Juan 1:12 - Tachi Ak'õre Pedea

¹² Maamina chi ichi jitadaadarãpa ichide ĩjãasidama. Mãɨpuru ichia ãchi bɨsima Tachi Ak'õre warrarã p'ananamẽrá.

Juan 1:12 Referans Kwoze

Gálata 3:26

Jesucristode ĩjãa p'anɨ pẽra jõma mãra Tachi Ak'õre warrarãpɨ.

Romano 8:14

Jõma Tachi Ak'õre Jaoredepa nipapataɨrã Tachi Ak'õre warrarãpɨ.

1 Juan 3:1

K'ɨ̃risiat'ɨ sãmaasã́ Tachi Pajãnepema Ak'õrepa tachi minachia k'ɨ̃ria bɨt'a. Minachia k'ɨ̃ria bɨ pẽra tachi ichi warrarãane aparima. Piarã tachi ichi warrarãpɨ. Nãɨ ĩjũanepemarãpa mãɨ atua p'anɨma, ichi atua p'anɨ pẽra.

Gálata 4:6

Mãra Tachi Ak'õre warrarã pẽra ichi Warra Jaore peesima mãra sõne bamẽrá. Ichi Jaore tachi sõne bɨpa «¡Mɨ Ak'õre!» aparima, tachi Ichi warrarã k'awadamẽrá.

Juan 3:18

Tachi Ak'õrepa chi ichi Warrade ĩjãa bɨt'a nepɨra pará bɨade a bɨwẽma. Maamina chi ichi Warrade ĩjãawẽa bɨt'a Tachi Ak'õrepa mãɨ nepɨra pará bɨade aparima, ichi Warra aba bɨt'a itu bɨda pẽra.

Colosense 2:6

Mãrapa Tachi Chipari Jesucristode ĩjãanana pẽra ichidepa nipat'ɨ.

Mateo 10:40

»Chi mãrá pia chesidade a bɨpa, mɨá pia chesiade a bɨma. Chi mɨá pia chesiade a bɨpa chi mɨ Peedá pia pedea bɨma.

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Mateo 12:21

Mãɨne p'uuru becha ichi nɨ p'ananaipɨ, ãchi k'aripamẽrá.

1 Juan 3:23

Mãɨ oopi bɨ pedea nãɨpɨ: ichi Warra Jesucristode ĩjãanait'a mãɨnepa chi k'ɨ̃ria p'ananait'a ichia tachiá jarada jĩra.

Hecho 3:16

Ara mãɨ Jesú jua chaareadepa nãɨ ẽpẽra, chi mãrapa unu p'anɨt'a, nãɨ jɨpa beesima. Taipa ĩjãa p'anɨma Jesupa chi k'ɨdade be jɨpa beepiparit'a. Mãɨya ĩjãa p'anɨnepa nãɨ ẽpẽra piarã jɨpa beesima, mãɨ ara machia k'awa p'anɨ jĩra.

Juan 11:52

Maamina abapuru judiorã k'orea piuiwẽ pasima, mãɨpari ãarea Tachi Ak'õre warrarã nãɨ ĩjũane awara awará be p'uuru aba bɨi k'orea.

Juan 1:7

mãɨ ɨnaa bɨ jĩra bɨ k'orea jaramẽrá, ichidepa jõmãɨrãpa mãɨne ĩjãanamẽrá.

Mateo 18:5

Chi mɨne ĩjãa bɨ k'orea nãɨ warra jĩra pia pedea bɨpa, mɨá pida pia pedeaipɨ.

Juan 2:23

Judiorã Egitodepa wãnana k'ɨ̃risiapataɨ ewaride Jesú Jerusalene basima. Mãɨne minachia ẽpẽerãpa ne p'ue oodak'apɨ́ ichia ooside chok'araɨrãpa ichide ĩjãasidama.

Juan 1:11

Pajãnepa ichi tuadepemarãmá chesima. Ya ãchia ichi jitadaé pasima.

Romano 8:16

Tachi sõne Tachi Ak'õre Jaorepa k'awapi bɨma piarã Tachi Ak'õre warrarãt'a.

Romano 8:19

Nejõma Tachi Ak'õrepa ook'oada ãarea nɨ p'anɨma ichi warrarã pia p'aneeuta k'orea isapea unupimẽrá,

1 Juan 3:2

Ũpẽarã, tachi Tachi Ak'õre warrarãpɨ. Tachi Ak'õrepa wapida k'awapiwẽa bɨma tachi sãmaasã́ p'ananait'a. Maamina k'awa p'anɨma Cristo cherude ichi jĩra p'ananait'a, mãɨ ewaride ichi sãmaasã́ bɨ ununai pẽra.

1 Juan 3:10

Nãɨnepa tachia k'awa p'anɨma k'airã Tachi Ak'õre warrarã mãɨnepa k'airã tiore warrarã. Chi jĩp'a oowẽa bɨ Tachi Ak'õre warrawẽma. Mãɨnepa chi ichi ũpẽa k'ɨ̃riawẽa bɨ Tachi Ak'õre warrawẽma.