiá k'achia pedeapidai k'ɨ̃risia p'anasidama. Mãɨne Jesú jeeda barrobari k'obeek'ari, ichi jua jiminipa ĩjũane bɨpodosima.

Juan 8:6 Referans Kwoze

Luca 10:25

Ewariaba Moisepa bɨda jarateaparí bai nɨbeek'ari Jesú piawẽa pedeapii k'orea nãɨya idisima: —Jarateaparí, ¿mɨa k'ãre ooi pia bɨma Tachi Ak'õre ome ewaricha chok'ae bai k'orea?

Mateo 19:3

Mãɨya bɨde chi eda waapẽarã p'ariseorã chesidama. Ichiá piawẽa pedeapidai k'orea nãɨya idisidama: —¿Ɨmɨk'ĩrapa chi k'ima ne paritua oo bɨ k'orea amaai pia bɨk'ãra?

1 Corintio 10:9

Cristopa k'ãre ooit'a k'awadai k'orea, tachia nemietá oodaiwẽa p'anɨma waapẽarã ãchidiidepemarãpa oodada jĩra. Mãɨ k'orea ara ãchidiidepema taamapa k'aak'oak'ari piusidama.

Marco 10:2

Mãɨya bɨde chi eda waapẽarã p'ariseorã chesidama. Ichiá piawẽa pedeapidai k'orea nãɨya idisidama: —¿Ɨmɨk'ĩrapa chi k'ima amaai pia bɨk'ãra?

Marco 8:11

Mãɨ ewaride p'ariseorã chedak'ari Jesú ome k'ĩruu pedea p'anasidama. Ãchia k'awa k'ɨ̃ria p'anasidama ichi piarã pajãnepa che bɨ k'awadayá. Mãɨpuru ãchia Jesua idisidama ẽpẽerãpa ne p'ue oodak'apɨ́ oomẽrá.

Mateo 26:63

Maamina Jesú k'ĩup'ea beesima. Mãɨya bɨde p'aare minachia k'awa bɨpa ichiá jarasima: —Tachi Ak'õre chok'ae bɨ k'ĩrari taiyá piarã jarase. ¿Pɨ Tachi Ak'õrepa Tachi K'aripaparí teai jara badak'ãra? ¿Pɨ Tachi Ak'õre Warrak'ãra?

Mateo 22:35

Mãɨrãnepema aba Moisepa bɨda jarateaparí pasima. Mãɨpa Jesú piawẽa pedeapii k'orea nãɨya idisima:

Mateo 22:18

Jesupa k'awa bada pẽra mãɨrãpa k'ɨ̃risia mietá uru p'anɨt'a, mãɨpuru mãɨya jarasima: —Mãra ẽpẽerã pia jĩra berã, ¿k'ãre k'orea mɨá pedea piawẽa pedeapidayá jãɨya p'anɨma?

Mateo 16:1

Mãɨya bak'ari waapẽarã p'ariseorã mãɨnepa saduceorã Jesumá orrobarisidama, ichi Tachi Ak'õrenepa che bɨ k'awadayá. Mãɨ k'orea ichiá idisidama ẽpẽrarãpa ne p'ue oodak'apɨ́ oomẽrá.

Mateo 15:23

Maamina Jesupa p'anooé pasima. Mãɨne ichi ome p'ɨrrɨapataɨrã orrobari chedak'ari ichiá nãɨya chupuria idisidama: —Jãɨ wẽra tachi k'aade bia nima. Ichiá ãyá wãpade ase.

Mateo 10:16

»Mɨa mãra ẽpẽra k'achia t'ãena peeruma. Ãchia mãra piawẽa oodaipɨ usa k'achiapa oveja orrabaripari jĩra. Mãɨpuru ãchi t'ãena p'anɨne taama jĩra k'ɨ̃risia k'awaa nipat'ɨ, maamina p'aloma jĩra ɨmɨmɨrã́ nipat'ɨ.

Juan 8:2

Norema tap'ede mãicha Tachi Ak'õre tede eda wãsima. Mãma bɨde ẽpẽerã minachia ichimá cheepɨrɨsidama. Jeeda suak'abari beek'ari ãchiá jaratea beesima.

Luca 11:16

Mãɨne Jesú Tachi Ak'õrenepa che bɨ k'awadayá waapẽarãpa ichiá idisidama ẽpẽrarãpa ne p'ue oodak'apɨ́ oomẽrá.

Marco 12:15

Maamina Jesupa ãchi ẽpẽerã pia jĩra berãt'a k'awaside, nãɨya jarasima: —Mãrapa ¿k'ãre k'orea mɨ piawẽa pedeapii k'ɨ̃ria p'anɨma? Erreara tau enemeet'ɨ mɨa ak'ɨi k'orea.

Marco 3:2

Waapẽarãpa Jesú ak'ɨ p'anasidama mimianak'apɨ́ ewaride mãɨ ẽpẽra jɨpa beepii k'awadayá. Jɨpa beepisira Jesú k'orea k'achia pedeadai k'ɨ̃risia p'anasidama.