Juan 7:14 - Tachi Ak'õre Pedea

¹⁴ Mãɨ arapaapataɨ ewari estarik'a pak'ari mãɨ ooutade Jesú Tachi Ak'õre te minachia bɨdea wãk'ari tajataria jaratea beesima.

Juan 7:14 Referans Kwoze

Juan 7:28

Mãɨne Jesupa Tachi Ak'õre te tuda jaratea bɨde jĩk'ua jarasima: —Piarã mãrapa mɨ unupatama mãɨnepa sãmapemat'a k'awa p'anɨma. Maamina mɨ ara mɨchidepa chewẽa bɨma, mãɨpari mɨ chi piarã jaraparipa mɨ peesima. Mãrapa ichi k'awadawẽa p'anɨma.

Luca 19:47

Jesupa ewaricha Tachi Ak'õre te eda jaratea bapachima. Mãɨne p'aarerã chi mãɨrã chaarearãpa, Moisepa bɨda jarateapataɨrãpa mãɨnepa ẽpẽrarã chi atepe berãpa ichi pea k'ɨ̃ria p'anasidama.

Juan 18:20

Mãɨne Jesupa p'anoosima: —Mɨ ãareaɨrã k'ĩrari jĩp'a pedea basima. Mɨa jaratea basima tachi ará pedeapataɨ techa mãɨnepa Tachi Ak'õre te eda, tachi judiorã ãarea ará chedak'ari pedeapatamá. Mi ãpia pida mẽra jaraé pasima.

Juan 8:2

Norema tap'ede mãicha Tachi Ak'õre tede eda wãsima. Mãma bɨde ẽpẽerã minachia ichimá cheepɨrɨsidama. Jeeda suak'abari beek'ari ãchiá jaratea beesima.

Juan 7:37

Mãɨ arapaapataɨ ewari oo p'anɨne chi k'aadeapema ewari chi choma bɨt'a basima. Mãɨ ewaride Jesú bai nɨbeek'ari jĩk'ua pedeasima: —Chi abaɨ opisia bɨpɨra mɨmá chese, maapae pania chok'ae bapiparidepema tose.

Juan 7:2

Mãɨ judiorã te chak'ede p'anapataɨ arapaapataɨ ewari k'ait'a pa baside,

Juan 5:14

Mãɨya nak'ari Jesupa ichi Tachi Ak'õre te eda unuside jarasima: —Ũrise: pɨ jɨpa beeda pẽra waa nemietá oorãse pɨ piawẽa bada k'aepẽra atepe wariara piawẽa beepiemaapa.

Mateo 26:55

Maapae Jesupa ãchiá jarasima: —Mãrapa ¿k'ãre k'orea k'ĩruuparí nek'o mãɨnepa pak'uru paara mɨ jãɨya jitade chesidama? ¿Mãramá, mɨ chi nechɨaparí mietá bɨk'ãra? Mɨa ewaricha Tachi Ak'õre te eda mãrá jaratea suak'abari bapachima. ¿K'ãre k'orea mɨ mãma jõmãɨrã taade jitadaé pasima?

Mateo 21:12

Mãɨya bak'ari Jesú Tachi Ak'õre te minachia bɨdea wãsima. Mãma tajata ne netopataɨrã mãɨnepa ne atapataɨrã ome unusima. Mãɨya unuk'ari, Jesupa ãchi ãarea ãyá jeret'aak'oasima. Mãma jira bat'ak'oasima ne nek'opataɨ chi erreara tau tua awaraɨdepema k'ãpiapataɨrãné mãɨnepa p'aloma netopataɨrã suak'abari p'aneepataɨ sida.

Juan 8:20

Jesupa Tachi Ak'õre te eda, erreara Tachi Ak'õrea teapataɨmá jaratea baside jõma mãɨ jarasima. Maamina mi ãpia pida ichi jitadaé pasima ichi ewari waidi pawẽa bada pẽra.