Hecho 3:16 - Tachi Ak'õre Pedea

¹⁶ Ara mãɨ Jesú jua chaareadepa nãɨ ẽpẽra, chi mãrapa unu p'anɨt'a, nãɨ jɨpa beesima. Taipa ĩjãa p'anɨma Jesupa chi k'ɨdade be jɨpa beepiparit'a. Mãɨya ĩjãa p'anɨnepa nãɨ ẽpẽra piarã jɨpa beesima, mãɨ ara machia k'awa p'anɨ jĩra.

Hecho 3:16 Referans Kwoze

Hecho 14:9

chi Pablopa pedea bɨt'a ũrisima. Pablopa ichimá ak'ɨrude k'awasima ichia piarã ĩjãa bɨ Jesupa ichi p'ue jɨpa beepiit'a.

Hecho 4:10

Mãɨya bɨpɨra, taipa ãarea ará p'anoonaipɨ mãrapa mãɨnepa ãarea israel ĩjũanepemarãpa mãɨ ãarea k'awadamẽrá. Nãɨ ẽpẽra ara mãra k'ĩrari bɨt'a Jesucristo Nazaredepema jua chaareadepa jɨpa beesima. Mãɨ Jesucristo mãrapa k'urusude barijira bɨk'ari peasidama, maamina Tachi Ak'õrepa ichi chok'ae p'irabaripisima.

Hecho 3:6

Maamina Pedropa jarasima: —Mɨa erreara wa nee newẽma, maamina chi mɨa uru bɨt'a pɨá teaipɨ: ¡Jesucristo Nazaredepema t'ɨ̃nepa p'irabarik'ari pɨ nipade wãse!

Hecho 16:18

Ichia ewari minachia mãɨya jĩk'ua jara nipada pẽra Pablo sẽsima. Ichimá ak'ɨk'ari chi jaore mietá uru bɨa jarasima: —Mɨa Jesucristo t'ɨ̃nepa pɨá jararuma: nãɨ ãwẽranepema ãyá wãse. Ara mãɨne chi jaore mietá wãsima.

Mateo 9:22

Maamina mãɨya t'õmariside, Jesupa ãpɨtea ak'ɨk'ari, mãɨya jarasima mãɨ wẽrá: —K'au, arapaase. Piarã jɨpa beeit'a ĩjãana pẽra pɨ jɨpa beesima. Ara mãɨne mãɨ wẽra pia beesima.

1 Corintio 13:2

Mɨ Tachi Ak'õre pari pedeaipɨra, Tachi Ak'õrepa k'ɨ̃risia k'awapiwẽa bada jõma k'awa bɨpɨra, Tachi Ak'õre k'ɨ̃risia jõma k'awa bɨpɨra, mãɨnepa sõnepa piarã ĩjãa bɨdepa eya p'ue ãyá bɨipɨra, mãɨnepa waapẽarã k'ɨ̃riawẽa bɨpɨra, mãɨyara mɨ piawẽa bɨma.

Juan 14:12

Mɨa piarã jararuma: parituapa mɨne ĩjãa bɨpɨra, mɨa oo bɨt'a ichia pida ooipɨ. Piarã mɨa oo bɨ k'aepẽra ichia atepe ooipɨ, mɨ, mɨ Ak'õremá bade wãi pẽra.

Hecho 4:7

Mãɨne ãchia Pedro mãɨnepa Juan atapide peesidama. Ãchi k'ĩrari bai nɨbeepidak'ari nãɨya idisidama: —Jãɨ ẽpẽra bɨɨrɨ sorek'ea bada mãrapa ¿k'ai jua chaareadepa jɨpa beepisidama? ¿K'ai t'ɨ̃nepa jãɨya oosidama?

Hecho 3:8

Ara mãɨne ɨt'ɨ jĩitɨk'ari ya p'ɨrrɨa beesima. Jĩitɨ nineepa ya Tachi Ak'õrea pia pedea nineepa, ãchi ome Tachi Ak'õre te minachia bɨde eda wãsima.

Hecho 4:30

Pɨ jua chaarea bɨdepa chi k'ɨdade berã jɨpa beepise mãɨnepa chi pɨ pae pari mimiaparí jĩp'a bɨ Jesú t'ɨ̃nepa ẽpẽerãpa ne p'ue oodak'apɨ́ ãarea oose».

Juan 7:23

Moisepa bɨda oodai k'orea mãrapa mimianak'apɨ́ ewaride pida warra chak'e k'ak'ua tauchaapatama. Mãɨ mãra ¿k'ãre k'orea mɨ ome k'ĩruu p'anɨma mimianak'apɨ́ ewaride ẽpẽra jɨpa beepida k'orea?

Romano 3:22

Mãɨya Tachi Ak'õrepa ara ichia jararut'a ooparima, mãɨ Jesucristo ichi piuside ichi Ak'õre pedea ũri basi pẽra. Mãɨya ichia chi ãarea Jesude ĩjãautat'a chi ichidirã jĩp'a berã paara bɨparima. Aba pida k'ĩra awara unuk'ama.

Mateo 14:29

Ara mãɨne Jesupa jarasima: —¡Chese! Ara mãɨne Pedro p'ãp'orrodepa toeda batook'ari Jesumá to ɨ̃rɨ wãru pasima.