Juan 16:2 - Tachi Ak'õre Pedea

² Judiorãpa mãra ãchi ará pedeapataɨ tedepema ãyá jerek'oadaipɨ. Mãɨ awara mãra peadai ewari paipɨ. Mãra peautade ãchia k'ɨ̃risiadaipɨ “Tachi Ak'õrepa k'ɨ̃ria bɨ oo p'anɨane” adait'a.

Juan 16:2 Referans Kwoze

Juan 9:22

Chi ak'õrepa mãɨnepa chi naepa mãɨya jarasidama judiorã chaarearã wap'ea p'anɨ pẽra. Piarã mãɨ judiorãpa jarasidama parituapa Jesú Tachi Ak'õrepa Tachi K'aripaparí teai jaradaade aipɨra, mãɨ chi judiorã ará pedeapataɨ tedepema ãyá jeret'aadayade asidama.

Mateo 10:28

Chi nãɨ k'ak'ua peapataɨrã wap'earãt'ɨ. Ãchia nãɨ k'ak'ua p'ue peadaima maamina tachi jaore p'ue peadaiwẽma. Mãɨpari nãɨ k'ak'ua mãɨnepa tachi jaore mietade paai bɨt'a wap'eat'ɨ.

Apocalipsi 6:9

Mãɨya nak'ari chi Oveja Chak'epa mãicha chi k'art'ade k'ara bada aba oet'aside mɨa unusima chi Tachi Ak'õre pedea jaratea p'anɨ k'orea peadaadarã jaore. Ãchi chi Tachi Ak'õre pae ne paateapataɨ pajãne bɨk'á p'anasima.

Juan 12:42

Isaíapa mãɨya bɨdamina chok'ará judiorãpa mãɨnepa p'aarerã chi mãɨrã chaarearã pida Jesude ĩjãasidama. Maamina waapẽarã́ mãɨ jaradaé pasima. Wap'ea p'anasidama p'ariseorãpa chi ará pedeapataɨ tedepema ãyá jeret'aadait'a.

Luca 6:22

»Pia p'anɨma ẽpẽrarãpa mɨ, chi Ẽpẽra Warra k'orea mãra unuemaautade, itu bɨutade, k'achia pedeautade mãɨnepa mãra sõk'achiade autade.

1 Corintio 4:13

Seadepa taiyá k'achia pedeautade pedea piadepa p'anoopatama. Wapida nãɨ ewaride ẽpẽrarãpa tai nejarra jĩra unupatama mãɨnepa nemietá jĩra unupatama.

Hecho 7:56

Nãɨya jarasima: —¡Ak'ɨt'ɨ! ¡Mɨa pajã ewa nɨbɨt'a unu bɨma! ¡Chi Ẽpẽra Warra Tachi Ak'õre juaraari bɨt'a unu bɨma!

Mateo 24:9

»Mãɨ ewaride ẽpẽrarãpa mãra jitadak'ari teadaipɨ mĩapidak'ari peadamẽrá. Mɨne ĩjãa p'anɨ k'orea jõmãɨrãpa mãra unuemaanaipɨ.

Juan 9:34

Mãɨne judiorã chi chaarearãpa ichi ɨtɨasidama: —Pɨ t'õnanepa nemietá ooparima. ¿Sãmaasã́ taiyá ne jarateaima? Mãɨ k'orea ichi chi judiorã ará pedeapataɨ tedepema ãyá jeret'aasidama.

Hecho 5:33

Mãɨ ũrisidaɨde chi chõarã minachia k'ĩruunak'ari, chi Jesupa peedaɨrã pea k'ɨ̃ria p'aneesidama.

Juan 4:21

Jesupa p'anoosima: —Mɨa jara bɨt'a ĩjãase. Ewariaba nãɨ eyade mãɨnepa Jerusalene pida Tachi Ak'õrea pia pedeade wãnaiwẽma.

P'ilipense 3:6

Mɨa mãɨ judiorãpa oopachidaɨt'a ãarea minachia ũri bapachi pẽra chi Cristode ĩjãapataɨrã ẽp'ẽ wãpachima ãchi piawẽa ooi k'orea. Mãɨ judiorãpa oopachidaɨt'a jõma oo bapachi pẽra mi ãpia pida mɨ k'orea k'achia pedeadawẽa baipɨ.

Juan 4:23

Maamina ewari chei bada chesima. Idiapae Tachi Ak'õrepa k'ɨ̃ria bɨma ẽpẽerãpa ãchi bemãɨpa pia pedeadait'a ichi Jaoredepa mãɨnepa piarã k'awa p'anɨnepa. Aba mãɨya ichiá arí pia pedeadaipɨ.

Juan 16:25

»Mɨa ne jara bɨdepa mãɨ mãrá jarasima, maamina ewariaba mɨ waa nepɨra bɨdepa pedeaiwẽma. Mãɨpari mɨ Ak'õre k'orea pia jĩp'a jaraipɨ.

Juan 16:32

Chi ewari chei bada cheruma. Mãra ãarea abaabá jĩichoadak'ari mɨ tuaba ameenaipɨ. Maamina mɨ tuaba baiwẽma mɨ Ak'õre mɨ ome bɨ pẽra.