Hecho 4:2 - Tachi Ak'õre Pedea

² Mãɨne Pedropa Juan pida ẽpẽerã́ jaratea p'anasidama Jesú chok'ae p'irabarida jĩra ẽpẽerã sida chok'ae p'irabaridait'a. Mãɨpuru k'ĩruusidama.

Hecho 4:2 Referans Kwoze

Hecho 17:18

Chi eda waapẽarã ẽpẽerã epicureorã k'ɨ̃risia ĩjãa berã mãɨnepa estoico k'ɨ̃risia ĩjãa berã mãma p'anasidama. Mãɨ ẽpẽerã Pablo ome pedea p'anɨne chi eda waapẽarãpa ara ãchi tuaba idi tuanasidama: «¿K'ãret'a jara bɨma nãɨ chi minachia pedeaparipa?» Awaraɨrãpa p'anoosidama: «Taimá, tua awaraɨdepema Tachi Ak'õre k'orea jaratea bɨma». Mãɨya jarasidama Pablopa chi pedea pia Jesú k'orea mãɨnepa tachi chok'ae p'irabaridai k'orea jaratea bada pẽra.

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

Hecho 13:45

Maamina chi judiorã chaarearãpa ẽpẽerã minachia nɨbɨ ãchi tede unusidaɨde Pablo k'orea sõpiawẽa tuaneesidama. Pablopa jaratea bɨde ãchia seaade apachidama mãɨnepa Pablo k'orea piawẽa pedeapachidama.

1 Corintio 15:23

Cristo naa chok'ae p'irabarisima. Ichi mãicha cherude ichidirã chok'ae p'irabaridaipɨ.

Hecho 26:23

Ãchia jarapachidama Tachi Ak'õrepa Tachi K'aripaparí teai jarada mĩa bai basit'a mãɨnepa chi piudadepema naa chok'ae p'irabarii basit'a, chi tachi k'aripai ɨnaa bɨt'a judiorã́ mãɨnepa judiorãwẽa jarai k'orea.

Hecho 24:21

Abapuru p'ue jaradaipɨ mɨa nãɨya jĩk'ua jarasit'a: “Idi mãrapa mɨ nepɨra pará bɨade a p'anɨma chi piudaadarã chok'ae p'irabaridai mãɨne ĩjãa bɨ k'orea”.

Hecho 19:23

Mãɨ ewaride chi Jesú O k'orea ẽpẽerã minachia k'ĩruupik'asidama.

Hecho 5:17

Chi p'aare minachia k'awa bɨ mãɨnepa saduceorã chi ichi paara p'anana sõk'achia p'aneesidama.

Hecho 3:15

Mãɨya mãrapa chi tachi Chok'ae Bapiparí peasidama. Maamina Tachi Ak'õrepa ichi piu bada chok'ae p'irabaripisima. Mãɨ chok'ae p'irabaridat'a taipa unusidama.