Juan 1:16 - Tachi Ak'õre Pedea

¹⁶ Ichi minachia k'awa bɨdepa, sõpiadepa tachi k'aripa basima mãɨnepa sõpiadepa tachi k'aripa bɨma.

Juan 1:16 Referans Kwoze

Colosense 1:19

Tachi Ak'õrepa k'ɨ̃riasima Cristo ara ichi jĩra bait'a.

Romano 5:2

Mãɨ awara Jesucristode ĩjãa p'anɨ pẽra Tachi Ak'õrepa ichi sõpiadepa tachi ewaricha k'aripaparima. Mãɨnepa arapá p'anɨma k'awa p'anɨ pẽra Tachi Ak'õre pia bɨdepema jitadait'a.

Ep'esio 3:19

Ara tachi k'ɨ̃risiadepa p'ue k'awadak'amina mɨa ɨt'aa chiidi bɨma mãrapa mãɨ k'awadamẽrá. K'awasidara ne ãareaɨne Tachi Ak'õre jĩra p'ananaipɨ.

Ep'esio 1:23

Ẽpẽrarã Cristoderã ara ichi k'ak'uapɨ. Ãchi ne ãareaɨne ichidepa p'anɨma, mãɨnepa nejõma ichidepa bɨma.

Romano 5:17

Piarã ẽpẽra aba bɨpa nemietá oodadepa jõmãɨrã piupatama. Maamina abaɨ ẽpẽra Jesucristodepa, mãɨ Adanpa ooda k'aepẽra ewaricha ichi ome minachia k'awa p'anɨrã jĩra p'ananaipɨ. Ichidepa Tachi Ak'õrepa ne mi ãpia pida teapade awẽa basima mãɨnepa ichi sõpiadepa minachia k'aripak'ari, ẽpẽrarã nepɨra newẽa p'anɨane aparima.

Juan 3:34

Tachi Ak'õrepa peedapa Tachi Ak'õre pedea pedeaparima, Tachi Ak'õrepa ichi Jaore wãak'awẽa teada pẽra.

1 Pedro 1:2

Tachi Pajãnepema Ak'õrepa mãra jɨrɨ atasima ichia naenaena k'ɨ̃risia bada jĩra. Tachi Ak'õre Jaorepa mãra ichi pae bɨsima Jesucristode ĩjãanamẽrá mãɨnepa ichi oadepa Tachi Ak'õre k'ĩrari nemietá newẽa p'ananamẽrá. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a.

Mateo 13:12

Abaɨpa Tachi Ak'õre k'orea piarã k'awaipɨra, Tachi Ak'õrepa mãɨ atepe k'awapiipɨ. Maamina chi atua bɨpa ne k'awa bɨ k'ɨ̃risiaipɨra, ichia k'ɨ̃risia bɨ sida Tachi Ak'õrepa mãɨ ẽemariipɨ.

Colosense 2:3

Ichiapuru Tachi Ak'õre k'ɨ̃risiat'a k'ɨ̃risiapiipɨ mãɨnepa ne minachia k'awapiipɨ. Mãɨ k'ɨ̃risiat'a mãɨnepa ne k'awa p'anɨt'a minachia pia p'anɨma.

Romano 8:9

Maamina Tachi Ak'õre Jaore piarã mãra sõne bɨ pẽra, ichidepa nipapatama. Nãɨ k'ak'uapa oo k'ɨ̃ria bɨdepa nipadak'ama. Piarã chi Cristo Jaore nea bɨt'a Cristodewẽma.

Luca 21:15

Mɨapuru mãrá k'ɨ̃risia teaipɨ pia pedeadamẽrá. Mãɨpuru mãrapa jarautat'a mãra unuemaa p'anɨpa mi ãpia pida p'ue k'achia pedeadaiwẽma.

Mateo 3:14

Maamina Juanpa porochoaemaapa jarasima: —Pɨapuru mɨ porochoai pia bɨma. ¿K'ãre k'orea pɨ mɨmá cheruma?

Mateo 3:11

»Mɨa mãra paniapa porochoaparima unupidamẽrá mãra nemietá oopataɨ itu bɨdaadat'a. Maamina chi mɨ k'aadea cherut'a mɨ k'aepẽra chi minachia atepe k'awa bɨma. Mãɨpuru ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

1 Pedro 1:11

Cristo Jaore ãchi sõne bɨpa pedeapipachima Cristo minachia mĩak'ari Tachi Ak'õrepa pia bɨi k'orea. Mãɨpa pedeak'ari k'awa k'ɨ̃ria p'anasidama k'ai k'orea Cristo Jaorepa ãchiá pedeapisit'a mãɨnepa sãapae jõma mãɨ mãɨyai.

Romano 5:20

Tachi Ak'õrepa Moisea ichi pedea bɨpisima ẽpẽrarãpa k'awadamẽrá nemietá minachia oo p'anɨt'a. Maamina ẽpẽrarãpa nemietá minachia oosidaɨde Tachi Ak'õrepa ichi sõpiadepa pia k'ĩra chupuriasima.