Juan 7:13 - Tachi Ak'õre Pedea

¹³ Maamina judiorã chi minachia k'awa p'anɨrã wap'ea p'anɨ pẽra mi ãpia pida Jesú k'orea jĩk'ua pedeadak'a pasima.

Juan 7:13 Referans Kwoze

Juan 9:22

Chi ak'õrepa mãɨnepa chi naepa mãɨya jarasidama judiorã chaarearã wap'ea p'anɨ pẽra. Piarã mãɨ judiorãpa jarasidama parituapa Jesú Tachi Ak'õrepa Tachi K'aripaparí teai jaradaade aipɨra, mãɨ chi judiorã ará pedeapataɨ tedepema ãyá jeret'aadayade asidama.

Juan 19:38

Mãɨya nak'ari judio José apataɨ Pilatomá wãsima. Mãɨ José Arimatea p'uurudepema pasima. Ichi Jesú ome p'ɨrrɨaparí pasima, maamina mi ãpia pida abaɨa jarak'a pasima waapẽarã judiorã wap'ea bɨ pẽra. Ichia Jesú k'ak'ua Pilatoa idisima t'ɨbaride ateewãi k'orea. Mãɨpuru Pilatopa itu ateewãpisima. Ara mãɨne Josepa Jesú k'ak'ua t'ɨbaride ateewãsima.

Juan 20:19

Mãɨ ewari tomio k'iuk'ari Jesú ome p'ɨrrɨapataɨrã tiida ará p'anasidama. Waapẽarã judiorã wap'ea p'anɨ pẽra chi eda wãpataɨ jɨ̃a uru p'anasidama. Mãɨne Jesú mãɨya bɨde eda pasima. Ãchi esa bai nɨbeek'ari jarasima: —¡Ne k'ɨ̃risiadawẽa p'anat'ɨ!

Apocalipsi 2:13

»Mãrapa oo p'anɨt'a mɨa k'awa bɨma. Mãɨnepa k'awa bɨma ara mãra p'anapatamá tiore chi ichi suak'a beeparí auk'ará bɨde suak'abari bɨt'a. Maamina mãra mɨ paara wapida p'anɨma. Maamina chi tioredepemarãpa ũpẽa Antipa peasidaɨde mɨ k'orea piarã pedeada pẽra, mɨne ĩjãa p'anɨt'a itu bɨdaé pasima.

Juan 9:34

Mãɨne judiorã chi chaarearãpa ichi ɨtɨasidama: —Pɨ t'õnanepa nemietá ooparima. ¿Sãmaasã́ taiyá ne jarateaima? Mãɨ k'orea ichi chi judiorã ará pedeapataɨ tedepema ãyá jeret'aasidama.

Juan 3:2

Teamasi Jesumá wãside, nãɨya jarasima: —Jarateaparí, taipa k'awa p'anɨma pɨ Tachi Ak'õrepa peedapɨ. Tachi Ak'õre pɨ ome badawẽpara, chi ẽpẽerãpa ne p'ue oodak'apɨ́ p'ue ooiwẽ pasima.

Juan 7:1

Mãɨya nak'ari Jesú Galilea tuade p'ɨrrɨa nipasima. Judea tuadea wã k'ɨ̃riaé pasima judiorã chi minachia k'awa p'anɨrãpa peadayá oo p'anasi pẽra.

Juan 7:11

Judiorã chi minachia k'awa p'anɨrãpa mãɨ arapaapataɨ ewaride ichi ara mãma jɨrɨ p'anasidaɨde, nãɨya idipachidama: «¿Jãɨ Jesú sãma bɨma?»

Juan 7:15

Mãɨya bɨde chi mãma nɨbada judiorãpa k'ãre k'awa k'ɨ̃risiadaé pasima. Nãɨya jarasidama: «¿Mãɨ ẽpẽra sãmaasã́ minachia k'awa bɨma, k'art'a atua bɨpa?»