Hecho 8:12 - Tachi Ak'õre Pedea

¹² Maamina P'elipepa Jesucristodepa Tachi Ak'õrepa ichidirã ichi juade ua bɨ k'orea ãchiá jaratea bapachima. Mãɨne minachia ɨmɨk'ĩrarãpa mãɨnepa wẽrarãpa chi pedea pia ĩjãanak'ari porochoasidama.

Hecho 8:12 Referans Kwoze

Hecho 2:38

Mãɨne Pedropa p'anoosima: —Machi nemietá oo p'anana itu bɨdak'ari Tachi Ak'õremá chet'ɨ. Jesucristo t'ɨ̃nepa porochoat'ɨ. Mãɨne mãrapa nemietá oo p'anana Tachi Ak'õrepa k'ɨ̃risia atuak'ari ichi Jaore mãrá teaipɨ.

Hecho 1:3

Jesú piuk'ari ara ichi ãchiá bari k'ak'o minachia unupipachima k'awadamẽrá ichi piarã chok'ae p'irabarisit'a. Mãɨne ãchiá jarateapachima ichidepa Tachi Ak'õrepa ichidirã ichi juade ua bɨ k'orea. Ewari k'ak'o cuarenta mãɨya oosima.

Mateo 28:19

Mãɨ k'orea ãarea p'uuru becha wãnak'ari jarateat'ɨ mɨ ome p'ɨrrɨadamẽrá. Ãchi chi Ak'õre t'ɨ̃nepa, chi Warra t'ɨ̃nepa, Tachi Ak'õre Jaore t'ɨ̃nepa porochoat'ɨ.

1 Pedro 3:21

Mãɨ to minachia che bɨt'a idiapae tachi porochoapataɨ k'orea jara bɨma. Porochoautade Jesucristo chok'ae p'irabaridadepa tachi k'aripa bɨma. Porochoarupa tachi k'ak'ua nemietá sɨɨk'ama mãɨpari mãɨya oopatama, tachi k'ɨ̃risia jĩp'a bɨdepa, piarã Tachi Ak'õre ome nipadai k'ɨ̃ria p'anɨ pẽra.

Hecho 2:41

Minachia ẽpẽerãpa ichi pedea ĩjãanak'ari porochoasidama. Mãɨ ewaride chi Jesude ĩjãanana tres mil p'anasidama.

Gálata 3:28

Mãɨ jara bɨma judio griego ome abarik'a p'anɨma, chi chipari pae pari mimiaparí mãɨnepa chi chipari pae pari mimiak'apɨ́ ome abarik'a p'anɨma, mãɨnepa ɨmɨk'ĩra wẽra ome abarik'a p'anɨma. Jõma mãra ẽpẽra aba bɨ jĩra p'anɨma, Jesucristo ome ará p'anɨ pẽra.

Romano 10:10

Piarã chi mãɨpa sõnepa ĩjãaipɨra, chi Tachi Ak'õre taade jĩp'a berã paara baipɨ. It'aedepa Jesú jõmãɨrã Chipariade aipɨra ichia k'aripaipɨ.

1 Corintio 11:11

Maamina Tachi Chiparide ĩjãa p'anɨ pẽra wẽrapa chi ɨmɨk'ĩra k'aripai bɨma mãɨnepa ɨmɨk'ĩrapa chi wẽra k'aripai bɨma.

Hecho 28:31

Ichia wap'eawẽa pedeapachima Tachi Chipari Jesucristodepa Tachi Ak'õrepa ichidirã ichi juade ua bɨ k'orea. Mãɨne abaɨ pida ichiá ne mãɨya oorãpade a jarak'a pasima.

Hecho 20:25

»Tachi Ak'õrepa ichidirã ichi juade ua p'anɨ k'orea mɨa mãɨ mãrá jara bapachima. Maamina naapae k'awa bɨma mãrapa mɨ waa ununaiwẽt'a.

Hecho 20:21

Judiorã́ mãɨnepa judiorãwẽa mɨa jarasima nemietá oopataɨ itu bɨdak'ari Tachi Ak'õremá chedamẽrá mãɨnepa tachi Chipari Jesucristode ĩjãanamẽrá.

Hecho 18:8

Judiorã ará pedeapataɨ tedepema chi chaarea bɨ Crispo apachidama. Mãɨ Crispopa mãɨnepa ãarea ichidirãpa Tachi Chiparide ĩjãasidama. Mãɨ awara minachia Corinto p'uurudepemarãpa ũrisidama Pablopa Jesú k'orea jaratea bɨt'a. Ĩjãanak'ari porochoasidama.

Hecho 11:20

Mãɨya p'anɨne chi eda waapẽarã Jesude ĩjãapataɨrã Chipredepema mãɨnepa Cirene p'uurudepema Antioquiadea p'aneene wãsidama. Mãɨrãpa griegorã́ pida chi pedea pia Tachi Chipari Jesú k'orea jara p'aneesidama.

Hecho 5:14

Mãɨne minachia ɨmɨk'ĩrarãpa mãɨnepa wẽerãpa Tachi Chiparide ĩjãasidama. Mãɨya chi ĩjãapataɨrã waripodosidama.

Luca 9:60

Jesupa ichiá jarasima: —Itu bɨse, chi piudaadapa chi piudada t'ɨbaridamẽrá. Maamina pɨa ẽpẽrarã́ jarade wãse Tachi Ak'õrepa ichidirã ichi juade ua bɨ k'orea.

Luca 9:2

Mãɨne ãchi peesima Tachi Ak'õrepa ichidirã ichi juade ua bai k'orea jarade wãnamẽrá mãɨnepa k'ak'ua piawẽa be jɨpa beepidamẽrá.

Hecho 8:4

Maamina Jerusalenepa mĩruwãnaanapa ãchi wãutacha chi Jesú k'orea pedea pia jarapachidama.

Hecho 19:5

Mãɨ ũrisidaɨde Tachi Chipari Jesú t'ɨ̃nepa porochoasidama.