Juan 4:34 - Tachi Ak'õre Pedea

³⁴ Mãɨpuru Jesupa ãchiá jarasima: —Mɨmá, chi mɨ Peedapa oopi bɨ ãarea oo bɨt'a, mãɨt'u mɨ chik'o jĩra bɨma.

Juan 4:34 Referans Kwoze

Juan 6:38

Mɨ pajãnepa chewẽa bɨma mɨa k'ɨ̃ria bɨt'a ooi k'orea. Mãɨpari chesima mɨ Peedapa k'ɨ̃ria bɨt'u ooi k'orea.

Juan 5:30

»Ara mɨchi tuaba ne p'ue ooiwẽma. Mɨa ẽpẽra ɨtɨaparima mɨ Ak'õrepa jararu jĩra. Mɨa jĩp'a ɨtɨaparima. Mɨa k'ɨ̃ria bɨ jĩra ook'ama mãɨpari mɨ Ak'õre, chi mɨ Peedapa k'ɨ̃ria bɨ jĩra ooparima.

Juan 17:4

Pɨa mɨá nãɨ ĩjũane oopida mɨa jõma oosima. Mãɨya k'awapisima pɨ chi choma bɨt'a.

Juan 19:30

Jesupa mãɨ uvaba jɨjɨyá tok'ari jarasima: —Mɨa ooi pada ãarea oosima. Maapae ichi poro edá jaabarik'ari k'ĩrawẽasima.

Mateo 26:39

Jesú wawá wãk'ari sĩraporode bedabari k'obeek'ari, ichi tau bɨɨrɨ ĩjũanea t'õmaripik'ari Tachi Ak'õrea ɨt'aa chiidisima: «Ak'õre, pɨa k'ɨ̃ria bɨpɨra, mɨ itu mĩapirãse. Maamina mɨa k'ɨ̃ria bɨ jĩra oorãse. Oose pɨapuru k'ɨ̃ria bɨ jĩra».

Juan 5:36

»Maamina Juanpa jarada k'aepẽra nãɨ mɨ k'orea pia pedea bɨma: Mɨ Ak'õrepa oopi bɨt'a mɨa ãarea oo bɨ pẽra k'awapi bɨma mɨ Ak'õrepa mɨ piarã peesit'a.

Juan 4:32

Maamina Jesupa jarasima: —Nek'oiwẽma, mɨa chik'o mãrapa atua p'anɨt'a uru bɨma.

Luca 19:10

Piarã mɨ, chi Ẽpẽra Warrapa chi o atua berã jɨrɨde chesima k'aripai k'orea.

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

Luca 15:10

Mɨa jararuma ara mãɨ jĩra nemietá ooparí aba Tachi Ak'õremá cherude Tachi Ak'õrepa ɨt'aripa peedarã ome minachia arapaapatama».

Hecho 20:35

Ãarea mɨa oodadepa mãrá k'awapisima ɨbɨa mimia p'anɨnepa chichupuria k'ede k'aripadai p'anɨt'a. K'ɨ̃risiadai p'anɨma Tachi Chipari Jesupa nãɨya jarasit'a: “Piipará bɨma abaɨa ne teait'a chi mãɨ jitai k'aepẽra”».

Juan 6:33

Mãɨ Tachi Ak'õrepa teada p'ana ɨt'aripa chedapa nãɨ ĩjũanepemarã chok'ae bapiparima.

Mateo 3:15

Mãɨne Jesupa p'anoosima: —Nãɨena pɨa oopari jĩra oose. Tachia ãarea jĩp'a oodai p'anɨma Tachi Ak'õrepa oopi bɨ jĩra. Ara mãɨne Juanpa ĩjãasima.

Luca 2:49

Jesupa p'anoosima: —Mãrapa ¿k'ãre k'orea mɨ jɨrɨ p'anasidama? ¿Mɨ Ak'õre tede bai bɨt'a k'awadawẽa p'anɨk'ãra?

Juan 8:29

Mɨ Peeda mɨ ome bɨma. Mɨ Ak'õrepa mɨ tuaba ameek'ama mɨa ewaricha ichia k'ɨ̃ria bɨt'a oo bapari pẽra.

Juan 19:28

Mãɨya jarak'ari Jesupa k'awasima ichia ooi pada ãarea oosit'a. Mãɨne jarasima: —Mɨ opisia bɨma. Mãɨ jarasima Tachi Ak'õre pedeade jara bɨ jĩra.

Mateo 9:19

Jesú p'irabarik'ari mãɨ ẽpẽra ome wãsima. Chi ichi ome p'ɨrrɨapataɨrã sida wãsidama.