Juan 8:49 - Tachi Ak'õre Pedea

⁴⁹ Mãɨne Jesupa jarasima: —Mɨ jaore mietá newẽma. Mɨ Ak'õre k'orea pia pedeaparima. Maamina mãrapa mɨ k'orea pia pedeadak'ama.

Juan 8:49 Referans Kwoze

1 Pedro 2:23

Ẽpẽrarãpa ichiá k'achia pedeasidaɨde ãchiá k'achia pedeaé pasima. Ichi piawẽa oosidaɨde ichia jõnea piawẽa ooyade a jaraé pasima. Mãɨpari Tachi Ak'õrepa jĩp'a nepɨra ak'ɨpari pẽra ichi piawẽa oo p'anɨt'a Tachi Ak'õre juade bɨpachima.

Juan 17:4

Pɨa mɨá nãɨ ĩjũane oopida mɨa jõma oosima. Mãɨya k'awapisima pɨ chi choma bɨt'a.

Juan 14:13

Mãɨya mãrapa mɨne ĩjãa p'anɨ pẽra mɨ t'ɨ̃nepa ɨt'aa chiidiuta mɨa jõma ooipɨ. Mãɨya mɨnepa mɨ Ak'õre chi choma bɨt'a unupiipɨ.

Juan 11:4

Mãɨ pedea ũriside Jesupa jarasima: —Lázaro piuiwẽma, maamina mãɨ k'ɨdade bɨ, ẽpẽerãpa k'awadamẽrá Tachi Ak'õre mãɨnepa chi Warra ãchi chi chomarãpɨ.

Juan 8:29

Mɨ Peeda mɨ ome bɨma. Mɨ Ak'õrepa mɨ tuaba ameek'ama mɨa ewaricha ichia k'ɨ̃ria bɨt'a oo bapari pẽra.

Juan 12:28

Mãɨpari jararuma: Ak'õre, mãɨ mɨ mĩarunepa ãareaɨrã́ k'awapise pɨ chi Choma bɨt'a. Mãɨne ẽpẽerã arí p'anɨrãpa pedea pajãne ũrisidama. Mãɨ pedeapa jarasima: «Mɨa naena k'awapisima mɨ chi Choma bɨt'a mãɨnepa mãicha k'awapiipɨ».

Juan 7:20

Mãɨne ẽpẽerãpa idisidama: —¿K'aipa pɨ pea k'ɨ̃ria bɨma? ¿Jaore mietá pɨ k'ak'uade bɨpa mãɨya k'ɨ̃risiapi bɨk'ãra?

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

1 Corintio 11:14

Ara tachi ẽpẽrarã sãmaasã́ p'anɨnepa k'awa p'anɨma ɨmɨk'ĩra puda orea ao beesira p'erai bɨt'a.

1 Corintio 15:43

K'ak'ua piawẽa bɨ t'ɨbaripatama maamina k'ak'ua pia bɨ chok'ae p'irabariipɨ. K'ak'ua ɨbɨwẽa bɨ t'ɨbaripatama maamina k'ak'ua jua chaarea bɨ chok'ae p'irabariipɨ.