Juan 13:22 - Tachi Ak'õre Pedea

²² Ichi ome p'ɨrrɨapataɨrã abarik'a chi ak'ɨ p'aneesidama, k'ai jara bɨt'a k'awadawẽa p'anana pẽra.

Juan 13:22 Referans Kwoze

Luca 22:23

Mãɨpuru ichi ome p'ɨrrɨapataɨrãpa ara ãchi tuaba idi para p'aneesidama k'aipa Jesú mãɨya ooit'a.

Marco 14:19

Maapae sõk'achia p'aneenak'ari, ãchia abaabá Jesua idisidama: —¿Mɨa mãɨyaik'ãra?

Mateo 26:22

Mãɨpuru ãchi minachia k'ĩra piawẽa p'aneesidama. Ara mãɨne ãchia abaabá idisidama ichiá: —Mɨ Chipari, ¿mɨa mãɨyaik'ãra?

Mateo 26:21

Nek'omaa p'anɨne ichia jarasima: —Mɨa piarã jararuma: aba mãranepemapa mɨ jitapiipɨ.

Marco 14:18

Mãɨ suak'a p'aneenak'ari nek'omaa p'anɨne Jesupa jarasima: —Mɨa piarã jararuma: aba mɨ ome nek'omaa bɨpa mɨ jitapiipɨ.

Luca 22:21

Maamina chi mɨ jitapii bɨt'a nãma mɨ ome nek'omaa bɨma.

Juan 13:18

»Mɨa mãɨ mãrá ãarea jarawẽa bɨma, mɨa jɨrɨ atadaɨrã sãmaasã́ bet'a k'awa bɨ pẽra. Maamina mɨa jararuma Tachi Ak'õre pedeade bɨ bɨ jĩra piarã mãɨyamẽrá: “Chi mɨ ome nek'o bada, mɨ ome chi nek'ĩramá beesima”.

Juan 13:21

Mãɨya jarak'ari Jesú minachia sõp'ua beesima. Mãɨya bɨde nãɨya jarasima: —Mɨa piarã jararuma: aba mãranepemapa mɨ jitapiipɨ.