Juan 12:1 - Tachi Ak'õre Pedea

¹ Egitodepa wãnana k'ɨ̃risiapataɨ ewari pai k'orea ewari k'ak'o seiwẽa baside, Jesú Betania p'uurudea wãsima Lázaro bapachimá. Mãɨ Lázaro Jesupa chok'ae p'irabaripida pasima.

Juan 12:1 Referans Kwoze

Luca 24:50

Mãɨya bak'ari Jesupa ãchi Jerusalén p'uuru tajatá Betania p'uuru k'ait'a ateewãsima. Maapae ichi jua ɨt'aa jirak'ari ãchiá pia jarasima Tachi Ak'õrepa k'aripa bamẽrá.

Juan 12:20

Mãɨ arapaapataɨ ewari oo p'anɨne waapẽarã griegorãpa Tachi Ak'õrea pia pedeadai k'orea Jerusalenea chesidama.

Juan 11:55

Judiorã Egitodepa wãnana k'ɨ̃risiapataɨ ewari k'ait'a basima. Mãɨ arapaapataɨ ewari pẽra p'uuruchadepemarã Jerusalenea wãsidama ãchia ne oopataɨ oo p'anɨnepa Tachi Ak'õre k'ĩrari pia p'ananai k'orea.

Juan 11:1

Mãɨ ewaride ẽpẽra Lázaro apataɨ k'ɨdade basima. Mãɨ Lázaro Betania p'uurudepema pasima. Ara mãɨ p'uurude ichi ũpẽawẽrarã María mãɨnepa Marta sida p'anasidama. Mãɨ Mariapa Tachi Chipari jĩrune k'era weak'ari ichi pudapa p'oapi bada pasima.

Mateo 21:17

Maapae Jesupa ãchi ameek'ari Jerusalenepa Betania p'uurudea k'ãine wãsima.

Juan 11:44

Ara mãɨne Lázaro piu bada tajatá chesima. Ichi jua mãɨnepa jĩru wapida p'arupa pɨra basima. Mãɨnepa ichi k'ĩra p'arupa pɨra basima. Mãɨne Jesupa jarasima: —Ichi ẽranak'ari, itu peet'ɨ.

Marco 11:11

Jesú Jerusalene wãside Tachi Ak'õre te minachia bɨdea wãsima. Ãarea ak'ɨk'ari k'iumaa bɨẽra chi ichia doce jɨrɨ atadaɨrã ome Betania p'uurudea jĩitea wãsidama.

Luca 7:37

Mãɨ p'uurude wẽra nemietá ooparí basima. Mãɨ wẽrapa Jesú p'ariseo tede nek'o bɨ k'awaside pot'eya alabastro mawara oodade k'era enemeesima.

Juan 11:43

Mãɨya jarak'ari Jesupa jĩk'ua jarasima: —¡Lázaro, tajatá chese!

Juan 12:9

Chok'ará judiorãpa Jesú Betania p'uurude bɨt'a k'awasida pẽra, ichi ak'ɨde wãsidama. Mãɨ awara Lázaro, chi Jesupa chok'ae p'irabaripida sida ak'ɨde wãsidama.

Juan 12:12

Norema chok'ará ẽpẽerã arapaapataɨ ewari oodai k'orea Jerusalenea chedaadapa k'awasidama Jesú Jerusalenea cherut'a.