Juan 5:36 - Tachi Ak'õre Pedea

³⁶ »Maamina Juanpa jarada k'aepẽra nãɨ mɨ k'orea pia pedea bɨma: Mɨ Ak'õrepa oopi bɨt'a mɨa ãarea oo bɨ pẽra k'awapi bɨma mɨ Ak'õrepa mɨ piarã peesit'a.

Juan 5:36 Referans Kwoze

Juan 10:25

Jesupa p'anoosima: —Mɨa mãrá jarasima maamina ĩjãanawẽa p'anɨma. Jõma chi mɨ Ak'õre t'ɨ̃ne oo bɨpa mɨ k'orea pia k'awapi bɨma.

Juan 15:24

Mɨa ãchi k'ĩrari ẽpẽerãpa ne p'ue oodak'apɨ́ oodaépara, ãchia nemietá oodada k'orea nepɨrade p'aneenaiwẽ pasima. Maamina mɨa ooda ãchia unusidamina mɨ, mɨ Ak'õre sida unuemaa uru p'anɨma.

Juan 2:23

Judiorã Egitodepa wãnana k'ɨ̃risiapataɨ ewaride Jesú Jerusalene basima. Mãɨne minachia ẽpẽerãpa ne p'ue oodak'apɨ́ ichia ooside chok'araɨrãpa ichide ĩjãasidama.

1 Juan 5:9

Ẽpẽrapa ununa piarãane aipɨra tachia ĩjãapatama. Maamina Tachi Ak'õrepa jara bɨt'a atepe ĩjãanai p'anɨma, ichi Warra k'orea piarã jara bɨ pẽra.

Juan 3:2

Teamasi Jesumá wãside, nãɨya jarasima: —Jarateaparí, taipa k'awa p'anɨma pɨ Tachi Ak'õrepa peedapɨ. Tachi Ak'õre pɨ ome badawẽpara, chi ẽpẽerãpa ne p'ue oodak'apɨ́ p'ue ooiwẽ pasima.

Juan 3:17

Tachi Ak'õrepa ichi Warra nãɨ ĩjũanea peé pasima ẽpẽerã nepɨra pará p'anɨane amẽrá mãɨpari peesima k'aripamẽrá.

Mateo 11:4

Jesupa ãchiá nãɨya p'anoosima: —Mãrapa unu p'anɨ mãɨnepa ũri p'anɨ Juaná nepɨrɨde wãt'ɨ.

Hecho 2:22

»Israeldepemarã, nãɨ pedea ũrit'ɨ: Tachi Ak'õrepa Jesú Nazaredepemá ẽpẽerãpa ne p'ue oodak'apɨɨrã mãra t'ãena oopik'oasima. Mãɨya oo bɨdepa Jesupa k'awapisima Tachi Ak'õre ichi ome bɨt'a, ara mãrapa pia k'awa p'anɨ jĩra.

Juan 5:32

Maamina mɨ Ak'õre mɨ k'orea pedea bɨma. Mɨa k'awa bɨma ichia jara bɨ piarãt'a.

Juan 4:34

Mãɨpuru Jesupa ãchiá jarasima: —Mɨmá, chi mɨ Peedapa oopi bɨ ãarea oo bɨt'a, mãɨt'u mɨ chik'o jĩra bɨma.

Juan 17:4

Pɨa mɨá nãɨ ĩjũane oopida mɨa jõma oosima. Mãɨya k'awapisima pɨ chi choma bɨt'a.

Juan 11:37

Maamina chi eda ãchidepemarãpa jarasidama: —Nãɨ tau p'ãrio bɨ jɨpa beepidapa ¿k'ãre k'orea p'ue k'aripaé pasima Lázaro piupiemaapa?

Luca 2:49

Jesupa p'anoosima: —Mãrapa ¿k'ãre k'orea mɨ jɨrɨ p'anasidama? ¿Mɨ Ak'õre tede bai bɨt'a k'awadawẽa p'anɨk'ãra?