Juan 12:20 - Tachi Ak'õre Pedea

²⁰ Mãɨ arapaapataɨ ewari oo p'anɨne waapẽarã griegorãpa Tachi Ak'õrea pia pedeadai k'orea Jerusalenea chesidama.

Juan 12:20 Referans Kwoze

Juan 7:35

Mãɨ k'orea judiorã chi arí berãpa ara ãchi tuaba jara tuanasidama: —¿Sãmá wãi pẽra tachia ichi waa ununaiwẽane a bɨma? ¿Griegodepemarã tuadea wãik'ãra judiorã jãma berã́ jarateai k'orea?

Hecho 17:4

Chi eda waapẽarã judiorãpa mãɨ ĩjãanak'ari Pablomá mãɨnepa Silamá ará barisidama. Mãɨnepa minachia griegorã Tachi Ak'õre wap'ea bepa mãɨnepa chi eda waapẽarã wẽrarã chi minachia k'awa p'anɨrãpa ĩjãasidama.

Hecho 8:27

Ara mãɨne P'elipe wãsima. Ode wãrune ẽpẽra Etiopía tuadepema unusima. Mãɨ ẽpẽra chi Etiopiadepema poro jũra jɨ̃parí jɨ̃ bɨ wẽra pae mimiaparí pasima. Mãɨpa chi wẽra erreara ãarea ak'ɨpachima. Ichi Jerusalenea wã basima Tachi Ak'õrea pia pedeai k'orea.

Marco 7:26

Mãɨne chichupuria idisima Jesupa jaore mietá ichi k'au k'ak'uadepema ãyá jeret'aamẽrá. Maamina chi wẽra judio wẽrawẽ pasima. Mãawẽa Sirop'eniciadepema pasima.

Gálata 2:3

Mãɨne Tito mɨ ome bɨ judiowẽmina, ãchia jaradaé pasima ichi k'ak'ua tauchaai basit'a.

Hecho 21:28

Mãɨne jĩk'ua jara p'anasidama: «¡Israel ĩjũanepemarã, tai k'aripat'ɨ! Nãɨ ẽpẽrapa tuacha jaratea bɨma tachi israel ĩjũanepemarã, Moisepa bɨda mãɨnepa Tachi Ak'õre te minachia bɨ piawẽa bet'a. ¡Mãɨ awara griegorã Tachi Ak'õre te minachia bɨ edaria ateewãsima! ¡Nãɨ te abapuru Tachi Ak'õre pae bɨt'a mietá bɨsima!»

Hecho 20:21

Judiorã́ mãɨnepa judiorãwẽa mɨa jarasima nemietá oopataɨ itu bɨdak'ari Tachi Ak'õremá chedamẽrá mãɨnepa tachi Chipari Jesucristode ĩjãanamẽrá.

Hecho 16:1

Mãɨne Pablo Derbe p'uurudea wãk'ari mãmãɨpa Listra p'uurudea wãsima. Mãma Jesude ĩjãa bɨ aba Timoteo apataɨ basima. Timoteo nae judio pasima; Jesude ĩjãa basima. Ichi ak'õre griego pasima.

Hecho 14:1

Iconio p'uurude ãchia oopataɨ jĩra Pablo mãɨnepa Bernabé judiorã ará pedeapataɨ tede eda wãsidama. Ãchia jaratea p'anɨt'a minachia judiorãpa mãɨnepa griegorãpa Jesude ĩjãasidama.

Colosense 3:11

Tachi Ak'õrepa mãɨya ooda pẽra ichi k'ĩrari griego judio ome abarik'a p'anɨma. K'ak'ua tauchaa bɨ k'ak'ua tauchaawẽa bɨ ome abarik'a p'anɨma. Tua awaraɨdepema, ne atua bɨ ẽpẽra ome abarik'a p'anɨma. Chi chipari pae pari mimiaparí, mãɨ chi chipari pae pari mimiak'apɨ́ ome abarik'a p'anɨma. Cristo chi atepe piipará bɨma. Ichi jõmãɨrã sõne bɨma.

Gálata 3:28

Mãɨ jara bɨma judio griego ome abarik'a p'anɨma, chi chipari pae pari mimiaparí mãɨnepa chi chipari pae pari mimiak'apɨ́ ome abarik'a p'anɨma, mãɨnepa ɨmɨk'ĩra wẽra ome abarik'a p'anɨma. Jõma mãra ẽpẽra aba bɨ jĩra p'anɨma, Jesucristo ome ará p'anɨ pẽra.

Romano 10:12

Tachi Ak'õre jõmãɨrã Chipari pẽra judiorã mãɨnepa judiorãwẽ sida abarik'a ooparima. Ichiá k'ĩra chupuria idiuta minachia k'aripaparima.

Romano 1:16

Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

Juan 12:1

Egitodepa wãnana k'ɨ̃risiapataɨ ewari pai k'orea ewari k'ak'o seiwẽa baside, Jesú Betania p'uurudea wãsima Lázaro bapachimá. Mãɨ Lázaro Jesupa chok'ae p'irabaripida pasima.

Juan 12:19

Mãɨne p'ariseorãpa ara ãchi tuaba jara p'anasima: «¡Ak'ɨt'ɨ! Ãareaɨrã ichi k'aade wãutama. Mãɨpuru chi tachia k'ɨ̃risiadada ichi k'orea mãɨ p'ue oodaiwẽma».