Juan 19:6 - Tachi Ak'õre Pedea

⁶ Maamina Jesú unuutade p'aarerã chi mãɨrã chaarearãpa mãɨnepa Tachi Ak'õre te ot'eapataɨrãpa jĩk'ua jarasidama: —¡Ichi k'urusude barijira bɨk'ari peapise! ¡K'urusude barijira bɨk'ari peapise! Mãɨne Pilatopa jarasima: —¡Mãrapuru ateedak'ari k'urusude barijira bɨk'ari peapit'ɨ! Mɨmá ichi nemietá newẽa bɨma.

Juan 19:6 Referans Kwoze

Juan 18:31

Mãɨpuru Pilatopa ãchiá jarasima: —Mãrapa ichi ateewãnak'ari ak'ɨt'ɨ ara machi leypa jara bɨ jĩra. Mãɨne judiorãpa jarasidama: —Taipa ne p'ue oodak'ama, ẽpẽra peapidai k'orea. Mãra Romanepemarãpuru p'ue peapidai p'anɨma.

Juan 19:4

Maapae Pilato mãicha tajatá judiorãmá wãk'ari jarasima: —Ũrit'ɨ. Mɨa mãɨ mãra k'ĩrari enemeeruma, mɨmá ichia nemietá oo newẽa bɨt'a k'awadamẽrá.

Hecho 7:52

Ãchia Tachi Ak'õre pari pedeapataɨrã ãarea mĩapisidama. Chi Ẽpẽra Jĩp'a Bɨ chei k'orea jaradada sida peapachidama. Ara mãɨ jĩra mãrapa mãɨ Ẽpẽra Jĩp'a Bɨ jitadak'ari peasidama.

Hecho 2:23

Tachi Ak'õrepa naena k'ɨ̃risia bada jĩra abaɨa itu Jesú mãra juade teapisima. Maapae mãrapa ẽpẽerã k'achiarã́ k'urusude barijira bɨk'ari peapisidama. Tachi Ak'õrepa k'awa basima mãɨ ãarea mãɨyait'a.

Juan 19:15

Maamina ãchia jĩk'ua jarasidama: —¡Ateewãpik'ari, peapise! ¡Ateewãpik'ari, peapise! ¡K'urusude barijira bɨk'ari, peapise! Mãɨ k'orea Pilatopa jarasima: —¿Mãɨyara mɨa mãra poro jũra jɨ̃parí jɨ̃ bɨ k'urusude barijira bɨk'ari, peapiik'ãra? Mãɨne p'aarerã chi mãɨrã chaarearãpa p'anoosidama: —¡Taipa poro jũra jɨ̃parí jɨ̃ bɨ awara newẽma! ¡Abapuru uru p'anɨma tachi romanepema chi atepe poro chaarea bɨt'a!

Luca 23:4

Maapae Pilatopa p'aarerã chi mãɨrã chaarearã́ mãɨnepa ẽpẽrarã arí tuanarã́ jarasima: —Mɨa unuwẽa bɨma nãɨ ẽpẽra nepɨra pará bɨt'a.

Mateo 27:24

Mãɨya p'anɨne Pilatopa k'awasima ẽpẽrarãpa ichi pedea ĩjãanawẽa p'anasit'a. Mãɨ awara unusima ẽpẽrarã minachia piuk'a nɨbɨt'a. Maapae jõmãɨrã k'ĩrari paniapa ichi jua sɨɨk'ari jarasima: —Nãɨ ẽpẽra jĩp'a bɨ peauta k'orea mɨ nepɨra pará beeiwẽma. ¡Mãɨt'u machi nepɨrapɨ!

Mateo 27:22

Pilatopa idisima: —Mãɨyara mɨa ¿k'ãret'a ooima Jesú ome, chi Tachi Ak'õrepa Tachi K'aripaparí teai jaradamanaɨt'a? Jõmãɨrãpa jarasidama: —¡K'urusude barijira bɨk'ari peapise!

Mateo 26:58

Mãɨne Pedro Jesú k'aade t'ɨmɨ nine, chi p'aare minachia k'awa bɨ temá chesima. Chi te audu jũk'a bɨde eda wãk'ari, Pedro chi te ot'eapataɨrã ome suak'abari beesima, Jesú ome sãmaasã́ oodai k'awai k'orea.

Juan 18:3

Mãɨpuru Judapa chok'ará romanepema papaká berã mãɨnepa chi Tachi Ak'õre te ot'eapataɨrã mãɨ ne uu ĩjũanea ateewãsima. Ãchi chi p'aarerã chi mãɨrã chaarearãpa mãɨnepa p'ariseorã pida Juda ome peesidama. Ãchia ĩpira, laap'ara mãɨnepa jiorro uru p'anasidama.

Juan 18:38

Mãɨne Pilatopa idisima: —¿K'ãrema mãɨ piarãt'a? Mãɨya jarak'ari Pilato mãicha tajatá judiorãmá wãk'ari jarasima: —Mɨa unuwẽma nãɨ ẽpẽra nepɨra pará bɨt'a.