Juan 17:6 - Tachi Ak'õre Pedea

⁶ »Pɨa mɨá ẽpẽerã nãɨ ĩjũanepemarã teasima. Mɨa mãɨrã́ pɨ k'awapisima. Ãchi poremina, pɨa mɨá ãchi teasima. Ãchia pɨ pedea ĩjãa p'anɨma.

Juan 17:6 Referans Kwoze

Juan 17:26

Mɨa ãchiá pɨ k'awapisima. Mãɨ awara wapida atepe k'awapi baipɨ pɨa mɨ k'ɨ̃ria bɨ jĩra ãchi sida chi k'ɨ̃ria p'ananamẽrá mãɨnepa mɨ ãchi sõne uru p'ananamẽrá».

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

Juan 6:37

Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma.

Juan 17:24

»Ak'õre, pɨa nãɨ ĩjũa ooi naena mɨ k'ɨ̃ria basima. Mãɨpuru pajãne mɨ chi choma bɨsima. Mɨa k'ɨ̃ria bɨma ãarea pɨa mɨá teadaɨrã mãma mɨ ome ará p'ananait'a, pɨa mɨ chi choma bɨda ununamẽrá.

Juan 17:2

Pɨa ẽpẽerã ãarea mɨ juade bɨsima, mɨa ãchi ewaricha chok'ae bapimẽrá.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

Juan 15:19

Nãɨ ĩjũanepema padapara ãchia mãra k'ɨ̃rianai pasima, ãchidepema pẽra. Maamina mɨa mãra nãɨ ĩjũanepema ateewãsima ãchi awara p'ananamẽrá. Mãɨpuru mãra unuemaapatama.

Apocalipsi 3:8

Nãɨya jara bɨma: »Mãrapa oo p'anɨt'a mɨa k'awa bɨma. ¡Ũrit'ɨ! Eda wãpataɨ mɨa mãra naa ewa nɨbɨsima. Mãɨ abaɨ pida p'ue serraiwẽma. Mãra ãpia chaareawẽa p'anɨmina mɨ pedea minachia ĩjãa p'anɨma. Mɨ itu bɨdawẽa p'anɨma.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

Juan 15:7

»Mãra mɨ ome ará p'ananaipɨra, mɨ pedea oo p'ananaipɨra, ɨt'aa chiidit'ɨ jõma mãrapa k'ɨ̃riautat'a. Mãɨ mɨa teaipɨ.

Apocalipsi 2:13

»Mãrapa oo p'anɨt'a mɨa k'awa bɨma. Mãɨnepa k'awa bɨma ara mãra p'anapatamá tiore chi ichi suak'a beeparí auk'ará bɨde suak'abari bɨt'a. Maamina mãra mɨ paara wapida p'anɨma. Maamina chi tioredepemarãpa ũpẽa Antipa peasidaɨde mɨ k'orea piarã pedeada pẽra, mɨne ĩjãa p'anɨt'a itu bɨdaé pasima.

Hebreo 2:12

Tachi Ak'õre pedeade nãɨya bɨ bɨma: «Mɨa pɨ k'orea mɨ ũpẽarã́ pedeaipɨ. Ãareaɨrã ará p'anɨne mɨa pɨá pia pedeaipɨ».

2 Timoteo 1:13

Mɨa jĩp'a jaratea bada jĩra jaratea base. Jesucristode ĩjãa bɨdepa, waapẽarã k'ɨ̃rianepa nipase.

Colosense 3:16

Pedea Cristo k'orea mãra sõne uru p'anat'ɨ. Jõma Tachi Ak'õre k'ɨ̃risiadepa chi jarateat'ɨ mãɨnepa chi k'aripat'ɨ pia ĩjãanai k'orea. Tachi Ak'õre pedeade bɨ bɨt'a k'arit'ɨ, ũpẽarãpa k'aripataɨ mãɨnepa Tachi Ak'õre Jaorepa k'aripiparí Tachi Ak'õrea k'arit'ɨ. Sõnepa Tachi Ak'õrea sõpia p'anɨane a p'anɨnepa k'arit'ɨ.

Romano 11:2

Tachi Ak'õrepa naena israel ĩjũanepemarã jɨrɨ atasima ichi p'uuru bamẽrá. Mãɨpuru ãchi itu bɨwẽa bɨma. Mãrapa Tachi Ak'õre pedeade Elía k'orea bɨda k'awa p'anɨma. Eliapa Tachi Ak'õrea israel ĩjũanepemarã k'orea nãɨya piawẽa pedeasima.

Hecho 13:48

Judiorãwẽpa mãɨ ũrisidaɨde arapaasidama. Ara mãɨne Tachi Chipari k'orea pedea pia pedeasidama. Chi Tachi Ak'õrepa ewaricha ichi ome chok'ae beadai k'orea bɨdarãpa ichide ĩjãasidama.

Juan 18:9

Mãɨya jarasima ichia naena jarada pẽra: «Ak'õre, pɨa mɨá teadaɨrã aba pida atuaiwẽma». Ichia jarada jĩra piarã mãɨyasima.

Juan 17:16

Ãchi nãɨ ĩjũanepemarãwẽma ara mãɨ mɨ nãɨ ĩjũanepemawẽ jĩra.

Juan 17:14

Pɨa jarada mɨa ãchiá jarateasima. Maamina nãɨ ĩjũanepemarãpa ãchi unuemaa p'anɨma mɨ jĩra nãɨ ĩjũanepemawẽ pẽra.

Juan 15:3

Mɨ pedea ĩjãa p'anɨ pẽra mãra pak'uru jua jĩrak'aua t'ɨat'uda jĩra pia p'anɨrãpɨ.

Juan 12:28

Mãɨpari jararuma: Ak'õre, mãɨ mɨ mĩarunepa ãareaɨrã́ k'awapise pɨ chi Choma bɨt'a. Mãɨne ẽpẽerã arí p'anɨrãpa pedea pajãne ũrisidama. Mãɨ pedeapa jarasima: «Mɨa naena k'awapisima mɨ chi Choma bɨt'a mãɨnepa mãicha k'awapiipɨ».

Juan 6:39

Mɨ Peedapa k'ɨ̃ria bɨma ichia mɨá teadaɨrã aba pida atuapiemaapa, mãɨpari nãɨ jõru ewari parude, ãchi chok'ae p'irabaripiipɨ.

Juan 1:18

Abaɨ pida Tachi Ak'õre ununak'ama. Maamina chi Warra aba bɨt'a Tachi Ak'õre pẽra mãɨnepa chi Ak'õre ome abarik'a bɨ pẽra, tachiá k'awapisima Tachi Ak'õre piarã sãmaasã́ bɨt'a.

1 Pedro 1:1

Mɨ Pedro, Jesucristopa peedapɨ. Mɨa nãɨ k'art'a bɨruma Tachi Ak'õrepa jɨrɨ atadaɨrã Ponto tuade, Galacia tuade, Capadocia tuade, Asia tuade, Bitinia tuade mãɨnepa chi tua awaraɨrãnepa chedak'ari p'anɨrã pae.

Juan 8:51

Mɨa piarã jararuma, chi mɨ pedea ĩjãak'ari oo bɨt'a mãɨ piuk'á paipɨ.

Juan 8:52

Mãɨne judiorãpa Jesua jarasidama: —Naapae taipa k'awautama pɨ jaore mietá uru bɨt'a. Abrahán piusima. Ãarea Tachi Ak'õre pari pedeapataɨrã sida piusidama, maamina pɨa jara bɨma: “Mɨ pedea ĩjãak'ari oo bɨt'a mãɨ piuk'á paipɨ”.

Juan 17:7

Mãɨpuru ãchia k'awa p'anɨma ne ãarea mɨa uru bɨ pɨdepa che bɨt'a.

Juan 17:12

Mɨ nãma basi ewarimisa pɨ jua chaareadepa mɨa ãarea pɨa teadaɨrã ak'ɨ basima. Ãchidepemarã mi ãpia pida atuaé pasima. Abapuru chi atuai badat'a atuasima Tachi Ak'õre pedea jara bɨ jĩra piarã mãɨyamẽrá.

Apocalipsi 3:10

Mãra mɨ k'orea minachia mĩa p'anɨt'a ãarea choa p'anɨma mɨa jarada jĩra. Mãɨpuru nãɨ ĩjũanepemarã minachia mĩanai ewari cherude mɨa mãra ak'ɨipɨ. Mãɨ ewaride mɨa jõma nãɨ ĩjũane tuanurã minachia mĩapiipɨ, sãmaasã́ oodai k'awayá.