Juan 2:24 - Tachi Ak'õre Pedea

²⁴ Maamina Jesupa ãareaɨrã k'ɨ̃risia k'awa bɨ pẽra ĩjãaé pasima ãchia ichide piarã ĩjãa p'anɨt'a.

Juan 2:24 Referans Kwoze

Juan 6:64

Maamina eda waapẽarãpa waidi mɨ pedea ĩjãanawẽa p'anɨma. Jesupa mãɨya jarasima ichia naenaena k'awa bada pẽra k'airãpa ichi pedea ĩjãanawẽa p'anɨt'a mãɨnepa k'aipa ichi jitapii bɨt'a.

Hebreo 4:13

Tachi Ak'õrepa ne ãarea unuparima. Chi ichia unuwẽa bɨ newẽma. Ichia ooda mãɨnepa tachia mẽra uru p'anɨt'a pia unu bɨma. Ichia tachi ak'ɨrude jõma tachia oodada ichiá jaradai p'anɨma.

Hecho 1:24

Maapae ãareaɨrãpa Tachi Ak'õrea nãɨya ɨt'aa chiidisidama: —Tai Chipari, ãareaɨrãpa sõne k'ɨ̃risia p'anɨt'a pɨa mãɨ k'awa bɨma. Taiyá unupise nãɨ ẽpẽra umepemarã chi sãɨ pɨa jɨrɨ atait'a,

Mateo 9:4

Maamina ãchia k'ɨ̃risia p'anɨ Jesupa k'awasima. Mãɨpuru jarasima: —Mãrapa ¿k'ãre k'orea mãra sõne jãɨya piawẽa k'ɨ̃risia p'anɨma?

Juan 16:30

Naapae taipa k'awautama pɨa ne ãarea k'awa bɨt'a. Taipa ne ididai naena pɨa sãmaasã́ p'anooi k'awa bɨma. Mãɨnepa k'awa p'anɨma pɨ Tachi Ak'õrenepa chesit'a.

Juan 5:42

Mãɨ awara mɨa mãra k'awa bɨma. K'awa bɨma mãrapa Tachi Ak'õre k'ɨ̃rianak'at'a.

Apocalipsi 2:23

Ichi warrarã mɨa ãarea piupiipɨ. Mãɨya ũpẽarã ãareaɨrãpa k'awadaipɨ mɨa jõmãɨrã k'ɨ̃risia k'awa bɨt'a. Ichiaba k'awadaipɨ jõmãɨrãpa ãchi sõnepa oo k'ɨ̃ria p'anɨt'a, mɨa mãɨ k'awa bɨt'a. Ara machicha oodada jĩra mɨa ɨtɨaipɨ.

Juan 21:17

Jesupa mãicha idisima: —Simón, Joná warra, ¿mɨ k'ɨ̃ria bɨk'ãra? Mãɨpa bari k'ak'o ũpea idi basima. Pedro k'ĩra piawẽa nɨbeesima, Jesupa bari k'ak'o ũpea abarik'a idida pẽra. Maapae ichia jarasima: —Mɨ Chipari, pɨa ne ãarea k'awa bɨma. Pɨa k'awa bɨma mɨa pɨ k'ɨ̃ria bɨt'a. Jesupa jarasima: —Chi mɨne ĩjãa berã minachia ak'ɨ base oveja chak'erã ak'ɨpari jĩra.

Marco 2:8

Ara mãɨne Jesupa ãchia k'ɨ̃risia p'anɨt'a ichi sõne k'awasima. Mãɨpuru ãchiá jarasima: «¿K'ãre k'orea mãra sõne jãɨya k'ɨ̃risia p'anɨma?

Juan 6:15

Maamina Jesupa k'awasima ẽpẽerãpa ichi jita k'ɨ̃ria p'anasit'a ãchi poro jũra jɨ̃parí jɨ̃ bɨ papidai k'orea. Mãɨpuru mãicha ichi tuaba eyadea wãsima.

Juan 1:42

Maapae Andrepa Simón Jesumá ateewãsima. Chedak'ari Jesupa Simonmá ak'ɨk'ari jarasima: —Pɨ Joná warra Simonpɨ, maamina idiipa naa pɨ t'ɨ̃ Cep'a adaima. (Mãɨ t'ɨ̃ Cep'a ichiaba Pedro apatama).

Hecho 15:8

Tachi Ak'õrepa ẽpẽerã ãarea sõ k'awa bɨma. Mãɨ judiorãwẽpa ĩjãasidaɨde Tachi Ak'õrepa k'awapisima ãchi pia jitasit'a. Ichi Jaore ãchiá teasima, tachiá naena teada jĩra.

Juan 4:16

Mãɨ k'orea Jesupa jarasima: —Pɨ k'ima t'ɨ̃ne wãk'ari nãmá chet'ɨ.