Juan 15:1 - Tachi Ak'õre Pedea

¹ »Mɨ chi uva bɨɨrɨ piarãpẽapɨ. Mɨ Ak'õre chi uva uuda ak'ɨparipɨ.

Juan 15:1 Referans Kwoze

1 Corintio 3:9

Mɨa Apolo ome abarik'a Tachi Ak'õrepa oopi bɨt'a oo p'anɨma. Mãra sida Tachi Ak'õre ne uu ĩjũapɨ. Mãɨ awara mãra Tachi Ak'õrepa te oomaa bɨ jĩra p'anɨma.

1 Juan 2:8

Maamina chi mɨa bɨ bɨt'u chiwidi jĩra bɨma Cristopa ooda pẽra mãɨnepa mãra pida piarã oo p'anɨ pẽra. Chi nãɨ chiwidi bɨt'a p'ãrio jõpodo jĩra bɨma, mãrapa nemietá itu bɨpodouta pẽra. Ichiaba piarã ɨnaapodo jĩra bɨma, mãrapa k'ɨ̃ria p'anɨnepa jĩp'a oopodouta pẽra.

Marco 12:1

Mãɨne Jesupa nepɨrɨ bɨdepa nãɨya jarasima: —Ẽpẽra basima. Ewariaba mãɨ ẽpẽrapa uva uuk'ari ichi ne uu ĩjũa mawarapa adu jũk'asima. Mawara uria waibɨa uya k'orosima uvaba jui k'orea. Ichiaba te ɨt'ɨ oosima mãmãɨpa ãarea ak'ɨi k'orea. Maapae ichi ne uu ĩjũa waapẽarã ẽpẽerã juade bɨsima. Ãchi ome pedea ausidama uva baautade ichiá jõmasã́ teadait'a. Mãɨya pedeak'ari chi chipari tua awaraɨdea wãsima.

Mateo 21:33

»Ũrit'ɨ. Mãicha awara nepɨrɨipɨ. Ẽpẽra basima. Ewariaba mãɨ ẽpẽrapa uva uuk'ari ichi ne uu ĩjũa mawarapa adu jũk'asima. Mawara uria waibɨa uya k'orosima uvaba jui k'orea. Ichiaba te ɨt'ɨ oosima mãmãɨpa ãarea ak'ɨi k'orea. Maapae ichi ne uu ĩjũa waapẽarã ẽpẽrarã juade bɨsima. Ãchi ome pedea ausidama uva baautade ichiá jõmasã́ teadait'a. Mãɨya pedeak'ari chi chipari tua awaraɨdea wãsima.

Juan 6:32

Mãɨne Jesupa p'anoosima: —Mɨa piarã jararuma, mãɨ ɨt'aripema p'ana Moisepa mãrá teaé pasima. Mɨ Ak'õrepuru teasima. Mãɨ awara ɨt'aripema p'ana piarã mãrã́ tea bɨma.

Luca 13:6

Maapae nepɨrɨdepa Jesupa ãchiá nãɨya jarateasima: «Ẽpẽrapa ichi ne uu ĩjũane higojõ bɨɨrɨ uru basima. Ewariaba mãɨ pak'uru bɨɨrɨ ak'ɨde wãsima, chau nɨbɨ k'awai k'orea, maamina chauwẽa basima.

Mateo 20:1

»Pajãne Bɨpa ichidirã ichi juade ua bɨt'a nãɨ jĩra bɨma. Ne uu ĩjũa chipari basima. Tap'ede ichi mimiapataɨrã jɨrɨde wãsima ichi uva k'ãena mimiane wãnamẽrá.

Juan 1:9

Chi nãɨ ĩjũane chei badat'a, mãɨ chi piarãpẽa ɨnaa bɨpɨ. Mãɨ ãareaɨrã pae urua bɨma.

Juan 1:17

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

Mateo 15:13

Jesupa p'anoosima: —Mɨ Ak'õre pajãne bɨpa, ichia uudawẽ paara ãarea ẽut'aak'oaipɨ, chi k'arra para.

Juan 15:2

Mɨ pak'uru jua chaudak'aɨ ichia mãɨ t'ɨat'uparima, maamina chi chaupataɨ pak'uru jua mãɨ t'ɨat'uparima atepe chaudamẽrá.

Romano 11:17

Chi eda waapẽarã judiorã Tachi Ak'õre awara p'aneesidama olivo pak'uru jua t'ɨat'upataɨ jĩra. Mãra judiorãwẽ Tachi Ak'õre newẽa p'anasidama olivo pak'uru chi ichi tuaba mẽa warida jĩra. Maamina mãra Tachi Ak'õrene ẽpẽrarã p'aneesidama, pak'uru jua chi t'ɨat'udade ara mãɨ juade wãa nɨbɨda jĩra. Mãɨya naapae Tachi Ak'õrepa mãra sida k'aripa bɨma judiorã k'aripa bada jĩra.