25 »Mãɨ mɨa mãrá jararuma wapida mãra ome bɨmisa.
Mɨa ara nãɨyana mãɨ jararuma waidi mãɨyai naena, piarã mãɨyarune mãrapa Mɨne ĩjãanamẽrá.
»Mɨa wapida ne minachia mãrá jarai uru bɨma. Mãɨ mãrapa nãɨena ãarea p'ue k'awadaiwẽma.
»Mãɨ ãarea mɨa jara bɨma mãra mɨ ome minachia arapá p'ananamẽrá.
Mɨa mãɨ jara bɨma waidi mãɨyai naena, piarã mãɨyarune mãrapa ĩjãanamẽrá.
Chi mɨ k'ɨ̃riawẽa bɨpa mɨ pedea ook'ama. Chi mãrapa ũri p'anɨ pedea mõrewẽma, mãɨpari mɨ Ak'õrenepɨ, chi mɨ peedadepɨ.
Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.
