Juan 20:16 - Tachi Ak'õre Pedea

¹⁶ Mãɨne Jesupa jarasima: —¡María! Mariapa ãpɨtea ak'ɨk'ari —¡Raboni! asima. (Mãɨ hebreo pedeade jara k'ɨ̃ria bɨma “Jarateaparí”).

Juan 20:16 Referans Kwoze

Juan 10:3

Mãɨ pae k'ãipataɨ ak'ɨparipa chi eda wãpataɨ ewaparima. Ovejapa ãchi ak'ɨparí pedea k'awa p'anɨma. Ãchicha t'ɨ̃k'oak'ari tajatá ateewãparima.

Juan 1:38

Jesupa jĩitea ak'ɨrude ichi k'aade cheutat'a unusima. Mãɨne idisima: —Mãrapa ¿k'ãre k'ɨ̃ria p'anɨma? Ãchia jarasidama: —Rabí, pɨ ¿sãma k'ãi baparima? (Mãɨ pedea Rabí jara bɨma “Jarateaparí”).

Hecho 10:3

Ewariaba k'ewara hora ũpeaɨde Corneliopa k'ãmok'araa jĩra Tachi Ak'õrepa ɨt'aripa peeda ichimá cheru pia unusima. Mãɨpa jarasima: —¡Cornelio!

Hecho 9:4

Mãɨpa Saulo jeeda baepisima. Mãɨne pedea ũrisima. Mãɨ pedeapa jarasima: —Saulo, Saulo, ¿k'ãre k'orea mɨ ẽp'ẽ bɨma?

Juan 6:25

Jesú senia k'ĩaria lao unusidaɨde idisidama: —Jarateaparí, pɨ ¿sãapae nãmá chesima?

Juan 20:28

Mãɨne Tomapa jarasima: —¡Mɨ Chipari! ¡Mɨ Tachi Ak'õre!

Juan 13:13

Mãrapa mɨ Jarateapariade apatama mãɨnepa mãra Chipariade apatama. Piarã arí jara p'anɨma, mãɨya bɨ pẽra.

Juan 11:28

Mãɨya jarak'ari Marta wãsima ichi ũpẽawẽramá. Maapae k'ɨɨrɨk'á jarasima: —Chi Jarateaparí nãma bɨma. Ichia pɨ t'ɨ̃ peesima.

Juan 5:2

Mãma k'uipataɨ yooro k'orodada basima. Hebreo pedeade Betzatá apatama. Mãɨ k'uipataɨ chi p'uuru eda wãpataɨ Oveja apataɨ k'ait'a bɨma. Chi pania k'ait'a te chak'e joesoma p'anasima.

Juan 3:2

Teamasi Jesumá wãside, nãɨya jarasima: —Jarateaparí, taipa k'awa p'anɨma pɨ Tachi Ak'õrepa peedapɨ. Tachi Ak'õre pɨ ome badawẽpara, chi ẽpẽerãpa ne p'ue oodak'apɨ́ p'ue ooiwẽ pasima.

Juan 1:49

Mãɨpuru Natanaelpa jarasima: —Jarateaparí, pɨ piarã Tachi Ak'õre Warrapɨ. Pɨ tachi israel ĩjũanepemarã chi poro jũra jɨ̃paripɨ.

Luca 10:41

Jesupa jarasima: —Marta, Marta, pɨa ne minachia oo bɨ k'orea minachia k'ɨ̃risia pará bɨma.

Mateo 14:27

Ara mãɨne Jesupa jarasima: —¡P'erarãt'ɨ! ¡Mɨpɨ! ¡Ne wap'earãt'ɨ!

Marco 10:51

Mãɨne Jesupa ichiá idisima: —¿K'ãre k'ɨ̃ria bɨma mɨa ooit'a pɨ k'orea? Chi tau p'ãrio bɨpa jarasima: —Jarateaparí, mɨ taupa unu k'ɨ̃ria bɨma.