Juan 11:25 - Tachi Ak'õre Pedea

²⁵ Jesupa jarasima: —Mɨa chi piudaadarã chok'ae p'irabaripiparima mãɨnepa chok'ae bapiparima. Parituapa mɨne ĩjãaipɨra, piurumina ewaricha Tachi Ak'õre ome chok'ae baipɨ.

Juan 11:25 Referans Kwoze

1 Tesalonicense 4:14

Maamina tachia Jesú piu bada chok'ae p'irabarisit'a ĩjãa p'anɨma. Mãɨpuru k'awa p'anɨma Jesude ĩjãapataɨrã piudaadarã Tachi Ak'õrepa jõma chok'ae p'irabaripik'ari ichi ome ateewãipɨ.

Juan 3:36

Chi ichi Warrade ĩjãa bɨ Tachi Ak'õre ome ewaricha chok'ae baipɨ, maamina chi ichi Warra itu bɨru, mãɨ Tachi Ak'õre ome ewaricha chok'ae baiwẽma. Ara nãɨena Tachi Ak'õrepa ichi ɨtɨa uru bɨma.

Juan 1:4

Chi pedea apataɨpa ne ãarea chok'ae bapipachima. Ɨnaa bɨ jĩra basima, ẽpẽerã́ ichi k'orea k'awapi bɨ pẽra.

Juan 5:21

Mɨ Ak'õrepa piudaadarã chok'ae p'irabaripik'ari chok'ae bɨpipari jĩra, ara mãɨya mɨ chi Warrapa chi mɨa k'ɨ̃riarut'a chok'ae bapiparima.

Juan 6:44

Abaɨ pida p'ue mɨne ĩjãaiwẽma mɨ Ak'õre, chi mɨ Peedapa ichi mɨmá enemeaepɨra. Maamina mɨ Ak'õrepa mãɨ enemeeipɨra nãɨ jõru ewaride mãɨ ẽpẽra mɨa chok'ae p'irabaripiipɨ.

Romano 8:2

Ichidepa Tachi Ak'õre Jaorepa tachi chok'ae bapida pẽra, tachi nemietaadepema, piudai pada pari ãjã́ bɨsima.

Juan 6:35

Jesupa jarasima: —Mãɨ Mɨpɨ. Mɨ mãɨ chok'ae bapiparí p'anapɨ. Mãɨpuru chi mɨmá cheru waa jarrapisia baiwẽma mãɨnepa chi mɨne ĩjãa bɨt'a waa opisia baiwẽma.

Apocalipsi 21:4

Ãchi tauba ichia ãarea p'oapiipɨ. Jõma naena bada jõna pẽra waa piudaiwẽma, waa jẽanaiwẽma, waa sõk'achiadaiwẽma mãɨnepa waa sõp'uadaiwẽma».

P'ilipense 3:10

Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma.

Apocalipsi 20:5

Mãɨ chok'ae p'irabaridada Tachi Ak'õrepa naa chok'ae p'irabaripida pasima. Waapẽarã piudarã chok'ae p'irabaridaé pasima aba mil ãyo jõrunea.

Hecho 3:15

Mãɨya mãrapa chi tachi Chok'ae Bapiparí peasidama. Maamina Tachi Ak'õrepa ichi piu bada chok'ae p'irabaripisima. Mãɨ chok'ae p'irabaridat'a taipa unusidama.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 5:26

Mɨ Ak'õrepa chok'ae bapipari jĩra, mɨa ara mãɨya chok'ae bapiparima ichia mãɨya bɨda pẽra.

Apocalipsi 22:17

Tachi Ak'õre Jaorepa mãɨnepa chi Oveja Chak'e k'ima atai bɨ pida nãɨya jara p'anɨma: «¡Chese!» Chi mãɨ ũri bɨpa jarai bɨma: «¡Chese!» Chi opisia bɨ chei bɨma, chi pania tachi chok'ae p'anapiparí tomẽrá. Chi mãɨ pania to k'ɨ̃ria bɨpa pari toi bɨma.

Juan 14:19

Tãaraawẽa bɨde nãɨ ĩjũanepemarãpa mɨ waa ununaiwẽma maamina mãrapa mɨ ununaipɨ. Mɨ chok'ae bɨẽra, mãra sida chok'ae p'ananaipɨ.

P'ilipense 1:23

Mãɨ jarait'a chaarea bɨma, umenepemarã chi sãɨ atepe pia bɨt'a. Mɨmá pia bɨma piuit'a, Cristo ome bai k'orea.

Apocalipsi 22:1

Mãɨya nak'ari Tachi Ak'õrepa ɨt'aripa peedapa to p'ap'ãrá bɨt'a mɨá unupisima. Tot'á basima vidrio jĩra. Mãɨ paniapa tachi chok'ae p'anapiparima. Tachi Ak'õre mãɨnepa chi Oveja Chak'e suak'a beeparí auk'ará bɨdepa mãɨ to p'uurudepema o jet'ea bɨ esa wea bɨma. To ik'idacha pak'uru nejõ tachi chok'ae p'anapiparí basima. Mãɨ pak'uru jedek'ocha chaupari pẽra, ãyone bari k'ak'o doce teaparima. Chi k'irú nẽará jĩra bɨma, tuachadepemarã k'ak'ua pia p'ananamẽrá.

2 Corintio 4:14

Tachi Ak'õrepa Tachi Chipari Jesú chok'ae p'irabaripisima mãɨnepa taipa k'awa p'anɨma tai sida Jesú jĩra chok'ae p'irabaripiit'a. Maapae tai mãra ome ará ichi k'ĩrari bɨipɨ.

Romano 4:17

Tachi Ak'õre pedeade nãɨya bɨ bɨma: «Mɨa pɨ bɨsima chok'ará p'uuru be ak'õre bamẽrá». Piarã Tachi Ak'õre k'ĩrari Abrahán jõma tachi, chi Tachi Ak'õrene ĩjãa berã ak'õrepɨ. Abrahanpa ĩjãa basima chi piudada chok'ae p'irabaripiparí mãɨnepa chi nenea bɨdepa ne ooparí Tachi Ak'õrene.

Luca 23:43

Mãɨ k'orea Jesupa ichiá jarasima: —Mɨa piarã jararuma: pɨ naane mɨ ome pajãne baipɨ.

1 Corintio 15:29

Piudada chok'ae p'irabaridawẽpɨra, ¿k'ãre k'orea chi eda mãraneenepemarã piudada pari porochoa p'anɨma? Tachi Ak'õrepa piudada chok'ae p'irabaripiiwẽpɨra, ¿k'ãre k'orea chi piudada pari porochoa p'anɨma?

1 Corintio 15:18

Mãɨyara jõma Cristode ĩjãapataɨrã piudada atuasidama.

Juan 3:16

»Tachi Ak'õrepa ẽpẽerã minachia k'ɨ̃ria bɨ pẽra ichi Warra aba bɨt'a nãɨ ĩjũanea peesima jõma ichide ĩjãauta atuapidaemaapa, mãɨpari ichi ome ewaricha chok'ae p'ananamẽrá.

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.