Juan 1:45 - Tachi Ak'õre Pedea

⁴⁵ Mãɨne P'elipepa Natanael jɨrɨde wãsima. Unuk'ari jarasima: —Taipa chi ẽpẽra k'orea Moisepa bɨdade eda jara bɨt'a unusidama. Tachi Ak'õre pari pedeapataɨrãpa ichi k'orea bɨsidama. José warra, Jesú Nazaredepemapɨ.

Juan 1:45 Referans Kwoze

Luca 24:27

Maapae Tachi Ak'õre k'art'ade ichi k'orea bɨdada ãarea k'awa jarasima. Moisepa bɨda mãɨnepa Tachi Ak'õre pari pedeapataɨrãpa bɨdada ãarea k'awa jarasima.

Mateo 2:23

Mãma Nazaré p'uuru apataɨde beesima. Mãɨyasima Tachi Ak'õre pari pedeapataɨrãpa mãɨya jaradada jĩra: “Ichi Nazaredepemaane adaima”.

Luca 24:44

Mãɨya bak'ari ãchiá jarasima: —Mɨ wapida mãra ome baside jara bapachima mɨ k'orea naa bɨdada jõma mãɨyai bɨ. Mãɨ Moisepa bɨsima, Tachi Ak'õre pari pedeapataɨrãpa bɨsidama, mãɨnepa Salmo k'art'ade pida bɨ bɨma.

Luca 4:22

Jõmãɨrãpa ichi k'orea pia pedeasidama. Ichia pia jaratea bɨ k'orea k'awa k'ɨ̃risiadaé pasima. Ara ãchi tuaba jara tuanasidama: —¿Ichi José warra jãɨya bɨwẽk'ãra?

Juan 18:7

Maapae Jesupa mãicha idisima: —¿K'ai jɨrɨ p'anɨma? Ãchia mãicha p'anoosidama: —Jesú Nazaredepema.

Marco 6:3

¿Ichia pak'urudepa ne ook'oapariwẽk'ãra? ¿María warrawẽk'ãra? ¿Ichi ũpẽarã Santiago, José, Juda mãɨnepa Simonwẽk'ãra? ¿Ichi ũpẽawẽrarã sida tachi t'ãena p'anɨwẽk'ãra? Ãchia Jesude ĩjãanai k'ɨ̃rianaé pasima.

Mateo 21:11

Idiutacha Jesú ome chedaadarãpa p'anoopachidama: —Jãɨ Jesupɨ, Tachi Ak'õre pari pedeaparipɨ. Ichi Nazaré p'uurudepemama, mãɨnepa Galilea tuadepemama.

Hecho 22:8

Mɨa idisima: “Mɨ chipari, ¿pɨ k'aima?” Ichia p'anoosima: “Mɨ Jesú Nazaredepemapɨ, chi pɨa ẽp'ẽ bɨpɨ”.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Juan 21:2

Mãɨ ewaride ará p'anasidama Simón Pedro, Tomá ichi ɨ̃ana t'ɨ̃ Mikisu apataɨ, Natanael Galileade bɨ p'uuru Caná p'uurudepema, Zebedeo warrarã mãɨnepa waapẽarã ume.

Luca 2:4

Mãɨ ewaride José Galilea tuade Nazaré p'uurude bapachima. Ichi Davidepa cheda pẽra Judea tuade Belén p'uurudea wãsima. Belén Daví t'õna p'uuru pasima.

Marco 14:67

Mãɨ wẽrapa ichi t'ɨpɨ k'ãmaa bɨt'a unusima. Ak'ɨ nɨbeek'ari jarasima: —Pɨ sida Jesú Nazaredepema ome p'ɨrrɨa basima.

Mateo 13:55

¿Ichi tachi p'uurudepema pak'urudepa ne ook'oaparí warrawẽk'ãra? Ichi nae ¿Mariawẽk'ãra? Ichi ũpẽarã ¿Santiago, José, Simón mãɨnepa Judawẽk'ãra?

Hecho 26:9

—Mɨa naena k'ɨ̃risia basima ne ãarea ooi bɨt'a ẽpẽerãpa Jesú Nazaredepema ĩjãapidaemaapa.

Hecho 3:6

Maamina Pedropa jarasima: —Mɨa erreara wa nee newẽma, maamina chi mɨa uru bɨt'a pɨá teaipɨ: ¡Jesucristo Nazaredepema t'ɨ̃nepa p'irabarik'ari pɨ nipade wãse!

Hecho 2:22

»Israeldepemarã, nãɨ pedea ũrit'ɨ: Tachi Ak'õrepa Jesú Nazaredepemá ẽpẽerãpa ne p'ue oodak'apɨɨrã mãra t'ãena oopik'oasima. Mãɨya oo bɨdepa Jesupa k'awapisima Tachi Ak'õre ichi ome bɨt'a, ara mãrapa pia k'awa p'anɨ jĩra.

Juan 19:19

Mãɨ awara Pilatopa pak'uru p'ep'edea Jesú poro nok'oari bɨpisima. Mãɨne nãɨya bɨpisima: «Jesú Nazaredepema, judiorã Poro Jũra Jɨ̃parí Jɨ̃ Bɨpɨ».

Juan 18:5

Ãchia p'anoosidama: —Jesú Nazaredepema. Jesupa jarasima: —Mɨpɨ. Mãɨne Juda, chi Jesú jitapii bɨ ãchi ome basima.

Juan 6:42

Nãɨya jarasidama: —¿Nãɨ Jesú, José warrawẽk'ãra? Chi ak'õre mãɨnepa chi nae tachia unupatama. ¿K'ãre k'orea ichi ɨt'aripa chesiade a bɨma?

Luca 3:23

Jesupa jaratea beeside treinta ãyo bɨ jĩra basima. Ẽpẽrarãmá ichi José warra pasima. José Eli warra pasima.

Mateo 10:3

P'elipe; Bartolomé; Tomá; Romanepema pae erreara jɨrɨp'eparí pada Mateo; Alp'eo warra Santiago; Tadeo;

Luca 2:48

Ichi ak'õre mãɨnepa chi naepa ichi unusidaɨde k'awa k'ɨ̃risiadaé pasima. Chi naepa ichiá idisima: —Warra, ¿pɨa k'ãre k'orea jãɨya oosima? ¿K'ãre k'orea nãma beesima? Minachia sõp'ua k'ɨ̃risia p'anɨpa mɨa, pɨ ak'õre pida pɨ jɨrɨ p'anasidama.

Juan 1:44

Mãɨ P'elipe Betsaida p'uurudepema pasima. André mãɨnepa Pedro mãmapema pasima.

Juan 6:5

Mãɨne Jesupa ẽpẽerã chok'ará k'aade cheuta unuk'ari, P'elipea nãɨya jarasima: —¿Sãma p'ana atadaima nãɨrã́ nek'opidai k'orea?

Juan 6:7

P'elipepa p'anoosima: —Mi jedek'o k'ak'o 8 mimiana erreara tau deepida, mãɨ jitadadepa mi ãpia pida ara baiwẽa bɨma, nãɨ ẽpẽerã́ mi ãpĩipiapida nek'opidayá.

Juan 12:21

Mãɨrã chi P'elipemá wãsidama. Mãɨ P'elipe Galilea tuade bɨ Betsaida p'uurudepema pasima. Ãchia P'elipea jarasidama: —Taipa Jesú unu k'ɨ̃ria p'anɨma.

Juan 14:8

Mãɨne P'elipepa ichiá jarasima: —Tai Chipari, Tachi Ak'õre taiyá unupise. Ara mãɨpa ara bɨma.

Luca 18:37

Mãɨne waapẽarãpa jarasidama: —Jesú Nazaredepema cheru pẽra jãɨya ooroa p'anɨma.