Hecho 9:5 - Tachi Ak'õre Pedea

⁵ Mãɨne Saulopa idisima: —Mɨ chipari, ¿pɨ k'aima? Chi pedeapa p'anoosima: —Mɨ Jesupɨ, chi pɨa ẽp'ẽ bɨpɨ. Chi k'umia bɨmá t'ɨarude, ara pɨchi tuaba p'uaparima.

Hecho 9:5 Referans Kwoze

1 Timoteo 1:13

Naena mɨa ichi k'orea piawẽa pedea bapachima mãɨnepa ichidirã ẽp'ẽ bapachima mĩapii k'orea. Chĩará k'achia pedea bapachima. Ichide waidi ĩjãawẽa bada pẽra mãɨnepa atua bɨdepa mãɨya piawẽa oo bapachima. Maamina ichia mɨ k'ĩra chupuriasima.

Hecho 26:9

—Mɨa naena k'ɨ̃risia basima ne ãarea ooi bɨt'a ẽpẽerãpa Jesú Nazaredepema ĩjãapidaemaapa.

1 Corintio 10:22

Mãɨya oodaipɨra ¿Tachi Chipari k'ĩruupidaiwẽk'ãra? ¿Tachi ichi k'aepẽra jua chaarea p'anɨk'ãra?

Hecho 5:39

Maamina Tachi Ak'õrepa mãɨ oopi bɨpɨra, mãrapa p'uedaiwẽma. Mãɨpuru jĩrak'aua p'anat'ɨ Tachi Ak'õre ome k'ĩruunaemaapa. Gamalielpa jarada ãareaɨrãpa ĩjãasidama.

Hecho 9:4

Mãɨpa Saulo jeeda baepisima. Mãɨne pedea ũrisima. Mãɨ pedeapa jarasima: —Saulo, Saulo, ¿k'ãre k'orea mɨ ẽp'ẽ bɨma?

Hecho 9:6

P'irabarik'ari Damasco p'uurudea wãse. Jãma jaraipɨ pɨa k'ãre ooi bɨt'a.

Hecho 10:14

Maamina Pedropa jarasima: —Mɨa mãɨ k'oiwẽma, mɨ Chipari. Chi taipa nek'odak'apɨ́ wa pɨ k'ĩrari mietá be mɨa ewariaba pida mãɨ k'ok'ama.

Hecho 26:14

Ãarea tai jeeda baesidama. Mãɨne mɨa pedea ũrisima. Mãɨ pedeapa mɨá hebreo pedeade nãɨya jarasima: “Saulo, Saulo, ¿k'ãre k'orea mɨ ẽp'ẽ bɨma? Chi k'umia bɨmá t'ɨarude, ara pɨchi tuaba p'uaparima”.

P'ilipense 3:12

Mɨa jarawẽa bɨma mɨ abaeda mãɨya bɨt'a. Mãɨnepa jarawẽa bɨma mɨ abaeda jĩp'a bɨt'a. Maamina mãɨya bai k'orea mɨ idiapaedepa naa wãruma Jesucristopa mɨ mãɨ k'orea atada pẽra.