Juan 16:28 - Tachi Ak'õre Pedea

²⁸ Mɨ Ak'õremãɨpa nãɨ ĩjũanea chesima. Maamina mɨa nãɨ ĩjũa ameeipɨ mɨ Ak'õremá mãicha wãi k'orea.

Juan 16:28 Referans Kwoze

Juan 13:1

Egitodepa wãnana k'ɨ̃risiapataɨ ewari pai naena Jesupa k'awa basima ichi ewari pasit'a, nãɨ ĩjũa ameek'ari ichi Ak'õremá wãi k'orea. Jesupa jõma ichidirã nãɨ ĩjũane be minachia k'ɨ̃ria bada pẽra ichia mãɨrã k'ɨ̃ria basima ichi piui ewaridea.

Juan 13:3

Jesupa k'awa basima ichi Ak'õrepa ne ãarea ichi juade bɨsit'a, mãɨnepa k'awa basima ichi Tachi Ak'õremãɨpa chek'ari mãicha ichimá wãit'a.

Juan 8:14

Jesupa jarasima: —Ara mɨchi k'orea pedea bɨmina mɨa jara bɨ piarãpɨ. Mɨa k'awa bɨma mɨ sãmãɨpa chesit'a mãɨnepa sãmá mãicha wãit'a. Maamina mãrapa mãɨ atua p'anɨma.

Juan 16:5

Maamina mɨ, mɨ Peedamá wãipɨ. Maamina abaɨ pida mãranepemapa mɨá mãɨ k'orea ididawẽa p'anɨma.

Juan 17:5

Mãɨpuru Ak'õre, mɨ pɨ k'ĩrari chi choma bɨse pɨ ome nãɨ ĩjũa ooi naena chi choma bada jĩra.

Juan 16:16

»Tãaraawẽa bɨde mãrapa mɨ ununaiwẽma, maamina mãɨya nak'ari mãicha tãaraawẽa bɨde mɨ ununaipɨ.

Juan 14:28

Mɨa mãrá jarasima mɨ wãrut'a mãɨnepa mãicha mãramá cheit'a. Mãrapa mɨ piarã k'ɨ̃ria p'anɨpara arapaadai pasima mɨ Ak'õremá wãyane ada k'orea. Ichi mɨ atepe bɨ pẽra, mɨ mãicha bɨipɨ mɨ naena badamá.

Luca 24:51

Mãɨya pia pedea bɨde Tachi Ak'õrepa ichi pajãnea ɨt'aa ateewãsima.

Juan 17:13

»Naapae mɨ pɨmá wãipɨ. Maamina wapida nãɨ ĩjũane bɨde mãɨ ãarea jararuma, arapá p'ananamẽrá, mɨ pɨ ome arapá bɨ jĩra.

Juan 17:11

»Mɨ nãɨ ĩjũane waa baiwẽma maamina ãchi nãɨ ĩjũane p'aneenaipɨ. Ak'õre, pɨ minachia pia bɨma. Mɨ pɨmá wãru pẽra pɨ t'ɨ̃nepa ãchi minachia ak'ɨ base. Pɨ t'ɨ̃nepa, mɨ mãɨya jua chaarea beepisima, ãchi k'ak'ua aba bɨ jĩra p'ananamẽrá, tachi k'ak'ua aba p'anɨ jĩra.

Luca 9:51

Jesú ɨt'aria wãi ewari k'ait'a paside mãɨne Jerusalenea wãyane a k'ɨ̃risiasima.

Juan 8:42

Jesupa jarasima: —Tachi Ak'õre mãra Ak'õrepara, mãrapa mɨ piarã k'ɨ̃rianai pasima, Tachi Ak'õrenepa chek'ari nãma bɨ pẽra. Mɨ ara mɨnepa chewẽa pasima. Ichiapuru peesima.

Juan 16:10

K'awapiipɨ mɨ jĩp'a bɨt'a, mɨ Ak'õremá wãi pẽra. Mãɨne mãrapa mɨ waa ununaiwẽma.

Juan 16:30

Naapae taipa k'awautama pɨa ne ãarea k'awa bɨt'a. Taipa ne ididai naena pɨa sãmaasã́ p'anooi k'awa bɨma. Mãɨnepa k'awa p'anɨma pɨ Tachi Ak'õrenepa chesit'a.