Juan 10:28 - Tachi Ak'õre Pedea

²⁸ Mɨa ãchi Tachi Ak'õre ome ewaricha chok'ae bapiparima. Ãchi atuadaiwẽma mãɨnepa mi ãpia pida mɨ juadepema p'ue ẽemarinaiwẽma.

Juan 10:28 Referans Kwoze

Juan 6:37

Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

Juan 18:9

Mãɨya jarasima ichia naena jarada pẽra: «Ak'õre, pɨa mɨá teadaɨrã aba pida atuaiwẽma». Ichia jarada jĩra piarã mãɨyasima.

P'ilipense 1:6

Mɨa nãɨ piarã k'awa bɨma: Tachi Ak'õrepa mãra sõne pia ooda, pia oopodoipɨ aba Jesucristo cherudea. Mãɨne ichia mãra jõma pia ua baipɨ.

1 Juan 2:25

Mãɨya ará p'anɨpɨra, Cristopa tachiá piarãpẽa jarasima ewaricha Tachi Ak'õre ome chok'ae p'ananait'a.

Juan 4:14

Maamina chi mɨa tea bɨ pania torut'a waa opisia baiwẽma. Chi mɨa tea bɨ pania ichide ewaricha wea baipɨ mãɨnepa Tachi Ak'õre ome ewaricha ichi chok'ae baipɨ.

Romano 8:1

Naapae tachi Cristo Jesú ome p'anɨ pẽra nepɨra mi ãpia pida pará p'anɨane a bɨwẽma.

Juda 1:24

Tachi Ak'õrepa mãra p'ue pia ak'ɨipɨ nemietaade baepidaemaapa. Ichi k'ĩrawãrea bɨ k'ĩrari nemietaawẽa p'ue pia bɨipɨ. Mãma minachia arapá p'ananaipɨ.

Juan 17:2

Pɨa ẽpẽerã ãarea mɨ juade bɨsima, mɨa ãchi ewaricha chok'ae bapimẽrá.

Juan 5:24

»Mɨa piarã jararuma: abaɨpa mɨ pedea ũrik'ari mɨ Peeda ĩjãaipɨra, mãɨ ẽpẽra ichi ome ewaricha chok'ae baipɨ. Tachi Ak'õrepa ichi ɨtɨaiwẽma. Piarã mãɨ ẽpẽra piu bada chok'ae bɨma.

1 Juan 2:19

Ãchi tachi ome p'anana wãsidama, maamina piarã tachidepemawẽ pasima. Piarã tachidepema padapara, tachi ome wapida ará p'ananai pasima. Maamina mãɨyasima pia k'awadamẽrá jõmãɨrã tachidepemawẽt'a.

1 Juan 5:11

Tachi Ak'õrepa jara bɨ nãɨpɨ: ichi Warradepa tachi ewaricha ichi ome chok'ae p'anapiipɨ.

Juda 1:21

Tachi Ak'õrepa tachi k'ɨ̃ria bɨdepa nipat'ɨ. Tachi Chipari Jesucristopa k'ĩra chupuria bɨdepa ewaricha chok'ae bapiit'a nɨ p'anat'ɨ.

1 Pedro 1:5

Jesucristode ĩjãa p'anɨ pẽra Tachi Ak'õrepa ichi jua chaareadepa mãra ak'ɨ uru baipɨ aba chi k'aadeapema ewaride k'ariparudea.

Juan 11:25

Jesupa jarasima: —Mɨa chi piudaadarã chok'ae p'irabaripiparima mãɨnepa chok'ae bapiparima. Parituapa mɨne ĩjãaipɨra, piurumina ewaricha Tachi Ak'õre ome chok'ae baipɨ.

Juda 1:1

Mɨ Judapɨ, Jacobo ũpẽapɨ mãɨnepa Jesucristo pae pari mimiaparipɨ. Nãɨ k'art'a bɨruma ãarea Tachi Pajãnepema Ak'õrepa t'ɨ̃naɨrã pae. Ichia mãra k'ɨ̃ria bɨma mãɨnepa Jesucristodepa ak'ɨ uru bɨma.

2 Tesalonicense 2:13

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Tachi Chiparipa mãra k'ɨ̃ria bɨma. Ichia jua chiwidieda mãra jɨrɨ atasima k'aripai k'orea. Mãrapa ichi piarã pedea ĩjãa p'anɨ pẽra mãɨnepa ichi Jaorepa mãra ichi pae pia bɨda pẽra k'aripaipɨ.

Juan 3:36

Chi ichi Warrade ĩjãa bɨ Tachi Ak'õre ome ewaricha chok'ae baipɨ, maamina chi ichi Warra itu bɨru, mãɨ Tachi Ak'õre ome ewaricha chok'ae baiwẽma. Ara nãɨena Tachi Ak'õrepa ichi ɨtɨa uru bɨma.

2 Timoteo 1:12

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

Romano 5:21

Piarã ẽpẽrarãpa nemietá oopata pẽra piupatama. Maamina Tachi Ak'õrepa ichi sõpiadepa ẽpẽrarã chi ichidirã jĩp'a berã paara bɨparima Tachi Chipari Jesucristodepa ewaricha ichi ome chok'ae p'ananamẽrá.

1 Timoteo 1:16

Maamina mãɨ k'orea Tachi Ak'õrepa mɨ k'ĩra chupuriasima. Mãɨya Jesucristopa mɨ, chi k'achia badadepema unupisima ichia ãarea pia choa bɨt'a. Mɨnepa chi wapida ĩjãanak'apɨɨrã́ k'awapisima sãmaasã́ ẽpẽra k'achia k'ĩra chupuriaparit'a ewaricha chok'ae p'aneenamẽrá.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

Romano 5:17

Piarã ẽpẽra aba bɨpa nemietá oodadepa jõmãɨrã piupatama. Maamina abaɨ ẽpẽra Jesucristodepa, mãɨ Adanpa ooda k'aepẽra ewaricha ichi ome minachia k'awa p'anɨrã jĩra p'ananaipɨ. Ichidepa Tachi Ak'õrepa ne mi ãpia pida teapade awẽa basima mãɨnepa ichi sõpiadepa minachia k'aripak'ari, ẽpẽrarã nepɨra newẽa p'anɨane aparima.

Romano 5:2

Mãɨ awara Jesucristode ĩjãa p'anɨ pẽra Tachi Ak'õrepa ichi sõpiadepa tachi ewaricha k'aripaparima. Mãɨnepa arapá p'anɨma k'awa p'anɨ pẽra Tachi Ak'õre pia bɨdepema jitadait'a.

Hecho 7:59

Mawarapa bat'a p'anɨne Estebanpa Tachi Ak'õrea nãɨya ɨt'aa chiidisima: «Mɨ Chipari Jesú, mɨ jaore ateewãse».

Juan 14:19

Tãaraawẽa bɨde nãɨ ĩjũanepemarãpa mɨ waa ununaiwẽma maamina mãrapa mɨ ununaipɨ. Mɨ chok'ae bɨẽra, mãra sida chok'ae p'ananaipɨ.

Juan 6:47

»Mɨa piarã jararuma: ẽpẽrapa mɨne ĩjãaipɨra Tachi Ak'õre ome ewaricha chok'ae baipɨ.

Juan 6:27

Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.

Romano 5:9

Cristo oa ãrinanepa Tachi Ak'õrepa tachi chi ichidirã jĩp'a berã paara bɨparima. Mãɨpuru Cristodepa Tachi Ak'õrepa tachi ɨtɨai pada piarã k'aripaipɨ.

Juan 6:68

Simón Pedropa p'anoosima: —Tai Chipari, tai ¿k'aimá wãnaima? Aba pɨapuru taiyá jarateaparima Tachi Ak'õre ome ewaricha chok'ae p'ananamẽrá.

Luca 23:46

Ara mãɨne Jesupa jĩk'ua biasima: —Ak'õre, mɨ jaore pɨ juade bɨruma. Mãɨya jarak'ari k'ĩrawẽasima.

Marco 13:22

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽerãpa ne p'ue oodak'apɨ́ waibɨa be oodaipɨ ẽpẽerã seadai k'orea. Tachi Ak'õrepa jɨrɨ atadaɨrã p'ue seadaipara, ãchi sida seadai pasima.

Juan 10:29

Mɨ Ak'õrepa ãchi mɨá teasima. Ichi ãareaɨrã k'aepẽra chi choma bɨma. Abaɨ pida ãchi mɨ Ak'õre juadepema p'ue ẽemarinaiwẽma.

1 Juan 1:2

Mãɨ chok'ae bapiparí Tachi Ak'õrepa nãɨ ĩjũane unupisima. Taipa ichi unusida pẽra ichi k'orea piarã pedea p'anɨma. Taipa mãrá jara p'anɨma mãɨ chi ewaricha chok'ae bapiparit'a. Jua chiwidieda ichi Tachi Pajãnepema Ak'õre ome pajãne bapachima. Ichi pajãne bada Tachi Ak'õrepa taiyá nãɨ ĩjũane unupisima.