Juan 10:2 - Tachi Ak'õre Pedea

² Maamina chi k'ãipataɨde eda wãpataɨmá eda wãparit'a chi oveja ak'ɨparipɨ.

Juan 10:2 Referans Kwoze

Juan 10:14

»Mɨ oveja ak'ɨpari chi pia bɨpɨ. Mɨchidirã k'awa bɨma chi oveja ak'ɨparipa ichi oveja k'awa bɨ jĩra. Mãɨnepa mɨchidirãpa mɨ k'awa p'anɨma.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

1 Pedro 5:4

Maapae Cristo tachi Ak'ɨparí chi Atepe bɨ cherude mãra chi atepe k'awa p'anɨrã bɨipɨ poro jũra jɨ̃parí jõk'apɨ́ tearu jĩra.

Hebreo 13:20

Tachi Chipari Jesucristo chi Oveja Ak'ɨparí chi Minachia Bɨpɨ. Tachi Ak'õrepa chi tachi ne k'ɨ̃risiawẽa p'anapiparí ichi piu badadepa chok'ae p'irabaripisima. Jesucristo oadepa Tachi Ak'õre ẽpẽrarã ome pedea ausidama. Mãɨ ewaricha baipɨ.

1 Timoteo 4:14

Tachi Ak'õrepa pɨá oopi bɨ teada k'ɨ̃risia atuarãse. Ũpẽarã ak'ɨpataɨrãpa ãchi jua pɨ ɨ̃rɨ bɨsidaɨde Tachi Ak'õrenepa jarasidama ichia mãɨ tearut'a.

Juan 10:9

»Mɨ chi eda wãpataɨpɨ. Chi mɨnepa eda wãru nemietaadepema k'aripaipɨ. Ne k'ɨ̃risiawẽa baipɨ, mãɨ ichia newẽa bɨ Tachi Ak'õrepa teai pẽra.

Juan 10:7

Mãɨpuru Jesupa nãɨya jarasima: «Mɨa piarã jararuma, chi oveja eda wãpataɨ mɨpɨ.

Apocalipsi 1:20

Mɨa k'awapiipɨ pɨa ununa siete k'ãk'ãi mɨ juaraari uru bɨpa k'ãre jara bɨt'a mãɨnepa mãɨ siete ĩpira nee oodapa k'ãre jara bɨt'a. Mãɨ siete k'ãk'ãipa jara bɨma Tachi Ak'õrepa ɨt'aripa peedaɨrã siete p'anɨt'a. Mãɨ siete p'anɨpa chi ũpẽarã siete p'uuru ak'ɨ uru p'anapatama. Ãchicha mãɨ ũpẽarã p'uurudepemarã ak'ɨ uru p'anapatama. Chi ĩpira siete p'anɨpa jara bɨma chi siete p'uurudepemarã ũpẽarã.

1 Pedro 2:25

Mãra naena oveja atua nipada jĩra nipapachidama, maamina naapae Cristomá jĩitea chesidama. Ichia mãra ak'ɨ bɨma oveja ak'ɨparipa ichi oveja ak'ɨpari jĩra.

Tito 1:5

Mɨa pɨ p'usa estaik'a ĩjũa bɨ Creta apataɨde ameesima tachia oodai p'anana jõma oomẽrá. Mɨa jarada jĩra ĩjãapataɨrã ak'ɨpataɨrã chõarã p'uurucha bɨk'oase.

Mateo 15:11

Tachia chik'o k'odada k'orea tachi mietá p'aneenak'ama Tachi Ak'õre k'ĩrari. Mãɨpari tachi it'aedepa pedea bɨpa Tachi Ak'õre k'ĩrari mietá bɨparima.