Juan 11:53 - Tachi Ak'õre Pedea

⁵³ Mãɨya mãɨ ewaridepa pedea ausidama Jesú peadai k'orea.

Juan 11:53 Referans Kwoze

Hecho 9:23

Ewari minachia padak'ari judiorã Damasco p'uurudepemarãpa Saulo peadai k'orea pedea ausidama.

Hecho 5:33

Mãɨ ũrisidaɨde chi chõarã minachia k'ĩruunak'ari, chi Jesupa peedaɨrã pea k'ɨ̃ria p'aneesidama.

Juan 12:10

Lázaro chok'ae p'irabarida k'orea judiorã chok'araɨrãpa p'aarerã chi mãɨrã chaarearã itu bɨdak'ari Jesude ĩjãasidama. Mãɨpuru p'aarerã chi mãɨrã chaarearãpa pedea ausidama Lázaro sida peadai k'orea.

Juan 11:47

Mãɨpuru p'ariseorã mãɨnepa p'aarerã chi chaarearãpa ara ãchi paara t'ɨ̃ peedak'ari, pedea ausidama. Nãɨya jarasidama: —Tachia ¿k'ãre oodaima? Mãɨ ẽpẽrapa ne p'ue oodak'apɨ́ minachia oo bɨma.

Marco 14:1

Ewari ume parude judiorãpa Egitodepa wãnana k'ɨ̃risiapataɨ ewari oodai pasima. Mãɨ arapaapataɨ ewaride p'ana ooropiparí newẽa k'opatama. Mãɨne p'aarerã chi mãɨrã chaarearãpa mãɨnepa Moisepa bɨda jarateapataɨrã ome k'ɨ̃risia jɨrɨ p'anasidama Jesú k'ĩup'ea jitadak'ari peapidai k'orea.

Marco 3:6

Ara mãɨne p'ariseorã tajatá wãnak'ari chi Herodedepemarã paara pedea aumaa p'aneesidama, Jesú sãmaasã́ peadai k'orea.

Mateo 26:59

Mãɨne p'aarerã chi mãɨrã chaarearãpa mãɨnepa ãarea chi judiorã chi mãɨrã chaarearãpa ẽpẽerã jɨrɨsidama Jesú k'orea sea k'achia pedeadamẽrá. Ichi nepɨra pará bɨade adak'ari peapidai k'ɨ̃risiasidama.

Mateo 22:46

Mãɨne abaɨ pida Jesua p'ue p'anoonaé pasima. Ara mãmãɨpa abaɨ pida Jesua waa ne ididai k'ɨ̃rianaé pasima.

Mateo 16:21

Mãɨ ewaridepa Jesupa ichi ome p'ɨrrɨapataɨrã́ jarapachima ichi Jerusalene minachia mĩai bɨ. Nãɨya jarasima: —P'uurudepema chaarearã juade, p'aarerã chi mãɨrã chaarearã juade mãɨnepa Moisepa bɨda jarateapataɨrã juade mɨ minachia mĩaipɨ. Mɨ peapidaipɨ maamina ewari ũpeaɨde chok'ae p'irabariipɨ.

Mateo 12:14

Ara mãɨne p'ariseorã tajatá wãnak'ari, pedea aumaa p'aneesidama Jesú peapidai k'orea.

Mateo 26:4

Mãɨne pedea ausidama Jesú k'ĩup'ea jitadak'ari peapidai k'orea.

Juan 7:1

Mãɨya nak'ari Jesú Galilea tuade p'ɨrrɨa nipasima. Judea tuadea wã k'ɨ̃riaé pasima judiorã chi minachia k'awa p'anɨrãpa peadayá oo p'anasi pẽra.