Juan 10:16 - Tachi Ak'õre Pedea

¹⁶ Mɨa uru bɨma waapẽarã oveja nãɨ k'ãipataɨde p'anɨwẽ. Mãɨrã sida mɨa eda ateewãipɨ. Ãchia mɨ pedea ĩjãanaipɨ. Mãɨya ãareaɨrã ará p'ananaipɨ. Mãɨne ãchi ak'ɨparí aba bɨ baipɨ.

Juan 10:16 Referans Kwoze

1 Pedro 2:25

Mãra naena oveja atua nipada jĩra nipapachidama, maamina naapae Cristomá jĩitea chesidama. Ichia mãra ak'ɨ bɨma oveja ak'ɨparipa ichi oveja ak'ɨpari jĩra.

Juan 11:52

Maamina abapuru judiorã k'orea piuiwẽ pasima, mãɨpari ãarea Tachi Ak'õre warrarã nãɨ ĩjũane awara awará be p'uuru aba bɨi k'orea.

Juan 6:37

Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma.

Juan 10:27

Mɨ ovejarãpa mɨ pedea k'awa p'anɨma. Mɨa ãchi k'awa bɨma. Mãɨpuru ãchi mɨ k'aade wãpatama.

Juan 10:11

»Mɨ oveja ak'ɨparí chi pia bɨpɨ. Chi oveja ak'ɨparí pia ichi oveja k'orea piui bɨma.

Apocalipsi 3:20

¡Ũrit'ɨ! Mɨ tede eda wãpataɨde bɨma. Awaraɨdepa t'ɨ̃ bɨma mãrapa ewadak'ari mɨ itu eda wãpidamẽrá. Parituapa mɨ pedea ũrik'ari chi eda wãpataɨ ewaipɨra, mɨ eda wãk'ari ichi ome nek'oipɨ.

1 Pedro 2:10

Naena mãra Tachi Ak'õre p'uuruwẽ pasima, maamina naapae Tachi Ak'õre p'uurupɨ. Naena Tachi Ak'õrepa mãra k'ĩra chupuriawẽa basima, maamina naapae k'ĩra chupuria bɨma.

2 Tesalonicense 2:13

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Tachi Chiparipa mãra k'ɨ̃ria bɨma. Ichia jua chiwidieda mãra jɨrɨ atasima k'aripai k'orea. Mãrapa ichi piarã pedea ĩjãa p'anɨ pẽra mãɨnepa ichi Jaorepa mãra ichi pae pia bɨda pẽra k'aripaipɨ.

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

Hecho 22:14

Maapae Ananiapa jarasima: “Tachi Ak'õre tachi chõarãenapema ome badapa pɨ jɨrɨ atasima ichia k'ɨ̃ria bɨt'a k'awamẽrá, chi Jĩp'a Bɨt'a unumẽrá mãɨnepa ichia pedearut'a ũrimẽrá.

Hecho 18:10

Mɨ pɨ ome bɨma. Abaɨ pida pɨ p'ue piawẽa ooiwẽma, mɨa ẽpẽerã minachia nãɨ p'uurude uru bɨ pẽra».

Hecho 15:14

Simonpa tachiá nepɨrɨsima Tachi Ak'õrepa chi judiorãwẽ k'orea k'ɨ̃risia bɨdepa naapae ãchi jɨrɨ atasit'a ichi p'uuru padamẽrá.

Hebreo 13:20

Tachi Chipari Jesucristo chi Oveja Ak'ɨparí chi Minachia Bɨpɨ. Tachi Ak'õrepa chi tachi ne k'ɨ̃risiawẽa p'anapiparí ichi piu badadepa chok'ae p'irabaripisima. Jesucristo oadepa Tachi Ak'õre ẽpẽrarã ome pedea ausidama. Mãɨ ewaricha baipɨ.

Juan 10:2

Maamina chi k'ãipataɨde eda wãpataɨmá eda wãparit'a chi oveja ak'ɨparipɨ.

1 Pedro 5:4

Maapae Cristo tachi Ak'ɨparí chi Atepe bɨ cherude mãra chi atepe k'awa p'anɨrã bɨipɨ poro jũra jɨ̃parí jõk'apɨ́ tearu jĩra.

Juan 10:3

Mãɨ pae k'ãipataɨ ak'ɨparipa chi eda wãpataɨ ewaparima. Ovejapa ãchi ak'ɨparí pedea k'awa p'anɨma. Ãchicha t'ɨ̃k'oak'ari tajatá ateewãparima.

Juan 10:4

Jõma tajatá ateewãk'ari ãchi naa wãparima. Oveja ichi k'aade wãpatama ichi pedea k'awa p'anɨ pẽra.

Juan 10:5

Maamina ãchia chi ununak'at'a k'aade wãnak'ama, mãɨpari mĩrupatama mãɨ pedea atua p'anɨ pẽra».

Juan 17:20

»Mɨa abapuru ãchi k'orea ɨt'aa chiidi bɨwẽma. Mãɨpari ãchia mɨ pedea jarautade mɨne ĩjãauta k'orea pida idi bɨma.

Romano 11:25

Ũpẽarã, mɨa k'ɨ̃ria bɨma Tachi Ak'õrepa naena k'awapiwẽa bada mãrapa k'awadait'a. Mãɨya judiorã k'aepẽra pia be k'ɨ̃risiadaiwẽma. Tachi Ak'õrepa naena k'awapiwẽa bada nãɨpɨ: chok'ará judiorã k'ɨɨrɨwẽa p'aneesidama mãɨnepa mãɨya p'aneenaipɨ aba jõma chi Cristode ĩjãanai p'anɨ judiorãwẽpa ĩjãautadea.

Luca 15:8

»Wẽrapa erreara tau diez uru badadepema aba atuaipɨra, ¿ĩpira k'oak'ari ichi tejãne parrek'ari pia jɨrɨiwẽk'ãra aba chi erreara tau unurunea?