Juan 15:27 - Tachi Ak'õre Pedea

²⁷ Mãra pida mɨ k'orea pedeadaipɨ, mãra naenapema mɨ ome p'anɨ pẽra.

Juan 15:27 Referans Kwoze

1 Juan 4:14

Taipa ichi Warra unusida pẽra mãɨya jara p'anɨma Tachi Pajãnepema Ak'õrepa mãɨ piarã peesit'a nãɨ ĩjũanepemarã k'aripamẽrá.

Juan 21:24

Ara mãɨ Jesú ome p'ɨrrɨaparipa mãɨ k'orea jara bɨma mãɨnepa nãɨ k'art'ade nãɨya bɨruma. Tachia k'awa p'anɨma ichia jara bɨ piarãt'a.

Luca 24:48

Ara machi taupa mɨ mãɨyana jõma unusidama.

Hecho 23:11

Mãɨ teamasi Tachi Chipari Pablomá unupik'ari nãɨya jarasima: «Pablo, sõpia base. Mɨ k'orea nãma Jerusalene pedeada jĩra Roma p'uurude pida pedeai bɨma».

1 Pedro 5:12

Ũpẽa Silvanopa nãɨ k'art'a chak'e k'aripa bɨsima. Mɨa k'awa bɨma ara ichia jara bɨ jĩra nejõma ooparit'a. Nãɨ k'art'adepa mɨa mãra k'aripa k'ɨ̃ria bɨma pia ĩjãanamẽrá. Mãɨnepa k'awapii k'ɨ̃ria bɨma piarã Tachi Ak'õrepa ichi sõpiadepa k'aripa bɨt'a. Mãɨ ĩjãa p'anat'ɨ.

1 Pedro 5:1

Mãra ũpẽarã ak'ɨpataɨrã́ mɨa chichupuria idiruma, mɨ sida ũpẽarã ak'ɨparí pẽra. Cristo minachia mĩana mɨa unusima. Mãɨnepa Tachi Ak'õrepa Cristo chi atepe bɨ unupirude mɨ sida ichi ome baipɨ. Mãɨpuru nãɨya chichupuria idiruma:

Hecho 4:20

Chi taipa ununana mãɨnepa ũrinana p'ue jaradaiwẽa p'anɨma.

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

Apocalipsi 1:2

Jõma mɨa ununa piarã jara bɨma. Mɨa jararuma nãɨ pedea Tachi Ak'õrenepa che bɨt'a mãɨnepa Jesucristopa piarãt'a k'awapisit'a.

Hecho 18:5

Mãɨya bɨde Sila mãɨnepa Timoteo Macedonia tuadepa chesidama. Mãmãɨpa Pablopa ewaricha Tachi Ak'õre pedea jaratea bapachima. Ichia judiorã́ jarapachima Jesú piarã Tachi Ak'õrepa Tachi K'aripaparí teai jaradat'a.

Hecho 13:31

Mãɨya nak'ari Jesupa chi ichi ome Galileadepa Jerusalenea wãnaanarã́ ara ichi bari k'ak'o minachia unupisima. Idiapae mãɨ ẽpẽerãpa ichi k'orea ãarea israel ĩjũanepemarã́ pedea p'anɨma.

Hecho 4:33

Chi Jesupa peedaɨrãpa Tachi Ak'õre jua chaareadepa Tachi Chipari Jesú chok'ae p'irabarida k'orea pia jarateapachidama. Mãɨnepa Tachi Ak'õrepa ichi sõpiadepa ũpẽarã minachia k'aripapachima.

Juan 19:35

Chi nãɨ k'art'a bɨdapa piarã mãɨ unusima. Ichia jara bɨt'a piarãpɨ. Ichia k'awa bɨma piarã pedea jara bɨt'a mãra pida sõnepa ĩjãanamẽrá.

Hecho 3:15

Mãɨya mãrapa chi tachi Chok'ae Bapiparí peasidama. Maamina Tachi Ak'õrepa ichi piu bada chok'ae p'irabaripisima. Mãɨ chok'ae p'irabaridat'a taipa unusidama.

Marco 1:1

Nãɨ chi pedea pia Tachi Ak'õre Warra Jesucristo k'orea bɨdapɨ. Naena chi Tachi Ak'õre pari pedeaparí Isaíapa nãɨya bɨsima: «Chi mɨ pari pedeaparí pɨ naa peeipɨ, pɨ pae o jarimẽrá.