Juan 2:11 - Tachi Ak'õre Pedea

¹¹ Mãɨ ẽpẽerãpa ne p'ue oodak'apɨ́ naa ooda Jesupa Caná p'uurude Galilea ĩjũane oosima. Mãɨnepa chi ichi minachia atepe bɨt'a unupisima. Mãɨya ichi ome p'ɨrrɨapataɨrãpa ichide piarã ĩjãasidama.

Juan 2:11 Referans Kwoze

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Juan 3:2

Teamasi Jesumá wãside, nãɨya jarasima: —Jarateaparí, taipa k'awa p'anɨma pɨ Tachi Ak'õrepa peedapɨ. Tachi Ak'õre pɨ ome badawẽpara, chi ẽpẽerãpa ne p'ue oodak'apɨ́ p'ue ooiwẽ pasima.

Juan 6:2

Jesupa ẽpẽerãpa ne p'ue oodak'apɨ́ oo bɨdepa k'ɨdade berã jɨpa beepik'oasima. Chok'ará ẽpẽerãpa mãɨ unu p'anana pẽra ichi k'aade wãsidama.

Juan 6:30

Mãɨpuru ãchia Jesua idisidama: —¿Pɨa taiyá k'ãre unupiima, pɨ pedea ĩjãanamẽrá? Tachi chõarãenapemarãpa ĩjũa pania newẽa bɨde maná k'opachidama. Tachi Ak'õre pedeade jara bɨma: “Ichia ɨt'aripema p'ana teasima ãchia k'odamẽrá”. ¿Pɨa k'ãre ooima?

Juan 6:26

Jesupa p'anoosima: —Mɨa piarã jararuma: mãrapa k'awadawẽa p'anɨma chi mɨa ẽpẽerãpa ne p'ue oodak'apɨ́ oodapa ne jara k'ɨ̃ria bɨt'a. Aba mɨ jɨrɨ p'anɨma mɨa nek'opik'ari jãwaanana pẽra.

Juan 6:14

Chi Jesupa ẽpẽerãpa ne p'ue oodak'apɨ́ ununak'ari ẽpẽerãpa jarasidama: —Piarã nãɨ Tachi Ak'õre pari pedeaparí chi waibɨa bɨ, chi nãɨ ĩjũane chei badapɨ.

2 Corintio 4:17

Tai ara nãɨena minachia mĩapatamina, mãɨ naa tai k'aripa bɨma chi Tachi Ak'õre k'ĩrawãrea pia bɨde ewaricha p'ananai k'orea. Mãɨ k'ĩrawãrea atepe pia baipɨ chi idiapae ãpia mĩapataɨ k'aepẽra.

Juan 14:13

Mãɨya mãrapa mɨne ĩjãa p'anɨ pẽra mɨ t'ɨ̃nepa ɨt'aa chiidiuta mɨa jõma ooipɨ. Mãɨya mɨnepa mɨ Ak'õre chi choma bɨt'a unupiipɨ.

Juan 12:41

Isaíapa ichi k'art'ade mãɨya bɨsima Jesú chi Choma bɨ ununa pẽra. Mãɨ k'orea pedeasima.

Juan 12:37

Jesupa ẽpẽerãpa ne p'ue oodak'apɨ́ chok'ará ẽpẽerã k'ĩrari oodamina ãchia waidi ĩjãanawẽa p'anasidama.

Juan 2:23

Judiorã Egitodepa wãnana k'ɨ̃risiapataɨ ewaride Jesú Jerusalene basima. Mãɨne minachia ẽpẽerãpa ne p'ue oodak'apɨ́ ichia ooside chok'araɨrãpa ichide ĩjãasidama.

Juan 1:50

Mãɨne Jesupa jarasima: —Mɨa pɨ higo pak'uru ek'ari bɨ k'awasiade a bɨ pẽra ¿pɨa mãɨya k'ɨ̃risia bɨk'ãra? Mãɨ k'aepẽra ẽpẽerãpa ne p'ue oodak'apɨ́ atepe waibɨa be unuipɨ.

1 Juan 5:13

Mɨa nãɨ k'art'a mãra chi Tachi Ak'õre Warrade ĩjãa be pae bɨruma k'awadamẽrá ewaricha Tachi Ak'õre ome chok'ae p'ananait'a.

Juan 4:46

Galilea tuade bɨde Jesú mãicha Caná p'uurudea wãsima ichia naena pania uvaba papidamá. Mãɨmisa Capernaum p'uurude chi poro jũra jɨ̃parí jɨ̃ bɨ pae mimiaparí minachia k'awa bɨ basima. Mãɨ warra k'ɨdade basima.

Juan 5:23

Mãɨya ãareaɨrãpa mɨ Ak'õre wap'ea p'anɨ jĩra mɨ sida wap'eadaipɨ. Chi mɨ wap'eawẽa bɨpa mɨ Ak'õre sida wap'eawẽa bɨma, mɨ Ak'õrepa mɨ nãɨ ĩjũanea peeda pẽra.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

2 Corintio 3:18

Tachia Cristode ĩjãa p'anɨ pẽra tachi k'ĩra neet'apa mẽra pɨra uru p'anɨ jĩra p'anɨwẽma. Mãɨpuru tachidepa waapẽarãpa Tachi Chipari k'ĩrawãrea unu p'anɨma k'ĩra ak'ɨpataɨde ak'ɨ p'anɨ jĩra. Mãɨne Tachi Chipari Jaorepa tachi ewaricha pia oopodo bɨma Tachi Chipari jĩra p'ananamẽrá.

Juan 11:15

Mãma badawẽ pẽra mɨ arapá bɨma mãɨ k'orea mãrapa mɨne pia ĩjãanai pẽra. Mãicha ichimá wãtɨma.

Juan 1:17

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

Juan 1:43

Norema Jesú Galilea tuadea wãi k'ɨ̃risiasima. Mãɨpuru P'elipe unusima. Unuk'ari jarasima: —Mɨa k'ɨ̃ria bɨma pɨ mɨ ome p'ɨrrɨait'a.

Juan 2:1

Ewari ũpeaɨde arapá miak'ãipataɨ ewari oosidama Caná p'uurude, Galilea ĩjũane. Jesú nae ichiaba mãma basima.

Juan 4:3

P'ariseorãpa mãɨ ũrinana Jesupa k'awada pẽra Judea tuade bada Galilea tuadea mãicha wãsima.

Juan 4:54

Jesú Judeadepa Galileadea jĩitea cherude ẽpẽerãpa ne p'ue oodak'apɨ́ oo basima. Mãɨ chi bari k'ak'o umãarea ooda pasima.

Juan 7:31

Mãɨne ãareaɨrãpa ichide ĩjãasidama. Mãɨya jarasidama: —Tachi Ak'õrepa Tachi K'aripaparí teai jarada cherude ¿nãɨ ẽpẽrapa oo bɨ k'aepẽra ẽpẽerãpa ne p'ue oodak'apɨ́ atepe ooik'ãra?

Juan 9:16

Chi waapẽarã p'ariseorãpa jarasidama: «Mãɨ ẽpẽra Tachi Ak'õrenepa chewẽa bɨma, mimianak'apɨ́ ewaride chi tachia ne oodaiwẽa p'anɨne mãɨya ooda pẽra». Maamina waapẽarãpa jarasidama: «¿Sãmaasã́ nemietá ooparí ẽpẽrapa mãɨ ẽpẽerãpa ne p'ue oodak'apɨ́ p'ue oosima?» Mãɨya ara ãchi paara ne wawaria pedea p'aneesidama.

Juan 10:41

Mãɨya bɨde chok'ará ẽpẽerã ichimá wãpachidama. Ãchi tuaba nãɨya jarapachidama: «Juanpa ẽpẽerãpa ne p'ue oodak'apɨ́ ooé pasima maamina ãarea ichia nãɨ Jesú k'orea jarada piarãpɨ».

Juan 11:47

Mãɨpuru p'ariseorã mãɨnepa p'aarerã chi chaarearãpa ara ãchi paara t'ɨ̃ peedak'ari, pedea ausidama. Nãɨya jarasidama: —Tachia ¿k'ãre oodaima? Mãɨ ẽpẽrapa ne p'ue oodak'apɨ́ minachia oo bɨma.

Juan 12:18

Jesupa mãɨ ẽpẽerãpa ne p'ue oodak'apɨ́ ooda chok'araɨrãpa ũrisidama. Mãɨpuru ichiá pia pedeade wãsidama.

Juan 16:27

mɨ Ak'õrepa mãra k'ɨ̃ria bɨ pẽra. Ichia mãra k'ɨ̃ria bɨma, mɨ k'ɨ̃ria p'anɨ pẽra mãɨnepa mɨ Tachi Ak'õrenepa cheda ĩjãa p'anɨ pẽra.

Juan 16:30

Naapae taipa k'awautama pɨa ne ãarea k'awa bɨt'a. Taipa ne ididai naena pɨa sãmaasã́ p'anooi k'awa bɨma. Mãɨnepa k'awa p'anɨma pɨ Tachi Ak'õrenepa chesit'a.